ऐकावं ते नवलंच! जोडप्याने चक्क समुद्राखाली आटोपले लग्न, Viral Photo पाहून तुम्हीही व्हाल थक्क

तुम्ही आतापर्यंत अनेक प्रकारचे विवाहसोहळे पाहिले असतील मात्र तुम्ही कधी समुद्राखालील लग्नसोहळा पाहिला आहे का? सौदी अरेबियातील एका जोडप्याने या अनोख्या लग्नाचा थाट रचला आहे ज्याचे फोटो आता व्हायरल झाले आहेत.

अनेकदा आपण सोशल मीडियावर अनेक विचित्र फोटो किंवा व्हिडिओज व्हायरल झालेले पाहतो. मात्र यात काही पोस्ट अशादेखील असतात ज्या आपल्याला वेगळा विचार करायला भाग पाडतात. अशीच एक पोस्ट सध्या सोशल मीडियावर मोठ्या प्रमाणात व्हायरल होत आहे. व्हायरल होत असलेला फोटो हा एका सौदी अरेबियातील जोडप्याच्या लग्नाचा फोटो आहे ज्याच्यामुळे ते आता चर्चेत आहेत. आता तुम्ही विचार करत असाल की या लग्नात इतकं काय खास होतं की ते चर्चेत होते. ते याचे कारण म्हणजे त्यांनी खोल निळ्याशार समुद्राच्या आत पाण्यात आपले लग्न आटोपले आहे. समुद्राखालील त्यांच्या या आगळ्यावेगळ्या लग्नाचा फोटो आता व्हायरल होत आहे.

या लग्नाच्या बातम्या अनेक मीडिया रिपोर्ट्समध्ये आल्या आहेत. आम्ही तुम्हाला सांगतो की हे जोडपे डायव्हर्स आहे आणि त्यांना त्यांचे लग्न एका अनोख्या पद्धतीने करायचे होते. आपले प्रेम सिद्ध करण्यासाठी लोक वेगवेगळ्या पद्धतींचा अवलंब करतात, कोणी महागड्या भेटवस्तू देतात तर कोणी आपले लग्न खास बनवण्यासाठी डेस्टिनेशन वेडिंग करतात, परंतु या जोडप्याने आपल्या लग्नासाठी एक अनोखी पद्धत निवडली आहे. ही पद्धत आता सोशल मीडियावर चर्चेही विषय ठरत आहे.

हेदेखील वाचा – धक्कादायक! विषारी सापाने चिमुकलीच्या गळ्याभोवती घातला विळखा अन् क्षणार्धात… Video Viral

See more

In a groundbreaking ceremony, Hassan Abu Al-Ola and Yasmine Daftardar exchanged vows underwater in the Red Sea, making waves as one of Saudi Arabia’s first underwater weddings. The passionate divers hope to inspire others to explore the stunning marine life of their homeland.… pic.twitter.com/NHCLq14DOt

— thefinance360 (@thefinance360) October 21, 2024

तुम्ही आजपर्यंत अनेक प्रकारच्या विवाहसोहळ्यांविषयी ऐकले असेल मात्र सध्या व्हायरल होत असलेला विवाहसोहळ तुम्ही क्विचितच कुठे पाहिला असावा. हसन अबू अल-ओला आणि यास्मिन दफ्तरदार या सौदी अरेबियाच्या जोडप्याने अलीकडेच निळ्याशार समुद्रात पाण्याखाली लग्न केले. या अनोख्या लग्नात जोडप्याचे जवळचे मित्र, गोताखोरही सहभागी झाल्याचे गल्फ न्यूजने सांगितले. कॅप्टन फैसल फ्लॅम्बन यांच्या नेतृत्वाखाली स्थानिक डायव्हर्सच्या गटाने सौदी डायव्हर्सने या लग्नाचे आयोजन केले होते.

हेदेखील वाचा – “अन्… नाव घेतो हिल पोरी हिला” पंढरपूरच्या आजोबांचा हटके उखाणा होतोय Viral

गल्फ न्यूजशी आपला अनुभव शेअर करताना अबू ओला म्हणाला, ‘आम्ही तयार झाल्यानंतर कॅप्टन फैसल आणि टीमने आम्हाला सांगितले की त्यांनी समुद्राखाली आमचे लग्न साजरे करण्याची योजना आखली होती. तो एक सुंदर आणि अविस्मरणीय अनुभव होता. या अनोख्या लग्नाचा फोटो @thefinance360 नावाच्या एक्स अकाउंटवर शेअर केला असून तो आता वेगाने व्हायरल होत आहे.