“तेरे माथे के कुमकुम को…” पतीने लावला पत्नीच्या कपाळावरील कुंकवाचा टिळक, लहानश्या कृतीने जिंकले लाखो युजर्सचे मन; Video Viral

Wedding Viral Video : नवरा असावा तर असा! फिल्मी गाण्याच्या ओळी त्याने सत्यात उतरवून दाखवल्या... लग्नसमारंभातील गोड व्हिडिओ आता सर्वांचे हृदय जिंकत आहे. व्हिडिओत काय घडलं ते तुम्हीच पहा.

• लग्नसोहळ्यातील लहानसाच पण अर्थपूर्ण क्षण कधी कधी आयुष्यभर लक्षात राहतो.
• वराने वधूच्या भांगेत कुंकू भरल्यानंतर त्याच कुंकवाचा टिळक स्वतःच्या कपाळावर लावला.
• परंपरेचे चौकटीत राहून वराने केलेली ही फिल्मी कृती आता सर्वांचे हृदय जिंकत आहे.

सोशल मीडियावर लग्नाचे अनेक व्हिडिओज व्हायरल होत असतात. पण अलीकडे जो व्हिडिओ इथे शेअर करण्यात आला आहे त्याने लाखो युजर्सचे मन जिंकले आहे. व्हिडिओमध्ये लग्नसमारंभातील एक सुंदर क्षण दाखवण्यात आला आहे ज्यात वर वधूच्या भांगेत कुंकू भारत आहे. हिंदू विवाहातील हा एक महत्त्वाचा विधी आहे ज्यात सौभाग्याचं प्रतीक मानल्या जाणाऱ्या लाल कुंकवाला पती आपल्या होणाऱ्या पत्नीच्या भांगेत भरतो. हे कुंकू म्हणजे तिच्या सौभाग्याचं प्रतीक असतं. पण याचदरम्यान वर अशी एक गोष्ट करतो ज्याने उपस्थित सर्व वर्हाड्यांसोबत, युजर्सचेही मन जिंकले जाते. चला व्हिडिओत नक्की काय घडत ते सविस्तर जाणून घेऊया.

इराणमध्ये का होत आहे रक्ताचा पाऊस, समुद्रकिनारा झाला लालबुंद… दृष्य इतके भयानक की पाहून कुणाचाही थरकाप उठेल; Video Viral

काय घडलं व्हिडिओत?

सोशल मीडियावर सध्या एक हृदयस्पर्शी व्हिडिओ प्रचंड व्हायरल होत आहे. या व्हिडिओमध्ये लग्नाचे विधी सुरु होत असतात. वर प्रेमाने वधूच्या भांगेत कुंकू भरतो त्यानंतर सर्वच गुलाबाच्या पाकळ्या त्यांच्या अंगावर टाकत या विधीचा आनंद साजरा करतात. पण दृष्य तर तेव्हा खास बनते जेव्हा वर भांगेत भरलेल्या कुंकवाचा टिळा आपल्या माथ्यावर लावतो. त्याच्या या कृतीने उपस्थित लोकंच काय तर वधूही त्याच्यावर फिदा होते आणि लगेच तिच्या चेहऱ्यावर एक निखळ हसू उमलत, जे या क्षणाला आणखीन खास बनवतं. वराची ही कृती लहान असली तरी यामागचे प्रेम, आदर आणि समानतेची भावना फार मोठी आहे. काळजी आणि कौतुकाची छोटीशी कृती अनेकदा भव्य हावभावांपेक्षा जास्त बोलकी असते, जी आपल्याला आठवण करून देते की जेव्हा दोन्ही जोडीदार एकमेकांचा आदर करतात आणि त्यांची कदर करतात तेव्हा कायमचे नातेसंबंध फुलतात. ही घटना बॉलिवूडमधील प्रसिद्ध गाण्याच्या ओळी सत्यात उतरवताना दिसून येते. या ओळी म्हणजे, “तेरे माथे, तेरे माथे के कुमकुम को, मैं तिलक लगा के घूमूंगा”.

हा व्हायरल व्हिडिओ @oc_.alpha.sp नावाच्या इंस्टाग्राम अकाऊंटवरून शेअर करण्यात आला आहे. व्हिडिओला सुंदर कॅप्शन देण्यात आले असून यात लिहिले आहे की, ‘व्हायरल झालेल्या एका हृदयस्पर्शी लग्नाच्या क्षणात, एका वराने “माथे के कुमकुम को…” हे लोकप्रिय गाणे परिपूर्णपणे सत्यात उतरवले. पारंपारिक सिंदूर समारंभात, त्याने केवळ आपल्या वधूच्या भांगेवरचा सिंदूर लावला नाही तर प्रेम, समानता आणि खोडकरपणाचे प्रतीक म्हणून स्वतःच्या कपाळावर त्याचा टिळक लावला. या क्लिपने ऑनलाइन अनेकांचे हृदय जिंकले आहे, तर चाहत्यांनी वराचे विधी संस्मरणीय आणि मजेदार बनवल्याबद्दल कौतुक केले आहे’.

See more

धुरंधर चित्रपट पाहून आलेल्या पाकिस्तानी प्रेक्षकाची कबुली; भावुक झाला अन् म्हणाला, “मान्य करतो की… ” Video Viral

अनेक युजर्सनेही व्हिडिओवर कमेंट्स करत या वरच्या या कृतीवर आपले मत व्यक्त केले. यात एका युजरने लिहिले आहे, “हे कपाळाच्या चुंबनापेक्षाही गोंडस आहे ” तर दुसऱ्या युजरने लिहिले आहे, “भावाने गाण्यातील ती ओळ गांभीर्याने घेतली” आणखीन एका युजरने लिहिले आहे, “कोणीही काहीही न बोलता, कोणीही काहीही स्पष्ट न करता, कुठूनही न पाहता, सर्व काही तुमच्या मनाने, हृदयाने आणि बुद्धीने केले जाते, ते खूप महत्त्वाचे आहे!”.

टीप – हे व्हिडिओ सोशल मीडियावर व्हायरल झाले असून आम्ही वाचकांना काय योग्य आणि काय अयोग्य हे दाखविण्यासाठी लेख देत असतो. कोणत्याही प्रकारे अशा व्हिडिओबाबत आमचे मत आम्ही मांडत नाही वा आमचा कोणताही दावा नाही.