World Peace : ‘इराण-रशियापासून युक्रेनपर्यंत…’ 72 तासांत थांबली आठ देशांमधील युद्ध; जाणून घ्या ‘हे’ दिव्य कसे घडले?

८ एप्रिल रोजी इराण आणि अमेरिकेने पहिल्यांदाच युद्धविरामाची घोषणा केली. त्यानंतर पाकिस्तान आणि अफगाणिस्तान यांच्यात तात्पुरत्या युद्धविरामावर सहमती झाली. इस्रायल आणि लेबनॉन यांच्यातील युद्धही थांबले आहे.

• जागतिक चमत्कार
• इस्टर आणि मुत्सद्देगिरी
• मध्यस्थीला यश

8 wars stopped in 72 hours 2026 : जग तिसऱ्या महायुद्धाच्या उंबरठ्यावर (World War 3) असतानाच गेल्या ७२ तासांत काही अशा घडामोडी घडल्या आहेत, ज्यावर विश्वास ठेवणे कठीण आहे. आशिया, युरोप आणि मध्य-पूर्व या तीनही खंडांना हादरवून सोडणारी ८ मोठी युद्धे अचानक थांबली आहेत. ८ एप्रिलपासून सुरू झालेला हा शांततेचा सिलसिला आजही कायम असून, यामुळे जागतिक राजकारणात एका नवीन पर्वाची सुरुवात झाली आहे. यामध्ये इराण-अमेरिका, इस्रायल-लेबनॉन, रशिया-युक्रेन आणि पाकिस्तान-अफगाणिस्तान यांसारख्या कट्टर शत्रूंचा समावेश आहे.

रशिया-युक्रेन: इस्टरमुळे तोफा थंडावल्या

युरोपमधील सर्वात मोठा संघर्ष असलेल्या रशिया-युक्रेन युद्धात शुक्रवारी एक आशेचा किरण दिसला. इस्टर सणाच्या पवित्र निमित्ताने रशिया आणि युक्रेन ३२ तासांच्या तात्पुरत्या युद्धविरामावर सहमत झाले आहेत. रशियाचे राष्ट्राध्यक्ष व्लादिमीर पुतिन यांनी सांगितले की, दोन्ही देशांतील जनता हा सण साजरा करते, त्यामुळे मानवतेच्या दृष्टीने हे पाऊल उचलले आहे. गेल्या वर्षी हा विराम केवळ ३० तासांचा होता, मात्र यंदा तो वाढवण्यात आला आहे. २०२२ पासून सुरू असलेल्या या युद्धात पहिल्यांदाच दोन्ही बाजूंनी इतक्या सकारात्मकतेने सहमती दर्शवली आहे.

जागतिक घडामोडी संबंधित बातम्या वाचण्यासाठी येथे क्लिक करा : Peace Talks: ‘आम्ही महासत्ता बनणार!’ मोजतबा खामेनींचे शस्त्रसंधीनंतरचे पहिलेच स्फोटक विधान; सूड घेणार म्हणत अमेरिकेला थेट चॅलेंज

इराण-अमेरिका: ३८ दिवसांच्या रक्तरंजित संघर्षानंतर शस्त्रसंधी

गेल्या ३८ दिवसांपासून एकमेकांचे वीज प्रकल्प आणि लष्करी तळ उडवून लावणाऱ्या इराण आणि अमेरिकेने ७ एप्रिल रोजी युद्धबंदीची घोषणा केली. हा युद्धविराम सध्या दोन आठवड्यांसाठी असला, तरी या काळात पाकिस्तानची राजधानी इस्लामाबाद येथे शनिवारी (११ एप्रिल) महत्त्वाची शांतता चर्चा होणार आहे. जरी डोनाल्ड ट्रम्प यांनी “चर्चा फसल्यास इराणला मोठा फटका बसेल” अशी धमकी दिली असली, तरी सध्या तरी दोन्ही देशांच्या तोफा शांत आहेत. या २ आठवड्यांच्या काळात कायमस्वरूपी शांतता प्रस्थापित करण्याचे मोठे आव्हान जागतिक नेत्यांसमोर असेल.

पाकिस्तान-अफगाणिस्तान आणि चीनची मध्यस्थी

ड्युरँड लाईन आणि टीटीपी (TTP) वरून एकमेकांचे रक्त सांडणाऱ्या पाकिस्तान आणि अफगाणिस्तानला शांत करण्यासाठी चीनने मोठी भूमिका बजावली. चीनमध्ये झालेल्या सात दिवसांच्या मॅरेथॉन बैठकीनंतर दोन्ही देशांनी एकमेकांवर हल्ले न करण्याची शपथ घेतली आहे. यापूर्वी ईदच्या वेळी झालेला करार पाकिस्तानने मोडला होता, मात्र आता दोन्ही देशांनी सध्याची परिस्थिती पाहता शस्त्रे खाली ठेवण्याचा निर्णय घेतला आहे. हा करार कायमस्वरूपी नसला तरी सीमेवरील तणाव कमी करण्यासाठी अत्यंत महत्त्वाचा मानला जात आहे.

इस्रायल-लेबनॉन: वॉशिंग्टन बैठकीकडे लक्ष

२०२४ पासून लेबनॉनवर भीषण बॉम्बवर्षाव करणाऱ्या इस्रायलने अखेर आपले हल्ले थांबवले आहेत. इराणसोबतच्या युद्धविरामानंतरही इस्रायल लेबनॉनला लक्ष्य करत होता, मात्र आता वॉशिंग्टनमध्ये होणाऱ्या आगामी शांतता कराराच्या बैठकीपर्यंत इस्रायलने कोणतीही लष्करी कारवाई न करण्याचे मान्य केले आहे. लेबनॉनमधील सामान्य जनतेसाठी हा मोठा दिलासा असून, यामुळे मध्य-पूर्वेतील तणाव काही अंशी कमी झाला आहे.

जागतिक घडामोडी संबंधित बातम्या वाचण्यासाठी येथे क्लिक करा : Iran No Talks : इस्लामाबाद किल्ल्यासारखं सजवलं, पण पाहुणेच गायब; इराणचा शांतता चर्चेला सणसणीत नकार, त्यात पाकिस्तानचा अपमान

ही शांतता टिकणार का?

७२ तासांत घडलेला हा बदल जगासाठी सुखद धक्का आहे. मात्र, यातील बहुतांश युद्धविराम हे तात्पुरते आहेत. इराणमधील इस्लामाबाद चर्चा आणि इस्रायलची वॉशिंग्टन बैठक यावरच जगाचे भविष्य अवलंबून आहे. ट्रम्प यांची आक्रमक मुत्सद्देगिरी आणि विविध सणांचे औचित्य यामुळे जगाला मिळालेली ही ‘शांततेची ७२ तासे’ कायमस्वरूपी समाधानात बदलणार का, हे पाहणे औत्सुक्याचे ठरेल.