North Korea: हुकूमशहाच्या देशात लोकशाहीची हत्या! 99.93% मतं मिळवून किम जोंग उन पुन्हा विजयी; मात्र 18 हजार मते विरोधात कशी?

Kim Jong Un : उत्तर कोरियाचे सर्वोच्च नेते किम जोंग उन यांनी ९९.९३% बहुमताने संसदीय निवडणुका जिंकल्या आहेत. उत्तर कोरियाच्या निवडणूक आयोगाच्या माहितीनुसार, अंदाजे ९९.१ टक्के मतदान झाले.

• ९९.९३% बहुमताने विजय
• मतदान न करणे म्हणजे ‘देशद्रोह’
• निवडणूक की केवळ औपचारिकता?

North Korea Election Results 2026 : जगातील सर्वात रहस्यमय आणि क्रूर मानल्या जाणाऱ्या उत्तर कोरिया (North Korea) या देशातून एक मोठी बातमी समोर येत आहे. उत्तर कोरियाचे सर्वोच्च नेते किम जोंग उन (North Korea’s supreme leader Kim Jong Un) यांनी पुन्हा एकदा संसदीय निवडणुकांमध्ये अभूतपूर्व यश मिळवले आहे. अधिकृत आकडेवारीनुसार, किम जोंग उन यांनी ९९.९३% मते मिळवून आपल्या सत्तेवर पुन्हा एकदा शिक्कामोर्तब केले आहे. विशेष म्हणजे, ज्या देशात हुकूमशाही आहे, तिथे निवडणुका का घेतल्या जातात आणि मतदानाची टक्केवारी इतकी प्रचंड कशी असते, यावर आता जगभरात चर्चा सुरू झाली आहे.

कोळशाच्या खाणीत किम जोंग उन यांचे मतदान

१५ मार्च रोजी उत्तर कोरियाच्या ‘सर्वोच्च जनसभे’साठी (Supreme People’s Assembly) मतदान पार पडले. या निवडणुकीत किम जोंग उन स्वतः एका कोळशाच्या खाणीत जाऊन मतदान करताना दिसले. उत्तर कोरियाच्या सरकारी प्रसारमाध्यमांनी प्रसिद्ध केलेल्या व्हिडिओमध्ये किम जोंग उन अत्यंत साध्या पद्धतीने कामगारांसोबत उभे राहून आपला मतदानाचा हक्क बजावताना दिसत आहेत. या निवडणुका पाच वर्षांच्या कार्यकाळासाठी घेण्यात आल्या होत्या, ज्याचा उद्देश किम यांच्या वर्कर्स पार्टीची पकड अधिक घट्ट करणे हा होता.

जागतिक घडामोडी संबंधित बातम्या वाचण्यासाठी येथे क्लिक करा : Deportation: अमेरिकेतून भारतीयांची ‘सन्मानाने’ हकालपट्टी? 2 लाख रुपये घ्या आणि देश सोडा; ताजमहाल फोटोने आणखी पेटला वाद

मतदान न करणे म्हणजे मृत्यूला निमंत्रण?

उत्तर कोरियाच्या संविधानानुसार, १७ वर्षांवरील प्रत्येक नागरिकाला मतदान करणे अनिवार्य आहे. इथे मतदान करणे हा हक्क नसून तो एक ‘देशद्रोह’ टाळण्याचा मार्ग मानला जातो. जर एखाद्या नागरिकाने मतदान केले नाही, तर त्याचा अर्थ तो सरकारच्या विरोधात आहे असा होतो आणि त्याला कठोर शिक्षा भोगावी लागते. इतकेच नाही तर चीन आणि रशियामध्ये राहणाऱ्या उत्तर कोरियन नागरिकांनाही आपल्या मायदेशी येऊन किंवा तिथूनच मतदानाचा हक्क बजावावा लागतो. ९९.१% मतदानाची आकडेवारी ही केवळ जनतेचे प्रेम नसून ती हुकूमशहाची भीती असल्याचे पाश्चात्य तज्ज्ञांचे मत आहे.

See more

2026 North Korea parliamentary elections 🔴PTC+Allies – 99.93% (-0.07)
⚪️Against – 0.07% (+0.07) (+/- vs last election) pic.twitter.com/hsCn4ZPp1v — OSZ (@OpenSourceZone) March 17, 2026

credit – social media and Twitter

विरोधक शून्य, केवळ किम यांचेच वर्चस्व

उत्तर कोरियाच्या ६८७ जागांच्या जनसभेत विरोधी पक्षाची कोणतीही भूमिका नसते. या सभागृहाचे काम केवळ किम जोंग उन यांनी घेतलेल्या निर्णयांवर आणि धोरणांवर कायदेशीर शिक्कामोर्तब करणे इतकेच असते. किम हे केवळ राजकीय नेते नसून ते लष्कराचे प्रमुख देखील आहेत. सत्ता त्यांना वारसाहक्काने मिळाली आहे आणि कोणालाही त्यांना आव्हान देण्याची मुभा नाही. त्यांच्यावर त्यांचे स्वतःचे काका आणि भाऊ यांच्या हत्येचेही गंभीर आरोप आहेत, ज्यामुळे त्यांची प्रतिमा एक अत्यंत निर्दयी शासक म्हणून जगात निर्माण झाली आहे.

जागतिक घडामोडी संबंधित बातम्या वाचण्यासाठी येथे क्लिक करा : World War 3: ‘इराण युद्ध अमेरिकेला भिकेला लावणार, चीनविरुद्धची आमची तयारी…’ ट्रम्पवर टीकेची धार तीव्र, खासदार आक्रमक

निवडणुकांचा खरा उद्देश काय?

अनेकांना प्रश्न पडतो की, जर सत्तापालट होणारच नसेल तर निवडणुकांचा हा फार्स कशासाठी? संरक्षण तज्ज्ञांच्या मते, या निवडणुकांच्या माध्यमातून किम जोंग उन आपल्या जनतेवर असलेल्या नियंत्रणाची चाचणी घेतात. तसेच, आंतरराष्ट्रीय समुदायाला आपल्याकडे जनतेचे समर्थन असल्याचे दाखवण्यासाठी ९९.९३% सारखी आकडेवारी जाहीर केली जाते. थोडक्यात, ही निवडणूक नसून ती किम जोंग उन यांची शक्ती प्रदर्शनाची एक पद्धत आहे.