जॉर्जिया मेलॉनीच्या राज्यात महिला असुरक्षित? अहवालातून स्री हत्येची धक्कादायक आकडेवारी समोर

एक धक्कादायक माहिती समोर आली आहे. इटलीमध्ये महिलांवरील हिंचाराच्या घटनांमध्ये प्रचंड वाढ झाली आहे. आश्चर्याची बाब म्हणजे, एक महिला नेतृत्व असलेल्या देशात या घटना घडत आहेत. यामुळे मोठी खळबळ उडाली आहे.

• इटलीमध्ये महिलांवरील हिंसाचाराच्या घटनेत वाढ
• अहवालातून धक्कादायक आकडेवारी समोर
• जाणून घ्या संपूर्ण माहिती

Iatly News in Marathi : रोम : इटलीच्या (Italy) पंतप्रधान जॉर्जिया मेलोनी (Giorgia Meloni) यांच्या देशातून एक धक्दायक माहिती समोर आली आहे. इटलीमध्ये गेल्या काही काळात महिलांवरील अत्याचारात प्रचंड वाढ झाली आहे. याबाबत Non Una Di Meno ने एक धक्कादायक अहवाल प्रसिद्ध केला आहे. धक्कादायक बाब म्हणजे महिला नेतृत्व असणाऱ्या देशात या घटवा होत असल्याने मेलोनींवर तीव्र टीका केली जात आहे. सध्या इटलीमध्ये बिकट परिस्थिती निर्माण झाली आहे.

Italy Ban Burqa-Niqab: ‘आता इटलीत बुरखा चालणार नाही’; मेलोनी सरकारने इस्लामिक कट्टरतेवर आणला कठोर कायदा

लोकांच्या म्हणण्यानुसार, तीन वर्षापूर्वी पहिल्या महिला पंतप्रधान म्हणून जॉर्जिया मेलोनी यांची निवड करण्यात आली होती. यामुळे लोकांना आशा होती की त्यांच्या नेतृत्त्वात देशात महिलांच्या सुरक्षितता आणि समानतेला प्राधान्य दिले जाईल. परंतु सध्या परिस्थिती अधिक बिकट झाली आहे.

दर सात दिवसाला एका स्त्रीची हत्या…

Non Una Di Meno च्या अहवालानुसार, इटलीमध्ये २०२५ जानेवारी पासून आतापर्यंत ७० हून अधिक महिलांच्या हत्येची नोंद झाली आहे. २०२४ मध्ये ११६ प्रकरे नोंदवण्यात आली होती. अहवालानुसार दर सात दिवसाला एका महिलेची हत्या केली जात आहे. यामध्ये महिलेचा जोडीदार किंवा एक्स जोडीदार आरोपी असल्याचेही आढळून आले आहे.

महिलांवर हिंसाचारासाठी तुरुंगवास अन् जन्मठेपेची शिक्षा पण…

यामध्ये घरगुती हिंसाचाराचा मोठ्या प्रमाणात समावेश आहे. इटलीमध्ये यासाठी काळ तुरुंगवासाची शिक्षा, तर काही प्रकरणांमद्ये जन्मठेपेची शिक्षा इटलीच्या महिला संरक्षण कायद्यात नमूद आहे. पण तरीही दिवसेंदिवस महिलांवरील अत्याचाराच्या घटनांमध्ये वाढ होत आहे. या वाढत्या घटना पाहता तज्ञांच्या आणि सामान्य जमतेच्या मते शिक्षा वाढवण्यापूर्वी त्यावर प्रतिबंध लादणे महत्त्वाचे आहे. याशिवाय इटलीमध्ये लैंगिक शिक्षणावरुनही मोठा वाद निर्माण झाला आहे.

तज्ञांच्या मते, लहानपणापासून लैंगिक शिक्षण दिल्यास घरगुती हिंसाचार, लिंगभेद आणि नातेसंबंधातील असुरक्षितता कमी होऊ. पण आजही इटलीच्या शाळांमध्ये लैंगिक शिक्षण सक्तीचे करण्यात आलेले नाही. यावर मेलोनी सरकाने दावा केला आहे की, देशात जेंडर थियरी येईल. मात्र विरोधी पक्षांनी हा दावा पूर्णपमे नाकराला आहे.

असमानतेमुळेही देशात मोठा वाद

गेल्या काही काळात इटलीतील कामगार महिलांची परिस्थिती अत्यंत चिंताजनक आहे. या महिलांना पुरुषांपेक्षा कमी वेतन दिले जाते. तसेच कंपन्यांमध्ये देखील केवळ ७% महिला सीईओ आहेत. यामुळे देशातील अनेक महिलांचे जीवन अस्थिर झाले असून त्यांनी मेलोंनीवर तीव्र टीका केली आहे. महिलांच्या असुरक्षितता आणि असमानतेत बदल होण्याची अपेक्षा व्यक्त केली जात आहे. परंतु यामध्ये निराशा मिळत असल्याने महिलांनी मेलोनी सरकारविरोधात आवाज उठवला आहे. सध्या इटलीतील महिलांना दैनंदिन जीवनातही संघर्ष करावा लागत आहे. याशिवाय इटलीचा जन्मदरात घट झाली असून सध्या १.१३ वर पोहोचला आहे. महिलांचे म्हणणे आहे की, मुलांचे संगोपन करण्यासाठी, त्यांच्या शिक्षणासाठी आर्थिक अडचणी येते आहे.

काँगो मंत्र्यांच्या चार्टर्ड विमानाचा भीषण अपघात; लँडिग दरम्यान गियर तुटला अन्…, भयावह VIDEO