व्यक्तीच्या एका चुकीने घराला बनवलं कबुतरखाना, 3 वर्षांनंतर घरी येऊन पाहतो तर... Video Viral
काय दिसलं व्हिडिओत?
जेव्हाही आपण घराबाहेर पडतो, आपण घरातून बाहेर निघण्याआधी गॅस बंद केला की नाही, खिडक्या उघड्या तर नाहीत ही सर्व तपासणी करुनच घराबाहेर पडतो. पण कधी कधी एखादी गोष्ट नीट चेक करायची राहून जाते आणि असंच काहीसं व्यक्तीसोबत घडून आलं ज्याचा परिणाम त्याला तीन वर्षांनंतर परतल्यानंतर दिसून आला. घरातून निघताना व्यक्ती खिडकी बंद करायला विसरला आणि या चुकीमुळे, जेव्हा तो ३ वर्षांनी घरी परतला, तेव्हा त्याचे घर हे घर न राहता कबुतरांच्या राहण्याचे ठिकाण झाले होते. व्हिडिओमध्ये व्यक्तीच्या संपूर्ण घरात कबुतरच कबुतर पसरलेल दिसून आले. काही किचनमध्ये फिरत होते तर काही सोफ्यावर आराम करत होते. याशिवाय संपूर्ण घरभर कबुतरांची पिसे पसरलेली होती. आपल्या घराचे हे दृश्य पाहताच व्यक्तीने या घटनेचा व्हिडिओ शूट करुन सोशल मिडियावर शेअर केला आणि आता हिच क्लिप इंटरनेटवर व्हायरल झाला आहे.
हा व्हिडिओ @BrianMcDonaldIE नावाच्या एक्स अकाऊंटवरून शेअर करण्यात आला आहे. व्हिडिओच्या कॅप्शनमध्ये लिहिण्यात आले आहे की, ‘आर्क्टिक वर्तुळाच्या आत असलेल्या वोरकुटा या अत्यंत थंड कोळसा खाणकाम शहराचा एक रहिवासी, बाहेर जाण्यापूर्वी खिडकी बंद करायला विसरल्यामुळे तीन वर्षांनी आपल्या अपार्टमेंटमध्ये परतला’. व्हिडिओला आतापर्यंत लाखो व्युज मिळाल्या असून हजारो युजर्सने व्हिडिओवर कमेंट करत यावर आपल्या प्रतिक्रिया व्यक्त केल्या आहेत. एका युजरने लिहिले आहे, “हे वोरकुटा आहे. तिथे बरेचसे पडीक फ्लॅट्स आहेत” तर दुसऱ्या युजरने लिहिले आहे, “हे भयंकर आहे. ९० च्या दशकात मी दोन-तीन वेळा वोरकुटाला गेलो होतो. मला तिथली कडाक्याची थंडी आठवते. पण मला कबुतरे आठवत नाहीत” आणखीन एका युजरने लिहिले आहे, “तो सोफा आता निरुपयोगी झाला आहे”.
टीप – हे व्हिडिओ सोशल मीडियावर व्हायरल झाले असून आम्ही वाचकांना काय योग्य आणि काय अयोग्य हे दाखविण्यासाठी लेख देत असतो. कोणत्याही प्रकारे अशा व्हिडिओबाबत आमचे मत आम्ही मांडत नाही वा आमचा कोणताही दावा नाही.
.png "Videos"){kind=small}
