Plane Crash: न्यूयॉर्कच्या ला गार्डिया विमानतळाच्या धावपट्टीवर मोठा अपघात; कॅनडा एक्सप्रेसचे विमान ट्रकला धडकले, अनेक जण जखमी

Air Canada Express Plane Truck Collide : न्यूयॉर्कच्या ला गार्डिया विमानतळावर एक मोठा अपघात झाला आहे. एअर कॅनडा एक्सप्रेसचे विमान जमिनीवरील एका वाहनाला धडकले. जाणून घ्या सविस्तर अपडेट.

• भीषण टक्कर
• विमानाचे मोठे नुकसान
• विमानतळ ठप्प

Air Canada Express Plane Crash New York : सोमवार, २३ मार्च २०२६ रोजी न्यूयॉर्कमधील गजबजलेल्या ला गार्डिया (LaGuardia) विमानतळावर एका काळजाचा ठोका चुकवणाऱ्या अपघाताने संपूर्ण अमेरिका हादरली आहे. प्रवाशांनी भरलेले एअर कॅनडा एक्सप्रेसचे विमान धावपट्टीवर (Runway) जात असताना जमिनीवरील एका मोठ्या ट्रकला धडकले. ही धडक इतकी भीषण होती की विमानाच्या मागच्या भागाचा अक्षरशः चुराडा झाला आहे. या अपघातात विमानातील प्रवासी आणि जमिनीवरील कर्मचारी जखमी झाले असून विमानतळावर एकच खळबळ उडाली आहे.

धावपट्टीवर नक्की काय घडलं?

मिळालेल्या माहितीनुसार, एअर कॅनडा एक्सप्रेसचे हे विमान उड्डाण करण्याच्या तयारीत असताना किंवा टॅक्सीवे (Taxiway) कडे जात असताना हा अपघात घडला. विमानतळावर उभ्या असलेल्या एका अग्निशमन दलाच्या गाडीला किंवा तांत्रिक वाहनाला या विमानाने जोरात धडक दिली. धडक लागताच विमानात असलेल्या प्रवाशांमध्ये मोठी घबराट पसरली. विमानाच्या शेपटीचा भाग (Tail) या ट्रकखाली चिरडला गेल्याने विमानाचे नियंत्रण काही काळासाठी सुटले होते.

जागतिक घडामोडी संबंधित बातम्या वाचण्यासाठी येथे क्लिक करा : White House: अमेरिकेत शटडाउनने उडाली धांदल; ट्रम्प म्हटले, ‘इराणची डोकेदुखी संपल्यावर, देशातील ‘या’ शत्रूला ठेचणार’

प्रवाशांचा आक्रोश आणि बचावकार्य

अपघातानंतर लगेचच ला गार्डिया विमानतळावर आपत्कालीन सायरन वाजू लागले. अग्निशमन दल आणि वैद्यकीय पथकांनी घटनास्थळी धाव घेत बचावकार्य सुरू केले. विमानातून प्रवाशांना बाहेर काढताना मोठा गोंधळ उडाला होता. रॉयटर्सच्या वृत्तानुसार, अनेक जण गंभीर जखमी झाले असून त्यांना जवळच्या रुग्णालयात दाखल करण्यात आले आहे. सोशल मीडियावर व्हायरल होत असलेल्या फोटोंमध्ये विमानाच्या तुटलेल्या भागांचे आणि घटनास्थळावर पसरलेल्या ढिगाऱ्याचे भयानक दृश्य पाहायला मिळत आहे.

See more

🚨 BREAKING UPDATE: MULTIPLE CRITICAL PATIENTS AFTER AIR CANADA FLIGHT COLLIDES WITH VEHICLE WHILE LANDING AT LAGUARDIA AIRPORT. POSSIBLE FATALITIES. https://t.co/hZWimAuwe5 pic.twitter.com/62SUgxoUkA — Breaking911 (@Breaking911) March 23, 2026

credit – social media and Twitter

ला गार्डिया विमानतळ ‘नो फ्लाय झोन’ मध्ये!

या भीषण अपघाताची दखल घेत अमेरिकेच्या फेडरल एव्हिएशन ॲडमिनिस्ट्रेशनने (FAA) तातडीने मोठा निर्णय घेतला आहे. ला गार्डिया विमानतळावरील सर्व टेकऑफ आणि लँडिंग अनिश्चित काळासाठी थांबवण्यात आले आहेत. विमानतळाकडे येणारी इतर विमाने आता जवळच्या नेवार्क किंवा जेएफके (JFK) विमानतळाकडे वळवण्यात येत आहेत. यामुळे हजारो प्रवाशांचे हाल होत असून विमानतळावर प्रवाशांच्या लांबच लांब रांगा लागल्या आहेत.

अपघाताचे कारण काय?

हा अपघात तांत्रिक बिघाडामुळे झाला की मानवी चुकीमुळे (Human Error), याचा तपास आता सुरू झाला आहे. एअर ट्रॅफिक कंट्रोल (ATC) आणि वैमानिक यांच्यातील संभाषणाची तपासणी केली जात आहे. विमानतळ प्रशासनाने या घटनेची उच्चस्तरीय चौकशी करण्याचे आदेश दिले आहेत. धावपट्टीवर विमानासमोर ट्रक अचानक कसा आला, हा आता सर्वात मोठा प्रश्न निर्माण झाला आहे.

जागतिक घडामोडी संबंधित बातम्या वाचण्यासाठी येथे क्लिक करा : Mojtaba Khamenei: ‘एक पाय कबरमध्ये, दुसरा…’ इराणमध्ये ‘घोस्ट’ राजवट; मोजतबा खामेनींनबाबत CIA आणि Mossad चा ‘हा’ दावा

प्रवाशांच्या सुरक्षेवर पुन्हा एकदा प्रश्नचिन्ह

जगातील सर्वात सुरक्षित मानल्या जाणाऱ्या विमानतळांपैकी एक असलेल्या ला गार्डियावर असा अपघात होणे ही धोक्याची घंटा आहे. या घटनेमुळे आंतरराष्ट्रीय विमान वाहतुकीच्या सुरक्षा नियमांवर पुन्हा एकदा चर्चा सुरू झाली आहे. सध्या बचावकार्य सुरू असून जखमींच्या प्रकृतीत सुधारणा व्हावी, यासाठी सर्वजण प्रार्थना करत आहेत.