इराणचा अमेरिकेवर भीषण पलटवार! F-16 लढाऊ विमान आणि MQ-9 ड्रोन पाडलं? वाचा 'या' दाव्यामागचं सत्य ( फोटो सौजन्य : सोशल मीडिया )
Iran claims US F-16 shot down 2026 : मध्य-पूर्वेतील युद्धाने (US-Israel Iran War) आता सर्वात भयानक वळण घेतले आहे. गेल्या अनेक दिवसांपासून अमेरिका आणि इस्रायलच्या हल्ल्यांनी घायाळ झालेल्या इराणने आता थेट अमेरिकेच्या वायुदलावरच निशाणा साधला आहे. इराणचे निमलष्करी दल ‘इस्लामिक रिव्होल्यूशनरी गार्ड कॉर्प्स’ (IRGC) ने असा दावा केला आहे की, त्यांनी अमेरिकेचे एक ‘F-16’ लढाऊ विमान आणि एक ‘MQ-9’ रीपर ड्रोन पाडले आहे. या बातमीने जागतिक राजकारणात आणि लष्करी वर्तुळात मोठी खळबळ माजली आहे.
इराणी माध्यमांनी दिलेल्या वृत्तानुसार, दक्षिण इराणमधील ‘शिराझ’ शहराच्या आकाशात अमेरिकन ड्रोन आणि विमानांची हालचाल दिसून आली होती. यावेळी IRGC च्या हवाई संरक्षण यंत्रणेने सक्रिय होत हल्ला चढवला. इराणचा दावा आहे की, त्यांनी अमेरिकेचे सर्वात भरवशाचे मानले जाणारे ‘MQ-9’ रीपर ड्रोन यशस्वीपणे पाडले. इतकेच नाही तर, एका ‘F-16’ लढाऊ विमानावरही अचूक मारा केल्याचे त्यांनी म्हटले आहे. हे विमान समुद्रात कोसळले की इराणच्या हद्दीत, याबाबत अद्याप सस्पेन्स कायम आहे.
जागतिक घडामोडी संबंधित बातम्या वाचण्यासाठी येथे क्लिक करा : VIRAL VIDEO: जगाच्या विनाशाचे संकेत? इस्रायलच्या आकाशात पसरलं काळं सावट; हजारो कावळ्यांनी सोडलं शहर; कॅमेऱ्यात कैद झाले थरारक क्षण
इराणच्या या दाव्यानंतर अमेरिकेचे संरक्षण मुख्यालय ‘पेंटागॉन’मध्ये तातडीच्या बैठकांचे सत्र सुरू झाले आहे. मात्र, अमेरिकेने अद्याप या विमानाबाबत किंवा ड्रोनबाबत कोणतीही अधिकृत माहिती दिलेली नाही. लष्करी तज्ज्ञांच्या मते, सध्या दोन्ही देश ‘माहिती युद्ध’ (Information Warfare) लढत आहेत. इराण आपल्या देशातील जनतेचे मनोबल वाढवण्यासाठी असे दावे करत असल्याची शक्यता नाकारता येत नाही. मात्र, जर खरोखरच अमेरिकेचे F-16 विमान पाडले गेले असेल, तर हा अमेरिकेसाठी गेल्या अनेक दशकांतील सर्वात मोठा लष्करी धक्का ठरेल.
ANOTHER US MQ‑9 DRONE WORTH OVER $30+ MILLION SHOT DOWN BY IRAN — Tasnim pic.twitter.com/gDihzqVcaX — RT (@RT_com) March 10, 2026
credit – social media and Twitter
IRGC ने आपल्या निवेदनात स्पष्टपणे म्हटले आहे की, “आमच्या नागरिक आणि औद्योगिक क्षेत्रांवर अमेरिकेने जे हल्ले केले, हा त्याचाच बदला आहे.” इराणने केवळ विमानेच नाही, तर ‘व्याप्त प्रदेशां’मधील अमेरिकन आणि इस्रायली लष्करी तळांनाही क्षेपणास्त्रांनी लक्ष्य केल्याचा दावा केला आहे. या दाव्यामुळे आखाती देशांमध्ये हाय-अलर्ट घोषित करण्यात आला असून, जागतिक ऊर्जा बाजारपेठेतही (तेल पुरवठा) भीतीचे वातावरण पसरले आहे.
जागतिक घडामोडी संबंधित बातम्या वाचण्यासाठी येथे क्लिक करा : Trump Protest: अमेरिकेत ट्रम्पविरोधात ‘दुसरं स्वातंत्र्ययुद्ध’? 50 राज्यांत ‘नो किंग’चा एल्गार; ‘या’ VIRAL VIDEO मुळे समजलं सत्य
F-16 सारखे अत्याधुनिक विमान पाडणे ही साधी गोष्ट नाही. जर या दाव्यात तथ्य असेल, तर अमेरिका इराणवर यापूर्वी कधीही न झालेला इतका भीषण हल्ला करू शकते. दुसरीकडे, जर हा केवळ इराणचा प्रचार असेल, तर अमेरिकेची प्रतिमा आंतरराष्ट्रीय स्तरावर मलिन करण्याचा हा मोठा प्रयत्न आहे. सध्या संपूर्ण जगाचे लक्ष पेंटागॉनच्या अधिकृत निवेदनाकडे आणि उपग्रहाद्वारे मिळणाऱ्या फोटोंकडे लागले आहे.
Ans: इराणच्या IRGC ने अमेरिकेचे 'F-16' लढाऊ विमान आणि 'MQ-9' रीपर ड्रोन पाडल्याचा दावा केला आहे.
Ans: इराणच्या दाव्यानुसार हा हल्ला दक्षिण इराणमधील 'शिराझ' शहराच्या आकाशात आणि परिसरात झाला आहे.
Ans: अमेरिकेने अद्याप या दाव्याला दुजोरा दिलेला नाही किंवा फेटाळलेलेही नाही. पेंटागॉन सध्या या प्रकरणाचा तपास करत आहे.
