मानवाच्या अट्टाहासाची ठरली बळी! जयपूरच्या गुलाबी रंगवलेल्या हत्तीणीचा दुर्दैवी मृत्यू

Pink Elephant Jaipur : पिंक सिटी जयपूरमध्ये चंचल नावाच्या हत्तीणीचा मृत्यूवरुन वाद पेटाला आहे. एका परदेशी फोटोग्राफरने या हत्तीणीला गुलाबी रंगात रंगवले होते. यामुळे तिचा मृत्यू झाला असल्याचा दावा केला जात आहे.

• फोटेशूटसाठी हत्तीला फासला गुलाबी रंग
• काही दिवसांतच हत्तीणीचा मृत्यू
• सोशल मीडियावर संताप

Jaipur Elephant Death : भारतातील पिंक सीट म्हणून ओळखले जाणाऱ्या जयपूरमध्ये एका हत्तीणीच्या मृत्यूने मोठा वाद पेटला आहे. राजस्थानमधील जयपूर हे शहर ऐतिहासिक वास्तू, पंरपरा आणि अनोख्या स्थापत्यकलेल्या पाहण्यासाठी, येथे शाही सोहळा साजरा करण्यासाठी, राजवाड्यांची सफर करण्यासाठी जगभरातून लोक भेटीला येतात. नुकतेच एक परदेशी फोटोग्राफरने येथे केलेल्या एका फोटोशूटमुळे वाद पेटला आहे. एका फोटोग्राफर आणि मॉडलने ६५ वर्षीय हत्तीणीला पूर्णपणे गुलाबी रंगात रंगवले होते. यानंतर काही दिवसांतच हत्तीणीचा मृत्यू झाला आहे. ज्यामुळे सोशल मीडियावर प्राणीप्रेमींनी प्रचंड संताप व्यक्त केला.

विदेशी फोटोग्राफरचं अनोखं फोटोशूट वादात! भारताच्या पिंक सीटीमध्ये येऊन हत्तीला केलं गुलाबी, युजर्स भडकले; Video Viral

नेमकं काय आहे प्रकरण?

रशियन ट्रॅव्हल फोटोग्राफर ज्युलिया बुरुलेवा जयपूरमध्ये पिंक एलिफंट संकल्पनेवर आधारित एक फोटोशूट केले होते. तिने चंचल नावाच्या हत्तीणीला गुलाबी रंगात रंगवले होते. याशिवाय यामध्ये मॉडेल यशस्वीलाही गुलाबी रंगात रंगवून हत्तीणीवर बसवले होते. तिच्या या फोटोशूटने लोकांचे लक्ष वेधले मात्र यावर टीका करण्यात आली होती. प्राणीप्रेमींना याला तीव्र विरोधे केला होता. जगभरातून तिच्यावर टीका केली जात होती. फेब्रुवारी महिन्यात याचे शूट करण्यात आले होते. परंतु या फोटोशूटनंतर काही दिवसांतच हत्तीणीचा मृत्यू झाला आहे.

सध्या या योगायोगामुळे फोटोग्राफवर प्राणीप्रेमींकडून टीका केली जात आहे. फोटोग्राफरविरोधात कारवाईची मागणी केली जात आहे. एका नेटकऱ्याने तिच्यावर टीका केली आहे की, केवळ इन्स्टाग्रामवरील लाईक्ससाठी आणि स्वत:च्या अहंकारासाठी एका निष्पाप जीवाचा बळी घेतला आहे असे म्हटवले आहे, तर दुसऱ्या एका आजच्या  काळात एआय असताना अशा प्रकारे प्राण्यांना त्रास देणे योग्य आहे का असा प्रश्न केला आहे. याला नेटकऱ्यांनी प्राण्यांवर अत्याचार म्हटले असून संबंधित फोटोग्राफवर कारवाईची मागणी केली आहे.

फोटोग्राफरचे स्पष्टीकरण

याच वेळी फोटोग्राफर ज्युलिया बुरुलेवा हिने आपल्या कार्याचे स्पष्टीकरणे देत तिने केवळ सेंद्रिक रंगाने हत्तीला रंगवले होते. रंग हत्तीसाठी पूर्णपणे सुरक्षित असल्याचे म्हटले होते. तिने सांगितले की, राजस्थानमध्ये सणसमारंभात हत्तीला रंगवण्याची पंरपरा गेल्या अनेक वर्षांपासून आहे. मीही त्या पंरपरेचा भाग म्हणून हा रंग निवडला होता. हत्तीणीच्या सुरक्षेची पूर्ण काळजी घेतली होती.

तसेच हत्ती गाव विकास समितीचे अध्यक्ष बल्लू खान यांनी देखील, हत्तीचा मृत्यू नैसर्गिक असल्याचे स्पष्ट केले आहे. त्यांनी सांगितले की, फोटोशूटसाठी वापरलेला सेंद्रिय गुलाबी रंग लगेच धुवून टाकण्यात आला होता.  सध्या राजस्थानच्या वन विभागाने याबाबत चौकशी सुरु असल्याचे म्हटले आहे. अधिकाऱ्यांनी या प्रकरणात निष्काळजीपणा किंवा वन्यजीव संरक्षणाच्या नियमांचे उल्लंघन आढळल्यास योग्य ती कायदेशीर कारकवाई केली जाईल.

वाघा बॉर्डरवर तुफान Moment! भारतीय जवानाने एका अ‍ॅक्शनमध्येच पाकिस्तानी सैनिकाची उडवली खिल्ली; इंटरनेटवर Video Viral