Earthquake : इंडोनेशियातील ‘रिंग ऑफ फायर’ पुन्हा सक्रिय; आठवड्यात दुसरा भूकंप; सुलावेसी हादरले

Earthqauke in Indonesia: १७ ऑगस्ट २०२५ इंडोनेशियातील सुलावेसी येथे ५.७ तीव्रतेचा भूकंप झाला. एका आठवड्यात हा दुसरा भूकंप होता. १२ ऑगस्टला झालेल्या भूकंपाची तीव्रता ६.३ इतकी होती.

Earthquake : इंडोनेशियामध्ये पुन्हा एकदा निसर्गाचा प्रकोप जाणवला. रविवारी, १७ ऑगस्ट २०२५ रोजी सुलावेसी प्रदेशात ५.७ रिश्टर स्केल तीव्रतेचा भूकंप झाला. जर्मन भूगर्भीय संशोधन केंद्र (GFZ) च्या माहितीनुसार, या भूकंपाचे केंद्र जमिनीखालून १० किलोमीटर खोलीवर होते. सुदैवाने, या धक्क्यांमध्ये कोणतीही जीवितहानी किंवा मोठे नुकसान झाल्याचे वृत्त अद्याप समोर आलेले नाही. तरीसुद्धा नागरिकांमध्ये भीतीचे वातावरण निर्माण झाले असून, लोक घराबाहेर धावले.

हा भूकंप विशेषत्वाने महत्त्वाचा ठरतो कारण केवळ पाच दिवसांपूर्वी, १२ ऑगस्ट रोजी पश्चिम पापुआ प्रांतात ६.३ रिश्टर तीव्रतेचा जोरदार भूकंप झाला होता. इतकेच नव्हे तर त्याआधी ७ ऑगस्ट रोजी ४.९ तीव्रतेचा धक्का नोंदवला गेला होता. सलग घडणाऱ्या या घटनांमुळे इंडोनेशिया पुन्हा एकदा भूकंपीय संकटाच्या छायेत आहे, हे स्पष्ट झाले आहे.

अमेरिकन भूगर्भीय सर्वेक्षणाने (USGS) दिलेल्या माहितीनुसार, हा भूकंप स्थानिक वेळेनुसार संध्याकाळी ५:२४ वाजता (०८:२४ GMT) झाला. त्याचे केंद्र पापुआमधील अबेपुरा शहरापासून सुमारे १९३ किलोमीटर वायव्येस होते. जरी सध्या कोणतेही गंभीर नुकसान झालेले नसले तरी वारंवार भूकंप होणे ही स्वतःमध्ये चिंतेची बाब आहे.

जागतिक घडामोडी संबंधित बातम्या वाचण्यासाठी येथे क्लिक करा : युद्धाचे ढग गडद! अमेरिका-ब्रिटनमध्ये तिसऱ्या महायुद्धाची चाहूल? 25 वर्ष टिकणारा अन्नसाठा, भूमिगत बंकरची तयारी

इंडोनेशिया का हादरते वारंवार?

इंडोनेशिया हा जगातील सर्वात सक्रिय ज्वालामुखी आणि भूकंपीय पट्ट्यांपैकी एक आहे. हा प्रदेश ‘रिंग ऑफ फायर’ नावाच्या महत्त्वपूर्ण भूकंपीय पट्ट्यात येतो. पृथ्वीवरील अनेक मोठ्या टेक्टोनिक प्लेट्स जिथे एकमेकांना धडकतात, त्यापैकी एक केंद्रबिंदू म्हणजे इंडोनेशिया. भारतीय प्लेट पश्चिम इंडोनेशियाच्या खाली सरकत असल्यामुळे प्रचंड टेक्टोनिक दाब निर्माण होतो. या दबावामुळे ज्वालामुखींची निर्मिती झाली आणि सुमात्रा, जावा, बालीसारखी बेटे उभी राहिली. मात्र ही बेटे आजही ज्वालामुखीच्या उद्रेकांचा आणि भूकंपांच्या धक्क्यांचा अनुभव घेत आहेत.

तज्ज्ञांच्या मते, सुमात्रा आणि जावा भागात दर शंभर वर्षांनी विनाशकारी भूकंप होतात, तर पश्चिम जावामध्ये हे चक्र साधारणपणे ५०० वर्षांनी येते. पूर्व इंडोनेशियामध्ये प्लेट्स वेगाने हलत असल्याने तिथे लहान-मोठे धक्के नियमितपणे जाणवतात. याच कारणामुळे हा प्रदेश नेहमीच धोक्याच्या छायेत असतो.

जागतिक घडामोडी संबंधित बातम्या वाचण्यासाठी येथे क्लिक करा :  थायलंडच्या सिंहासनाची वारसदार ‘Sleeping Princess’ची जीवासाठी झुंज; 2022 पासून कोमात, आता ओढवले एक नवीन संकट

रिंग ऑफ फायर : सततचा इशारा

इंडोनेशियातील या सततच्या हलचाली जगाला वारंवार इशारा देतात. टेक्टोनिक प्लेट्सच्या टक्करांमुळे होणारे भूकंप आणि स्फोटक ज्वालामुखींची क्रिया ही फक्त त्या देशापुरती मर्यादित नसून संपूर्ण जगावर परिणाम करणारी ठरू शकते. या पार्श्वभूमीवर भूगर्भशास्त्रज्ञांनी दिलेला इशारा स्पष्ट आहे  रिंग ऑफ फायर अजूनही अत्यंत सक्रिय आहे आणि पृथ्वीवरील जीवनाला कायम आव्हान देत राहील.