बाल्कनीत आले अन् प्रदूषणाला बळी पडले, समोरचे सर्वच दिसेनासे झाले… दिल्ली-नोएडातील भयानक वास्तव समोर; Video Viral

Delhi Scary Video : दिल्लीतील वाढते प्रदूषण आणि दाट धुक्यामुळे जनजीवन विस्कळीत झाले आहे. हवेची गुणवत्ता धोकादायक पातळीवर पोहोचली आहे. याचा एक व्हिडिओ सोशल मीडियावर शेअर करण्यात आला आहे ज्याने सर्वांना हादरवून सोडलं.

• दिल्ली-एनसीआरमध्ये हवेची गुणवत्ता 450 च्या वर, दृश्यमानता जवळपास शून्य अंशावर आहे.
• प्रदूषण किती वाढले आहे हे दर्शवणारा व्हिडिओ आता इंटरनेटवर शेअर करण्यात आला आहे.
• ग्रेटर नोएडातील व्हिडिओत सर्वत्र फक्त दाट प्रदूषण दिसत असल्याने चिंता वाढली आहे.

दिल्लीतील प्रदूषण एक गंभीर समस्या असून हिवाळ्यात ही समस्या दुपटीने वाढल्याचे दिसून येते. दिल्लीतील हवेची गुणवत्ता (AQI) ‘धोकादायक’ पातळीवर आहे. इथे राहणाऱ्या बहुतेकांना वायू प्रदूषणाचा सामना करावा लागतो. दिल्ली हे भारतातील सर्वात प्रदूषित शहरांपैकी एक मानले जाते आणि अशातच आता इथल्या प्रदूषणाचा व्हिडिओ सोशल मिडियावर शेअर करण्यात आला आहे ज्यातील दृश्ये पाहून यूजर्स हादरून गेले. तापमानात घट आणि हवेची गुणवत्ता खालावताना, धुक्यामुळे दिल्ली-एनसीआरमधील लोक त्रासदायक स्थितीत आहेत. इंटरनेटनर शेअर केलेल्या या व्हिडिओमध्ये, एक महिला आपल्या बाल्कनीबाहेरचे दृश्य दाखवताना दिसून येते, ज्यात फक्त धुराचे वादळ दिसून येते. प्रदूषण इतके जास्त असते की, यामुळे समोरचे दृश्यही स्पष्ट दिसत नाही.

कहरच! घरदार सोडून प्रेयसीसोबत लग्न करायला गेला अन् कोर्टात समजलं मुलीचं आधीच लग्न झालंय… हाय व्होल्टेज ड्रामाचा Video Viral

काय घडलं व्हिडिओत?

भारतीय हवामान खात्याच्या आकडेवारीनुसार, रात्री तापमानात मोठी घट झाली आहे, तर प्रदूषणाची पातळी देखील वाढली आहे. हवेची गुणवत्ता गंभीर श्रेणीत पोहोचली आहे, अनेक निरीक्षण केंद्रांवर हवा गुणवत्ता निर्देशांक (AQI) 450 च्या वर गेला आहे, ज्यामुळे शहराचा मोठा भाग धोक्याच्या क्षेत्रात आला आहे. व्हायरल होत असलेला हा व्हिडिओ ग्रेटर नोएडातील असून १४ डिसेंबर रोजी याला शूट करण्यात आले आहे. व्हिडिओमध्ये प्रदूषणाची दाट धुके संपूर्ण परिसरात पसरल्याचे दिसून येते. महिला जेव्हा बाल्कनीतून फोनचा कॅमेरा बाहेर काढते तेव्हा त्यात प्रदूषणाव्यतिरिक्त आणखी काहीही दिसत नाही. चारही दिशेला जे दिसते ते फक्त प्रदूषणचं असते.

See more

ब्राझीलमध्ये वादळाने माजवला कहर, अवघ्या काही सेकंदातच ‘स्टॅच्यू ऑफ लिबर्टि’ची प्रतिमा कोसळली; घटनेचा थरारक Video Viral

दाट धुक्यामुळे, दिल्ली विमानतळाने प्रवाशांना विमानांच्या वेळापत्रकात संभाव्य व्यत्यय येण्याची सूचना जारी केली. या इशाऱ्यात म्हटले आहे की, “दाट धुक्यामुळे विमान वाहतुकीत व्यत्यय येऊ शकतो.” दरम्यान, महामार्गावर वाहने एकमेकांशी टक्कर देत असल्याचे अनेक व्हिडिओ समोर आले आहेत. नोएडा आणि दिल्लीच्या काही भागात उंच इमारतींमधील व्हिडिओंमध्ये रस्त्याच्या पातळीवर जवळजवळ शून्य दृश्यमानता दिसून आली. लोकांनी पहाटेचे व्हिडिओ पोस्ट केले ज्यात ते हंगामातील सर्वात दाट धुके असल्याचे वर्णन केले आणि खालावलेल्या हवेच्या गुणवत्तेबद्दल व्यापक चर्चा करण्याचे आवाहन केले. दरम्यान वेगाने व्हायरल होत असलेला हा व्हिडिओ @yaminiratrachawla नावाच्या इंस्टाग्राम अकाऊंटवरून शेअर करण्यात आला आहे.

टीप – हे व्हिडिओ सोशल मीडियावर व्हायरल झाले असून आम्ही वाचकांना काय योग्य आणि काय अयोग्य हे दाखविण्यासाठी लेख देत असतो. कोणत्याही प्रकारे अशा व्हिडिओबाबत आमचे मत आम्ही मांडत नाही वा आमचा कोणताही दावा नाही.