ताईयांग पर्वतावर चढवली गेली सोलर पॅनेल्सची चादर, चीनच्या नव्या उपक्रमाने सर्वत्र उडवली खळबळ; Video Viral

Taihang Mountain Covered In Solar Panel : चीनच्या सोलर पार्कच्या व्हिडिओने सध्या सर्वांचे लक्ष वेधून घेतले आहे. व्हिडिओमध्ये हेबेई प्रांतातील ताईयांग पर्वतरांगांमध्ये सोलार पॅनेल्सची चादर पसरवल्याचे दिसून आले.

• ताईयांग पर्वत रांगांवर चढवली सोलार पॅनेल्सची चादर
• चीनच्या सोलर पार्कचा व्हिडिओ झालाय व्हायरल
• निसर्गासोबत छेडछाड केल्याने यूजर्सने व्यक्त केली खंत

आजकालच्या या डिजीटल युगात आपले आयुष्य हे इलेक्ट्राॅनिक वस्तूंनी गजबजलेलं आहे. मिक्सरपासून ते मोबाईलच्या चार्जरपर्यंत सर्वच गोष्टी इलेक्ट्रीसिटीवर अवलंबून राहिल्या आहेत. वीजेची गरज पाहता अनेक देशांमध्ये साैरऊर्जा म्हणजेच सोलार एनर्जीचा वापर करण्यास सुरुवात केली गेली आहे. याच्या मदतीने नैसर्गिकरित्या सूर्याच्या किरणांद्वारे इलेक्ट्रीसिटी तयार केली जाते. वीज निर्मितीसाठी सौर पॅनेलचा वापर अनेक फायदे मिळवून देतो आणि यापासून प्रेरित होऊन आता चीनने एक महत्त्वपूर्ण पाऊल उचलले आहे. चीनने आपल्या एका प्रांतातील पर्वतांवर सौर पॅनेलची चादर पसरवली आहे, ज्याचा व्हिडिओ सध्या सोशल मिडियावर सर्वांनाच थक्क करत आहे. चला याविषयी सविस्तर जाणून घेऊया.

पाहुण्यांच्या जीवाशी खेळ! पायनं मळलं पीठ अन्…, लग्नसमारंभातील ‘तो’ धक्कादायक VIDEO व्हायरल

काय घडलं व्हिडिओत?

पर्वतांवर पसरलेल्या या सोलार पॅनेल्सचा व्हिडिओ सध्या सोशल मिडियावर वाऱ्याच्या वेगाने व्हायरल होत आहे. व्हिडिओमध्ये असा दावा करण्यात आला आहे की, हे सोलार पॅनल्स चीनच्या हेबेई प्रांतातील ताईयांग पर्वतरांगांमध्ये पसरलेले आहेत. त्यात असेही म्हटले आहे की, या सौर फार्म्समुळे दरवर्षी २,५०,००० मेट्रिक टन कार्बन उत्सर्जन कमी होण्याची अपेक्षा आहे.

सांगितले जात आहे की, चीनच्या हेबेई प्रांतात बसवलेल्या या सौर पॅनल्सच्या मदतीने तयार होणाऱ्या इलेक्ट्रीसिटीला चीनची राजधानी बीजिंग येथे पाठवले जाणार आहे. यावर्षीच्या हिवाळी ऑलिंपिकसाठी सौर आणि पवन ऊर्जेचा वापर करण्याची चीनची योजना आहे. येथे मोठ्या प्रमाणात सौर पॅनल्स बसवण्यात आले आहेत आणि याचे व्हिडिओ सोशल मीडियावर सर्वांनाच आश्चर्यचकित करत आहेत.

See more

 

कामं नाही, पासपोर्टही जप्त… मलेशियात अडकलेल्या भारतीयासोबत क्रूर वागणूक, ‘तो’ धक्कादायक VIDEO VIRAL

चीनच्या तैयांग पर्वतरांगांवर पसरवण्यात आलेल्या या सोलार पॅनल्यचा व्हिडिओ @unilad नावाच्या इंस्टाग्राम अकाऊंटवरून शेअर करण्यात आला आहे. व्हिडिओला आतापर्यंत लाखो व्युज मिळाल्या असून हजारो युजर्सने व्हिडिओवर कमेंट करत यावर आपल्या प्रतिक्रिया व्यक्त केल्या आहेत. एका युजरने लिहिले आहे, “आणि यामुळे होणाऱ्या नुकसानाच काय?” तर दुसऱ्या युजरने लिहिले आहे, “निसर्गाच्या कोणत्याही गोष्टीबद्दल त्यांच्या पूर्ण दुर्लक्ष आणि अनादराचे हे आणखी एक उदाहरण आहे” आणखीन एका युजरने लिहिले आहे, “पर्वत नष्ट केल्याबद्दल हे दुःखद आहे”.