World War 3: ‘जमिनीवर पाय ठेवला तर सैनिकांना जाळून मारू’, इराणच्या IRGC चा अमेरिकेला 30 मार्चचा ‘फायनल’ अल्टिमेटम

US-Iran War : मध्यपूर्वेतील युद्ध एका निर्णायक वळणावर पोहोचले असून, त्यात ३,००० हून अधिक लोकांचा मृत्यू झाला आहे आणि मोठ्या प्रमाणावर सैन्य तैनात करण्यात आले आहे. याबात जाणून घ्या सविस्तर अपडेट.

• इराणचा धडकी भरवणारा इशारा
• विद्यापीठांना लक्ष्य करण्याची तंबी
• दोन दशकांतील सर्वात मोठी तैनाती

Iran threat to burn US soldiers 2026 : मध्य-पूर्वेतील रणसंग्राम (US-Israel Iran War) आता एका अशा वळणावर पोहोचला आहे, जिथून परतीचा कोणताही रस्ता दिसत नाहीये. अमेरिका आणि इस्रायलच्या सततच्या हवाई हल्ल्यांनी घायाळ झालेल्या इराणने आता थेट ‘आर-पार’ची लढाई लढण्याची घोषणा केली आहे. इराणचे संसद अध्यक्ष मोहम्मद बागेर गालिबाफ यांनी दिलेली ‘सैनिकांना जाळून टाकण्याची’ धमकी ही केवळ शब्दांची लढाई नसून, जमिनीवर होणाऱ्या संभाव्य आक्रमणापूर्वीचा एक मोठा इशारा मानला जात आहे.

जमिनीवरील युद्धाची ठिणगी आणि ३,५०० सैनिकांची एन्ट्री

गेल्या दोन दशकांतील सर्वात मोठी लष्करी तैनाती करत अमेरिकेने इराणच्या सीमेजवळ सुमारे २,५०० मरीन आणि १,००० पॅराट्रूपर्स उतरवले आहेत. हे पॅराट्रूपर्स शत्रूच्या हद्दीत खोलवर घुसून हवाईतळ ताब्यात घेण्यास निष्णात आहेत. ही हालचाल पाहून इराण संतापला आहे. गालिबाफ यांनी स्पष्टपणे बजावले आहे की, जर अमेरिकन बुटांनी इराणच्या मातीला स्पर्श केला, तर त्यांना परत जाण्यासाठी तिरंगाही उरणार नाही. या युद्धाने आतापर्यंत ३,००० हून अधिक बळी घेतले असून विनाशाचा आकडा वाढतच चालला आहे.

जागतिक घडामोडी संबंधित बातम्या वाचण्यासाठी येथे क्लिक करा : MQ9 Reaper: समुद्रात कोसळलं अमेरिकेचं ‘F-16’? US वायुदलाचं कंबरडं मोडलं; वाचा इराणच्या IRGCच्या ‘या’ VIRAL दाव्यामागचं सत्य

३० मार्च २०२६: अमेरिकन विद्यापीठांना रक्ताची डेडलाईन!

या युद्धातील सर्वात धक्कादायक वळण म्हणजे इराणने प्रथमच शैक्षणिक संस्थांना युद्धाच्या मैदानात ओढले आहे. इस्लामिक रिव्होल्यूशनरी गार्ड कॉर्प्स (IRGC) ने आखाती प्रदेशातील अमेरिकन आणि इस्रायली विद्यापीठांना लक्ष्य करण्याची धमकी दिली आहे. “३० मार्च २०२६ रोजी दुपारी १२ वाजेपर्यंत अमेरिकेने इराणच्या विद्यापीठांवरील हल्ल्यांचा निषेध करावा, अन्यथा आखाती देशातील तुमच्या संस्थांवर आमची क्षेपणास्त्रे पडतील,” असा इशारा IRGC ने दिला आहे. विद्यार्थ्यांनी आणि कर्मचाऱ्यांनी स्वतःच्या बचावासाठी कॅम्पसपासून किमान एक किलोमीटर लांब राहावे, असेही सांगण्यात आले आहे.

See more

🔴 Iran has promised to set US troops on fire if Washington launches a ground invasion Follow the latest updates below 🖇️https://t.co/3VPYEE8F4R pic.twitter.com/Gkb5Li1RRp — The Telegraph (@Telegraph) March 29, 2026

credit – social media and Twitter

पाकिस्तानमध्ये शांतीची चर्चा, पण रणांगणावर क्षेपणास्त्रांचा वर्षाव

एकीकडे पाकिस्तानमध्ये सौदी अरेबिया, तुर्की आणि इजिप्तचे परराष्ट्र मंत्री युद्ध थांबवण्यासाठी धडपडत आहेत, तर दुसरीकडे प्रत्यक्ष रणांगणावर परिस्थिती नियंत्रणाबाहेर गेली आहे. अमेरिका आणि इस्रायलने इराणमधील ११,००० हून अधिक तळांना लक्ष्य केले आहे. रविवारी पहाटे इराणने इस्रायलच्या दिशेने डागलेली डझनभर क्षेपणास्त्रे हवाई संरक्षण यंत्रणेने पाडली, पण या हल्ल्यांनी युद्धाची तीव्रता पुन्हा एकदा सिद्ध केली आहे. इराण आता वाटाघाटींना उघडपणे नकार देत असून संघर्षाच्या अंतिम टप्प्यासाठी तयार असल्याचे दिसत आहे.

जागतिक घडामोडी संबंधित बातम्या वाचण्यासाठी येथे क्लिक करा : VIRAL VIDEO: जगाच्या विनाशाचे संकेत? इस्रायलच्या आकाशात पसरलं काळं सावट; हजारो कावळ्यांनी सोडलं शहर; कॅमेऱ्यात कैद झाले थरारक क्षण

 जगाचा श्वास रोखला, विनाशाचा काउंटडाऊन सुरू!

इराणने दिलेला ‘जाळून टाकण्याचा’ इशारा आणि विद्यापीठांना दिलेली डेडलाईन पाहता, ३० मार्चचा दिवस जागतिक इतिहासात निर्णायक ठरू शकतो. जर ट्रम्प यांनी इराणची ही धमकी गांभीर्याने घेतली नाही, तर मध्य-पूर्वेतील शैक्षणिक आणि सांस्कृतिक केंद्रे देखील रक्ताने माखली जाण्याची भीती निर्माण झाली आहे.