Brigitte Macron: ‘ट्रम्प आपल्या मर्यादा विसरले!’ पत्नीबद्दलच्या ‘त्या’ घाणेरड्या कमेंटमुळे मॅक्रॉन भडकले; अमेरिका आता एकटी पडणार?

Emmanuel Macron डोनाल्ड ट्रम्प यांनी त्यांच्या पत्नी ब्रिगेट यांच्याबद्दल केलेल्या वक्तव्यांना "अशोभनीय" संबोधून त्यांचा तीव्र शब्दांत निषेध केला आहे. ट्रम्प यांच्या वक्त्यव्यांमुळे ते आता अडचणीत आले आहेत.

• मॅक्रॉन यांचा रुद्र अवतार
• राजनैतिक तणाव शिगेला
• सूडाचे राजकारण

Emmanuel Macron slams Donald Trump Brigitte Macron : आंतरराष्ट्रीय मुत्सद्देगिरीमध्ये राष्ट्राध्यक्षांच्या वैयक्तिक आयुष्यावर भाष्य करणे हे नेहमीच निषिद्ध मानले जाते. मात्र, अमेरिकेचे राष्ट्राध्यक्ष डोनाल्ड ट्रम्प (Donald Trump) यांनी पुन्हा एकदा सर्व राजकीय शिष्टाचार पायदळी तुडवले आहेत. फ्रान्सचे राष्ट्राध्यक्ष इमॅन्युएल मॅक्रॉन (French President Emmanuel Macron) यांच्या पत्नी, ब्रिगेट मॅक्रॉन यांच्याबद्दल ट्रम्प यांनी केलेल्या वादग्रस्त विधानामुळे पॅरिसमध्ये संतापाची लाट उसळली आहे. दक्षिण कोरियाच्या दौऱ्यावर असताना मॅक्रॉन यांनी ट्रम्प यांच्या या वागणुकीचा तीव्र शब्दांत निषेध केला असून, ट्रम्प यांना आपल्या मर्यादांचे भान नसल्याचे स्पष्ट केले आहे.

नक्की वाद काय आहे? ट्रम्प यांनी काय विधान केले?

हा सर्व वाद डोनाल्ड ट्रम्प यांच्या एका वक्तव्याने सुरू झाला, ज्यामध्ये त्यांनी इमॅन्युएल मॅक्रॉन यांची जाहीर खिल्ली उडवली. ट्रम्प यांनी दावा केला की, “ब्रिगेट मॅक्रॉन त्यांच्या पतीला (इमॅन्युएल) अत्यंत वाईट वागणूक देतात.” एवढेच नव्हे तर, मे २०२५ मधील एका जुन्या व्हिडिओचा संदर्भ देत ट्रम्प यांनी मॅक्रॉन यांच्या जबड्याला बसलेल्या दुखापतीची थट्टा केली. त्या व्हिडिओमध्ये ब्रिगेट मॅक्रॉन या इमॅन्युएल यांच्या चेहऱ्यावर थप्पड मारताना दिसत होत्या. जरी मॅक्रॉन यांनी तो व्हिडिओ ‘प्रचारकी’ आणि ‘गमतीशीर क्षण’ असल्याचे सांगून फेटाळला असला, तरी ट्रम्प यांनी याचा वापर मॅक्रॉन यांना वैयक्तिकरित्या अपमानित करण्यासाठी केला.

जागतिक घडामोडी संबंधित बातम्या वाचण्यासाठी येथे क्लिक करा : IranUSWar: अमेरिकेचे ‘अजेय’ विमान इराणने पाडले! 82 दशलक्ष डॉलर्सचे F-35 मातीत; स्वदेशी क्षेपणास्त्राने ‘अदृश्य’ शत्रूचा गेम, VIDEO

मॅक्रॉन यांचा पलटवार: “ट्रम्प खूप जास्त बोलतात!”

दक्षिण कोरियात पत्रकारांशी बोलताना मॅक्रॉन यांनी ट्रम्प यांच्या विधानाला “अशोभनीय” म्हटले. ते म्हणाले, “ट्रम्प यांचे वक्तव्य ना सभ्य आहे, ना त्यामागे कोणताही तर्क. ते केवळ अनुचितच नाही, तर राजकीय शिष्टाचाराच्या कोणत्याही मापदंडाच्या पलीकडचे आहे. ट्रम्प खूप जास्त बोलतात आणि त्यांना कशाचेही गांभीर्य नाही.” मॅक्रॉन यांनी हे देखील स्पष्ट केले की, दोन देशांच्या प्रमुखांमध्ये धोरणात्मक मतभेद असू शकतात, परंतु कुटुंबातील महिलांना अशा प्रकारे टीकेचे लक्ष्य बनवणे हे कोणत्याही राष्ट्राध्यक्षाला शोभणारे नाही.

See more

🇫🇷🔥 ‘Neither ELEGANT, nor…’: #Macron FIRES BACK after #Trump‘s ‘#wife treats him badly’ #mocking remark 😏⚡https://t.co/5mcvpUli7C pic.twitter.com/MxsSaBdWbd — Economic Times (@EconomicTimes) April 2, 2026

credit – social media and Twitter

इराण युद्धाचा नकार अन् ट्रम्प यांचा संताप

या वादामागे एक मोठे सामरिक कारण असल्याचे बोलले जात आहे. ट्रम्प यांनी आखातातील सुरू असलेल्या इराण संघर्षासाठी फ्रान्सकडे वैयक्तिकरित्या लष्करी मदत मागितली होती. मात्र, पॅरिसने या संघर्षात सहभागी होण्यास स्पष्ट नकार दिला. मॅक्रॉन यांच्या मते, फ्रान्स केवळ युद्ध संपल्यानंतर पुनर्रचनेसाठी मदत करू शकेल. लष्करी मदत नाकारल्यामुळे चिडलेल्या ट्रम्प यांनी मुत्सद्देगिरी सोडून वैयक्तिक टीकेचा मार्ग अवलंबला, असे राजकीय विश्लेषकांचे म्हणणे आहे.

जागतिक घडामोडी संबंधित बातम्या वाचण्यासाठी येथे क्लिक करा : Iran Threat : कुवेतचा शेख जाबेर ते सौदीचा किंग फहद पूल 8 दिग्गज वास्तू ‘हिट लिस्ट’वर; इराणने स्वतः सांगितलं विध्वंसक प्लॅन

फ्रान्समध्ये संतापाचा वणवा आणि निदर्शने

ट्रम्प यांच्या या वक्तव्यामुळे फ्रान्समध्ये जनक्षोभ उसळला आहे. नॅशनल असेंब्लीच्या अध्यक्षा याएल ब्रॉन-पिव्हेट यांनी म्हटले की, “जेव्हा जगात लोक युद्धामुळे मरत आहेत, अशा वेळी एका राष्ट्राध्यक्षाने दुसऱ्याची थट्टा करणे लज्जास्पद आहे.” फ्रेंच राजकीय पक्ष ‘उनबॉड’चे नेते मॅन्युएल बॉम्पार्ड यांनीही ही टिप्पणी पूर्णपणे अस्वीकार्य असल्याचे म्हटले आहे. या घटनेमुळे फ्रान्स आणि अमेरिका यांच्यातील राजनैतिक संबंध आतापर्यंतच्या सर्वात खालच्या स्तरावर पोहोचले आहेत, ज्यामुळे आगामी काळात नाटो (NATO) मधील समन्वयावरही परिणाम होऊ शकतो.