AI Governance : जग AI वर नियंत्रणाची तयारी करत असताना ट्रम्पांचा विरोध; ‘ग्लोबल प्लॅन’ला अमेरिकेचा नकार

AI Governance : AI वर जागतिक पातळीवर नियंत्रण आणि सुरक्षा नियमांची चर्चा सुरू असताना डोनाल्ड ट्रम्प यांनी आंतरराष्ट्रीय देखरेखीच्या प्रस्तावाला विरोध दर्शवला आहे. 20 देश आणि युरोपियन युनियनने AI मानवी नियंत्रणाखाली ठेवण्यासाठी समान नियम आणि संभाव्य आंतरराष्ट्रीय संस्थेचा प्रस्ताव मांडला आहे.

• 20 देशांकडून ग्लोबल AI देखरेखीची मागणी
• ट्रम्पांचा AI नियंत्रणाला विरोध
• AI वरून जग दोन भूमिकांमध्ये

AI Governance : कृत्रिम बुद्धिमत्तेच्या झपाट्याने वाढणाऱ्या प्रभावामुळे जगभरात AI वर नियंत्रण, सुरक्षितता आणि आंतरराष्ट्रीय नियमांची चर्चा सुरू आहे. मात्र, अमेरिकेचे राष्ट्राध्यक्ष डोनाल्ड ट्रम्प यांनी AI वर नव्या जागतिक नियंत्रण व्यवस्थेला विरोध दर्शवला आहे.

संयुक्त राष्ट्रांच्या महासभेच्या पार्श्वभूमीवर AI च्या भवितव्यावरून अमेरिका आणि इतर देशांमधील वेगवेगळे दृष्टिकोन पुन्हा समोर आले आहेत.

20 देशांकडून ग्लोबल AI देखरेखीची मागणी

जर्मनी, कॅनडा, दक्षिण आफ्रिका, ऑस्ट्रेलिया आणि संयुक्त अरब अमिरातीसह 20 देश आणि युरोपियन युनियनने AI मानवी नियंत्रणाखाली राहावा, यासाठी आंतरराष्ट्रीय सहकार्य वाढवण्याचे आवाहन केले आहे. AI साठी समान सुरक्षा मानके तयार करणे, गंभीर घटनांची माहिती शेअर करणे आणि भविष्यात आंतरराष्ट्रीय संस्थेच्या माध्यमातून देखरेख करण्याचा प्रस्ताव या देशांनी मांडला आहे.

Hollywood News : हेडन पॅनेटीअरच्या मृत्यूचं गूढ उकललं; फेंटॅनिलसह इतर पदार्थांच्या विषारी परिणामाने मृत्यू

ट्रम्पांचा AI नियंत्रणाला विरोध

दुसरीकडे, डोनाल्ड ट्रम्प यांनी AI क्षेत्रावर नवीन नियम लादण्यास विरोध केला आहे. त्यांच्या मते, कठोर नियमांमुळे तंत्रज्ञानाच्या विकासाचा वेग कमी होऊ शकतो. AI क्षेत्रावर लक्ष ठेवण्यासाठी अमेरिकेच्या न्याय विभागाची भूमिका असू शकते, असेही त्यांनी स्पष्ट केले आहे. AI च्या विकासाला रोखण्याऐवजी त्याचा विस्तार सुरू ठेवण्यावर अमेरिकेचा भर असल्याचे त्यांच्या भूमिकेतून दिसून येते.

Turkey LGBTQ Crackdown : डझनभर जणांना अटक ;तुर्कीमध्ये LGBTQ +कार्यकर्त्यांवर धाडसत्र

AI वरून जग दोन भूमिकांमध्ये

AI च्या वाढत्या क्षमतेसोबत त्याचा चुकीचा वापर, सायबर सुरक्षा, मानवी नियंत्रण आणि भविष्यातील धोके याबाबत चिंता वाढत आहे. संयुक्त राष्ट्रांचे सरचिटणीस अँटोनियो गुटेरेस यांनीही AI च्या जोखमींसाठी बहुपक्षीय व्यवस्थेची गरज व्यक्त केली आहे.

त्यामुळे एका बाजूला आंतरराष्ट्रीय नियम आणि देखरेखीची मागणी होत असताना, दुसरीकडे अमेरिका AI क्षेत्रातील विकासाला प्राधान्य देत आहे. या दोन वेगवेगळ्या भूमिकांमुळे आगामी काळात AI च्या जागतिक नियमनाचा मुद्दा अधिक चर्चेत येण्याची शक्यता आहे.

Iran-US Tension : अमेरिका तयार ;UN मध्ये इराणसोबत चर्चा होऊ शकते?