अजब-गजब! 40 फूट गाडी चालवून गोल्ड फिशने जिंकला गिनीज वर्ल्ड बुक रेकॉर्ड; सोशल मीडियावर Video Viral

Gold Fish Wins World Record : काय सांगता! एका माशाने जिंकला गिनीज वर्ल्ड बुक रेकॉर्ड. या अनोख्या घटनेने सध्या सर्वांचे लक्ष वेधून घेतले असून याचा व्हिडिओ सोशल मीडियावर चांगलाच शेअर केला जात आहे.

• ब्लॉब नावाच्या गोल्डफिशने मोशन-सेंसिंग गाडी चालवत ४० फूट ३.४६ इंच अंतर पार करून गिनीज वर्ल्ड रेकॉर्ड केला.
• नेदरलँड्सचे अभियंता थॉमस डी. वुल्फ यांनी माशाच्या हालचालींवर चालणारे विशेष चारचाकी वाहन तयार केले.
• या अनोख्या कर्तृत्वाचा व्हिडिओ सोशल मीडियावर व्हायरल झाला असून लोकांनी आश्चर्य व्यक्त केले.

गिनीज वर्ल्ड रेकॉर्ड्स हे एक लोकप्रिय ब्रिटिश संदर्भ पुस्तक आहे, ज्यामध्ये मानवाद्वारे मानवी अद्भूत चमत्कारांची किंवा पराक्रमांची नोंद केली जाते. हा एक मोठा पुरस्कार मानला जातो. भारतात अनेक लोकांनी आपल्या अनोख्या गोष्टींमुळे यात आपले नाव कोरले आहे पण अलिकडेच कोणत्या व्यक्तीने नाही तर एका गोल्ड फिशने गिनीज वर्ल्ड बुक रेकॉर्ड जिंकल्याची माहिती समोर आली आहे. एक छोटा मासा इतका मोठा पुरस्कार जिंकू शकतो यावर लोकांचा विश्वास बसत नसून याचा लाईव्ह व्हिडिओ आता चांगलाच चर्चेत ठरला आहे.

एकमेकांचा पाठलाग करताना दिसले 3 रहस्यमय UFO, कॅमेरात कैद झाले दृष्य; Viral Video ने उडवली खळबळ

गोल्डफिशने ४० फूट गाडी चालवली…

ब्लाॅब असं या गोल्ड फिशचं नाव आहे. तिने मोशन-सेंसिंग गाडीमध्ये सर्वात जास्त अंतर कापल्याने गिनीज वर्ल्ड बुक रेकॉर्डचा किताब मिळवला आहे. गोल्ड फिशच्या या यशाचे खरे श्रेय तिचा मालक जो व्यवसायाने अभियंता आहे त्याला जाते. न्यू यॉर्क पोस्टनुसार, नेदरलँड्सच्या थॉमस डी. वुल्फ यांनी गोल्डफिशच्या हालचालींवर आधारित पाण्याच्या टाकीने सुसज्ज असलेले चार चाकी वाहन तयार केले आहे. गोल्डफिशने एकूण ४० फूट आणि ३.४६ इंचाचा प्रवास करुन रेकाॅर्ड तयार केल्याचे सांगण्यात येत आहे. याचा व्हिडिओ @Guinness World Records Kids नावाच्या युट्युब अकाउंटवरून शेअर करण्यात आला आहे.

हत्तीचा हाहाकार! व्यक्तीला चेंडूसारखे उचलले अन् पायदळी तुडवले, Viral Video पाहूनच थरकाप उडेल

थॉमसने माशासाठी बनवलेले चारचाकी वाहन मोशन-सेन्सिंग कॅमेराने सुसज्ज आहे, म्हणून जेव्हा मासा त्याच्या टाकीच्या एका बाजूला जातो तेव्हा गाडी त्या दिशेने जाते. माशाने गिनिज वर्ल्ड रेकाॅर्ड किताब जिंकल्यानंतर मालक थॉमस याने प्रतिक्रिया दिली. यात त्याने म्हटले, “माझे काम सहसा खूपच नीरस असते, म्हणून मला असे काहीतरी तयार करायचे होते जे लोकांचे मनोरंजन करेल आणि माझे ‘गंभीर’ काम मजेदार बनवेल. या प्रकारच्या तंत्रज्ञानाने काय साध्य करता येते हे लोकांना दाखवणे हा यामागचा उद्देश आहे, जरी ते ‘गंभीर’ नसले तरीही”.

टीप – हे व्हिडिओ सोशल मीडियावर व्हायरल झाले असून आम्ही वाचकांना काय योग्य आणि काय अयोग्य हे दाखविण्यासाठी लेख देत असतो. कोणत्याही प्रकारे अशा व्हिडिओबाबत आमचे मत आम्ही मांडत नाही वा आमचा कोणताही दावा नाही.