BRICS Summit 2026 PM Modi BRICS Speech
भारताच्या यजमानपदाखाली नवी दिल्लीतील भव्य ‘भारत मंडपम’ (Bharat Mandapam) येथे आयोजित करण्यात आलेली १८वी ब्रिक्स शिखर परिषद (BRICS Summit 2026) आज आपल्या दुसऱ्या आणि अंतिम टप्प्यात पोहोचली आहे. जगभरातील बलाढ्य अर्थसत्ता आणि विकसनशील देशांचे प्रमुख नेते या परिषदेसाठी एकाच छताखाली एकत्र आले आहेत. आज परिषदेच्या दुसऱ्या दिवशी सकाळी पंतप्रधान नरेंद्र मोदी यांनी भारत मंडपम येथे आगमनानंतर सर्व आंतरराष्ट्रीय पाहुण्यांचे आणि जागतिक नेत्यांचे अतिशय आत्मीयतेने स्वागत केले. यानंतर सर्व देशांच्या राष्ट्रप्रमुखांचे एकत्र ‘कौटुंबिक छायाचित्र’ (Family Photo) काढण्यात आले आणि त्यानंतर पुढील मुख्य बैठकीच्या सत्राला सुरुवात झाली.
या दोन दिवसीय शिखर परिषदेच्या पहिल्या दिवशीच भारताने आपली मुत्सद्देगिरी सिद्ध करत ‘नवी दिल्ली घोषणापत्र २०२६’ सर्वसंमतीने मंजूर करून घेतले. आंतरराष्ट्रीय स्तरावरील वाढते वाद आणि युद्धजन्य परिस्थिती केवळ संवाद, शांततापूर्ण चर्चा आणि राजनैतिक उपायांनीच सोडवता येऊ शकतात, या भारताच्या भूमिकेला रशिया, चीन, ब्राझील, दक्षिण आफ्रिकेसह सर्व सदस्य देशांनी पूर्ण पाठिंबा दिला आहे. या परिषदेमुळे जागतिक राजकारणात भारताचे स्थान आणि ‘ग्लोबल साउथ’चे नेतृत्व करण्याची क्षमता अधिक मजबूत झाली आहे.
जागतिक घडामोडी संबंधित बातम्या वाचण्यासाठी येथे क्लिक करा : Hamza Bin Laden: अल-कायदाने 9/11च्या स्मृतिदिनानिमित्त अमेरिकेला दिली नवी वॉर्निंग? लादेनच्या मुलाचा 50 मिनिटांचा VIDEO VIRAL
ब्रिक्स परिषदेचे मुख्य यजमान म्हणून बोलताना पंतप्रधान नरेंद्र मोदी यांनी जगाला एक अत्यंत स्पष्ट आणि महत्त्वाचा संदेश दिला. पंतप्रधान मोदी म्हणाले की, “ब्रिक्स ही संघटना कोणत्याही एका विशिष्ट देशाविरुद्ध किंवा गटाविरुद्ध तयार केलेली युती नाही. उलट, जागतिक निर्णयप्रक्रियेत, आंतरराष्ट्रीय संस्थांमध्ये आणि आर्थिक धोरणांमध्ये विकसनशील देशांचा (Developing Nations) आणि ‘ग्लोबल साउथ’चा (Global South) आवाज अधिक बुलंद आणि प्रभावी करण्यासाठी ही संघटना काम करते”.
#WATCH | BRICS Summit 2026 | Delhi: Prime Minister Narendra Modi poses for a Family Photo with world leaders at Bharat Mandapam on Day 2 of the BRICS Summit. (Source: DD News) pic.twitter.com/JW0iAqFIJb — ANI (@ANI) September 13, 2026
credit – social media and Twitter
परिषदेत उपस्थित असलेल्या रशिया आणि इराणच्या प्रमुखांनी सध्याच्या जागतिक आर्थिक परिस्थितीत ‘पर्यायी अर्थव्यवस्थेवर’ (Alternative Economy) आणि स्थानिक चलनांमधील व्यापारावर विशेष भर दिला. पाश्चात्य देशांच्या आर्थिक दबावाला न जुमानता विकसनशील देशांनी एकमेकांच्या सहकार्याने स्वावलंबी बनावे, असा सूर या बैठकीत निघाला. भारताने मांडलेली सर्वसमावेशक विकासाची भूमिका सर्वांनी मान्य केली.
इतक्या मोठ्या संख्येने अतिमहत्त्वाचे जागतिक नेते (VIP Delegates) दिल्लीत एकत्र आले असल्याने सुरक्षेच्या दृष्टीने अभूतपूर्व व्यवस्था करण्यात आली आहे. भारत मंडपम आणि आसपासच्या संपूर्ण परिसराला छावणीचे रूप आले असून, राष्ट्रीय सुरक्षा रक्षक (NSG), केंद्रीय निमलष्करी दले आणि दिल्ली पोलिसांची अतिविशेष पथके २४ तास तैनात आहेत.
परदेशी पाहुण्यांच्या सुरक्षित आणि विनाअडथळा प्रवासासाठी दिल्ली वाहतूक पोलिसांनी विशेष योजना आखली आहे. राजधानीतील सुमारे २२ प्रमुख ठिकाणी वाहतूक वळवण्यात आली (Traffic Diversion) असून, ३५ हून अधिक महत्त्वाच्या रस्त्यांवर नियंत्रीत वाहतूक ठेवण्यात आली आहे. यामुळे काही प्रमाणात सामान्य नागरिकांना गैरसोयीचा सामना करावा लागत असला, तरी जागतिक स्तरावर भारताची प्रतिमा उंचावणारी ही परिषद यशस्वी करण्यासाठी दिल्लीकरांनीही सहकार्याची भूमिका घेतली आहे.
जागतिक घडामोडी संबंधित बातम्या वाचण्यासाठी येथे क्लिक करा : BRICS Summit 2026 : इथिओपियाने भारतीय खाण कंपन्यांसाठी उघडले दरवाजे; मलेशियासोबत सेमीकंडक्टरवर चर्चा सुरू
पहिल्या दिवशी जाहीर करण्यात आलेल्या घोषणापत्राने जागतिक मुत्सद्देगिरीवर आपली छाप सोडली आहे. यात संयुक्त राष्ट्रांच्या (UN Security Council) सुधारणांची जोरदार मागणी करण्यात आली आहे. याशिवाय, दहशतवादाविरोधात सर्व देशांनी एकजुटीने लढा देणे, जागतिक व्यापार संघटनेचे (WTO) नियम सर्वांसाठी समान ठेवणे आणि हवामान बदलाच्या संकटात विकसनशील देशांना आर्थिक मदत पुरवणे अशा अनेक गंभीर विषयांवर सर्व ब्रिक्स देशांनी एकमुखाने स्वाक्षरी केली आहेआज दुसऱ्या दिवशी ब्रिक्स देशांचे नेते जागतिक अर्थव्यवस्था, डिजिटल तंत्रज्ञान आणि ऊर्जा सुरक्षेवर विस्तृत चर्चा करून या ऐतिहासिक शिखर परिषदेची यशस्वी सांगता करतील.
.png "Videos"){kind=small}
