बाईक की मिनी बस? एकाच गाडीवर डझनभर मुलांना बसवून बाईकस्वाराचा जीवघेणा प्रवास; Video Viral

Viral Video : कुणी बसलंय तर कुणी लटकतंय... डझनभर मुलांना घेऊन बाईकस्वाराचा जीवघेणा प्रवास. व्हिडिओ पाहून यूजर्सने व्यक्त केला संताप म्हणाले, मुलांच्या सुरक्षेचा तरी विचार करायचा होता.

• एका बाईकवर ६-७ मुलांसह वृद्ध व्यक्तीचा धक्कादायक प्रवास
• काही मुलं फुटरेस्टवर उभं राहून करत होती जीवघेणा प्रवास
• व्हिडिओ सोशल मीडियावर व्हायरल; यूजर्सनी सुरक्षेवर उपस्थित केले प्रश्न

रस्त्यावर वाहन चालवताना काही नियमांचे पालन होणे फार गरजेचे असते. Motor Vehicles Act, 1988 मधील कलम 128 नुसार, बाईकस्वार आपल्याव्यतिरिक्त गाडीवर फक्त आणखी एका प्रवाशाला आपल्यासोबत बाईकवर बसवू शकते. पण या नियमाचे पालन अनेकजण करत नाही. काहीवेळी तीन तर काहीवेळी चार जण एका बाईकवर बसून प्रवास करतात. तथापि, आता तर कहरच झाला. अलिकडे शेअर करण्यात आलेल्या व्हायरल व्हिडिओत मात्र तीन-चार नाही तर तब्बल डझनभर मुलं एकाच बाईकवर प्रवास करताना दिसली. यात एक बाईकस्वार आणि त्याच्या मागे मुलांचा मोठा ग्रुप एडजस्ट करुन बसल्याचे दिसले. ही घटना सध्या सोशल मिडियावर चांगलीच व्हायरल होत असून यामुळे सुरक्षेचा प्रश्न उपस्थित केला जात आहे.

आयटीवाल्यांना येईल कॉम्प्लेक्स! मुंबईत फिरून चहा विकणारा भाऊ करतोय महिन्याला ३० हजारांची बचत, नुकतीच काढलीये ‘व्हॅकेन्सी’

काय घडलं व्हिडिओत?

सोशल मिडियावर व्हायरल होत असलेला हा व्हिडिओ एका व्यक्तीने आपल्या कारमधून शूट केला. रस्त्यावरुन जाताना त्याला कारसमोरुन एक भरगच्च भरलेली बाईक जाताना दिसली. बाईकवरचे दृष्य इतके अजब होते की, पाहून त्याची नजर तिथून हलूच शकली नाही. त्याने लगेच हे दृष्य आपल्या फोनच्या कॅमेरात कैद केले आणि याचा व्हिडिओ सोशल मिडियावर शेअर केला. व्हिडिओमध्ये आपल्याला एका गाडीवर वृद्ध बाईकस्वार आणि त्याच्या मागे आणि पुढे पेट्रोलच्या टाकीवर असे जवळपास ६-७ लहान मुले कसेबसे बसल्याचे दिसते. यातील काहीजण बाईकच्या साईडला असणाऱ्या फुटरेस्टवर उभे लटकत प्रवास करत होते. मुलांच्या हातात शाळेच्या बॅगाही लटकलेल्या दिसत आहेत. बाईकवरील या दृष्यांनी अनेकांना थक्क केलं तर हे जाणून घेणं महत्त्वाचं आहे की, इतक्या लोकांनी बाईकवर प्रवास करणे खरंतर जीवघेणं ठरु शकतं. यात एकाचाही जर हात निसटला असता तर अपघात आणि मुलांना दुखापत होण्याची शक्यता होती.

See more

जोधपूर हादरले! प्रेमाची तालिबानी शिक्षा; प्रेमी-प्रेमिकेला सार्वजनिकरीत्या अपमानित करत केले टक्कल, Video Viral

या व्हिडिओ @arshad_khan_886906 नावाच्या इंस्टाग्राम अकाऊंटवरुन शेअर करण्यात आला आहे. व्हिडिओ सोशल मिडियावर व्हायरल होत असून अनेक यूजर्सने यातील दृष्यांवर आपले मत व्यक्त केले आहे. एका यूजरने म्हटले की, “एका बाईकवर एवढ्या मुलांना बसवणं म्हणजे स्वतःसोबत इतरांच्याही जीवाला धोका निर्माण करणं आहे”, दुसऱ्या युजरने लिहिले आहे, “बापरे इतके जण तर कारमध्येही बसवले जात नाही”, आणखी एका यूजरने लिहिले आहे, “मुलांच्या सुरक्षेचा विचार तरी करायला हवा होता ”.

टीप : या घटनेशी संबंधित माहिती सोशल मीडियावर शेअर करण्यात आलेल्या पोस्ट आणि व्हिडीओवर आधारित आहे. त्यातील सर्व दाव्यांची स्वतंत्रपणे पडताळणी झालेली असल्याचे निश्चितपणे सांगता येत नाही.