भारत-पाकिस्तान संघर्षामुळे जागतिक स्तरावर संभ्रम; आरोप प्रत्यारोपात कोण बरोबर कोण चूक?

India Pakistan tensions : पाकिस्तानने मात्र भारताच्या दाव्यांना खोडून काढले. इस्लामाबादने सांगितले की, भारतीय हल्ल्यात 6 शहरे आणि एक आरोग्य केंद्र लक्ष्य करण्यात आले, ज्यामध्ये 31 नागरिकांचा मृत्यू झाला.

India Pakistan tensions : भारत आणि पाकिस्तान या दोन अण्वस्त्रधारी शेजारी देशांमध्ये पुन्हा एकदा गंभीर संघर्षाचे सावट पसरले आहे. ७ मे रोजी भारताने पाकिस्तान आणि पाक-प्रशासित काश्मीरवर केलेल्या हवाई कारवाईनंतर दोन्ही देशांमध्ये प्रत्यक्ष युद्धापेक्षा अधिक तीव्र माहिती युद्ध सुरू झाले आहे. एकमेकांवर आरोप-प्रत्यारोप, नागरिक हानीचे दावे, आणि लढाऊ विमानांचे पतन यामुळे ‘कोण सत्य बोलतोय’ याबाबत जागतिक स्तरावर संभ्रम निर्माण झाला आहे.

हल्ल्याचे कारण आणि भारताचा दावा

भारत सरकारच्या म्हणण्यानुसार, ही कारवाई पहलगाम येथे नुकत्याच झालेल्या गोळीबाराच्या प्रत्युत्तरात करण्यात आली. या हल्ल्यात २६ निष्पाप नागरिकांचा मृत्यू झाला होता. भारताने याला पाकिस्तानमधून चालवल्या जाणाऱ्या दहशतवादी कारवायांना जबाबदार धरले आणि सांगितले की, नऊ दहशतवादी तळांवर अचूक हल्ले करण्यात आले, ज्यामध्ये कोणतीही नागरी हानी झाली नाही. भारतीय हवाई दलाच्या विंग कमांडर व्योमिका सिंह यांनी पत्रकार परिषदेत सांगितले की, ही कारवाई “अत्यंत अचूक” होती आणि “कोणतेही संपार्श्विक नुकसान झाले नाही”.

जागतिक घडामोडी संबंधित बातम्या वाचण्यासाठी येथे क्लिक करा : ‘Operation Sindoor’वर संपूर्ण जगाचा भारताला पाठिंबा; फक्त ‘हे’ 3 मुस्लिम देश पाकिस्तानला करत आहेत युद्धासाठी प्रवृत्त

पाकिस्तानचा प्रत्युत्तर आणि आरोप

पाकिस्तानने मात्र भारताच्या दाव्यांना खोडून काढले. इस्लामाबादने सांगितले की, भारतीय हल्ल्यात ६ शहरे आणि एक आरोग्य केंद्र लक्ष्य करण्यात आले, ज्यामध्ये ३१ नागरिकांचा मृत्यू झाला, त्यात एका तीन वर्षांच्या मुलीचाही समावेश होता. त्याचबरोबर, पाकिस्तान सरकारने दावा केला की, भारतीय सैनिकांनी नियंत्रण रेषेवरील एका चौकीवर पांढरा झेंडा फडकावला, जो युद्धातील आत्मसमर्पणाचे प्रतीक आहे. भारतीय अधिकाऱ्यांनी या दाव्यावर कोणतीही औपचारिक प्रतिक्रिया दिलेली नाही.

See more

There’s too much misinformation and hype on X. Actually, official statements of both India and Pak give clearer picture. India said it had struck nine sites whereas Pakistani PM acknowledged 5 attacks in Pakistan. #IndiaPakistanBorder pic.twitter.com/PXBz5jNEJp

— Pervaiz Alam (@pervaizalam) May 6, 2025

credit : social media

लढाऊ विमाने पाडली गेली का?

पाकिस्तानी लष्कराचे प्रवक्ते ब्रिगेडियर अहमद शरीफ चौधरी यांनी सांगितले की, पाच भारतीय लढाऊ विमाने पाडण्यात आली, आणि ती सर्व भारताच्या हद्दीतच कोसळली. मात्र, भारतीय अधिकाऱ्यांनी नाव न सांगण्याच्या अटीवर सांगितले की, तीन विमाने कोसळली असली तरी ती कोणत्या देशाची होती याची पुष्टी झाली नाही. चीनच्या ग्लोबल टाईम्सने भारतीय विमान पाडल्याचा दावा केला, ज्याला बीजिंगमधील भारतीय दूतावासाने खोटी माहिती म्हणत फेटाळून लावले आहे.

इतिहासातही परस्परविरोधी दावे

ही पहिली वेळ नाही. २०१९ मध्ये बालाकोट एअ र स्ट्राइक, २०१६ मधील उरी हल्ला, आणि त्यानंतर भारताने केलेल्या सर्जिकल स्ट्राइक यामध्येही अशाच प्रकारचे परस्परविरोधी दावे करण्यात आले होते. भारत दहशतवाद्यांच्या छावण्यांवर यशस्वी कारवाई केल्याचा दावा करत असतो, तर पाकिस्तान त्याला अफवा ठरवतो. जैश-ए-मुहम्मद या दहशतवादी संघटनेशी संबंधित मसूद अझहर याच्या भूमिकेबाबतही पाकिस्तान स्पष्ट भूमिका घेत नाही.

जागतिक घडामोडी संबंधित बातम्या वाचण्यासाठी येथे क्लिक करा : ‘Operation Sindoor’चा धडाका; मसूद अझहरच्या मदरशावर भारताचा प्रचंड हल्ला, पाकिस्तानी मीडिया हादरली

Information warfare आणि सत्याचा गोंधळ

ब्रुकिंग्ज इन्स्टिट्यूशनच्या विद्वान मदिहा अफझल म्हणतात, “भारत आणि पाकिस्तानमधील संघर्षात कथनावर नियंत्रण मिळवणे हा केंद्रबिंदू असतो.” तथापि, आंतरराष्ट्रीय माध्यमे, सोशल मीडिया आणि राज्य नियंत्रित स्थानिक माध्यमांमुळे सत्य ओळखणे अधिकाधिक कठीण बनले आहे.

 सत्य सापडत नाही, पण संघर्ष मात्र वाढतोय

भारत आणि पाकिस्तान पुन्हा एकदा माहितीच्या रणांगणावर आमनेसामने आहेत. प्रत्यक्ष युद्ध नसतानाही तणाव आणि द्वेष वाढत आहेत. कोणता देश खरा बोलतोय याचे उत्तर आजही धूसर आहे – पण सामान्य माणूस, दोन्ही बाजूंनी, यात भरडला जातोय हे मात्र निर्विवाद सत्य आहे.