बांगलादेशात राजकीय गोंधळ! ढाका पोलिसांची अवामी लीगच्या फ्लॅश रॅलीवर मोठी कारवाई; २०० हून अधिक नेत्यांना अटक

Bangladesh Politics : बांगलादेशात मोठा राजकीय गोंधळ सुरु आहे. शेख हसीना यांच्या अवामी लीग पक्षाने मोहम्मद युनूसविरोधात फ्लॅश मोर्चा सुरु केला होता. यामुळे त्यांच्यावर कारवाई करण्यात आली आहे.

• बांगलादेशात अवामी लीग पक्षाचा फ्लॅश मोर्चा
• पोलिसांनी २०० हून अधिक कार्यकर्त्यांना केली अटक
• अवामी लीगवर निवडणूकीत निवडणूक प्रक्रियेत हस्तक्षेप केल्याचा आरोप

Bangladesh Politics : ढाका : बांगलादेशात (Bangladesh) मोठा राजकीय गोंधळ उडाला आहे. ढाका येथे अचानक फ्लॅश मोर्चा सुरु झाला होता. मोहम्मद युनूस (Muhammad Yuns) यांच्या अंतिरम सरकारविरोधात हा मोर्चा सुरु होता. यामुळे हा मोर्चा थांबवण्यासाठी बांगलादेश पोलिसांनी यावर मोठी कारवाई केली आहे. सांगण्यात येत आहे की, यामागे अवामी लीग पक्षाचा हात होता. यामुळे अवामी ली पक्षाच्या नेत्यांना आणि त्यांच्या संबंध असलेल्या २४४ लोकांना अटक करण्यात आली आहे.

ढाका महानगर पोलिसांनी दिलेल्या माहितीनुसार, या सर्व कार्यकर्त्यांना मोर्चादरम्यानच अटक करण्यात आली आहे. यामुळे बांगलादेशात मोठा गोंधळ सुरु आहे. ढाकाचे डीएमपी आयुक्त एसएम नजरुल इस्लाम यांनी दिलेल्या माहितीनुसार, देशाच्या विविध भागात ही कारवाई करण्यात आली आहे. ५०० हून अधिक अवामी लीगच्या लोकांना ताब्यात घेण्यात आले आहे. अधिकाऱ्यांन दिलेल्या माहितीनुसार, या फ्लॅश मोर्चाचा उद्देश देशाच्या निवडणूक प्रक्रियेत कायदा आणि सुव्यस्था बिघडवण्याचा होता.

‘केवळ मान्यता देऊन प्रश्न सुटणार नाही’ ; पॅलेस्टाइनच्या मुद्यावर इटलीच्या जॉर्जिया मेलोनींची प्रतिक्रिया

अवामी लीगचा मोहम्मद युनूस सरकारवर गंभीर आरोप

काही दिवसांपूर्वी बांगलादेशच्या मीज पंतप्रधान शेख हसीना (Sheikh Hasina) यांच्या अवामी लीग पक्षाने अंतिरम सरकारवर गंभीर आरोपही केले होते. शेख हसीन यांच्यासह त्यांच्या पक्षातील नेत्यांवर केलेले सर्व आरोप खोटे आहेत. त्यांच्या पक्षाच्या कार्यकर्त्यांना कोणत्याही गुन्ह्याशिवाय तुरुंगात टाकण्यात आले आहे. त्यांना तुरुंगात अमानुष वागणूक दिली जात आहे. कार्यकर्त्यांना मानसिक आणि शारीरिक छळ केला जात आहे असे आरोप करण्यात आले होते.

शेख हसीना यांचे वोटर आयडी ब्लॉक

या सर्व घडामोडींदरम्यान युनूस सरकारने माजी पंतप्रधान शेख हसीना आणि त्यांच्या कुटुंबातील सदस्यांते वोटर आयडी ब्लॉक केले आहे. यामुळे आता त्यांना परदेशातून मतदान करता येणार नाही.

FAQs(संबंधित प्रश्न)

बांगलादेशात राजकीय गोंधळ का उडाला होता? 

बांगलादेशात अवामी लीग पक्षाने बांगलादेशची राजधानी ढाकात मोहम्मद युनूस सरकारविरोधात फ्लॅश मोर्चा सुरु केला होता.

बांगलादेशाच्या पोलिसांनी अवामी लीग पक्षाविरोधात काय कारवाई केली?

बांगलादेशात अवामी लीग पक्षाने मोहम्मद युनूस सरकारविरोधात फ्लॅश मोर्चा सुरु केला होता. हा मोर्चा थांबवण्यासाठी ढाका पोलिसांनी मोर्चात सहभागी झालेल्या २०० हून अधिक लोकांना अटक केली होती.

ढाका पोलिसांनी अवामी लीगवर काय आरोप केला? 

ढाका पोलिसांनी शेख हसीना यांच्या अवामी लीग पक्षावर देशाच्या निवडणूक प्रक्रियेत कायदा आणि सुव्यस्था बिघडवण्याचा प्रयत्न केल्याचा आरोप केला आहे.

बांगलादेशच्या राजकारणात पुन्हा तणाव; अवामी लीगचा युनूस सरकारवर तुरुंगातील त्यांच्या कार्यकर्त्यांचा छळ केल्याचा आरोप