Climate Summit 2025 : COP30 ब्लू झोनमध्ये भीषण आग;UN प्रमुख आणि भारतीय नेते थोडक्यात बचावले

COP30 Climate Summit : ब्राझीलमधील बेलेम येथे COP30 हवामान परिषदेच्या मुख्य ठिकाणी (ब्लू झोन) भीषण आग लागली, ज्यामुळे हजारो प्रतिनिधींना तात्काळ बाहेर काढावे लागले, तर 13 जण जखमी झाले.

1. COP30 परिषदेच्या ‘ब्लू झोन’मध्ये अचानक भीषण आग; हजारो प्रतिनिधी घाबरून बाहेर धावले.
2. सुरक्षादलांच्या तत्परतेमुळे UN सरचिटणीस अँटोनियो गुटेरेस, भारताचे मंत्री भूपेंद्र यादव यांच्यासह सर्वजण सुरक्षित.
3. १३ जण जखमी, आग केवळ ६ मिनिटांत नियंत्रणात; शिखर परिषदेचे कामकाज तात्पुरते विस्कळीत.

COP30 Climate Summit 2025 : ब्राझीलमधील( Brazil) बेलेम शहरात सुरु असलेल्या संयुक्त राष्ट्रांच्या COP30 हवामान परिषदेत गुरुवारी एक मोठी दुर्घटना थोडक्यात टळली. जगभरातील हजारो प्रतिनिधी, पर्यावरण मंत्री, वैज्ञानिक आणि आंतरराष्ट्रीय संस्थांचे प्रमुख उपस्थित असलेल्या या शिखर परिषदेच्या ‘ब्लू झोन’ मध्ये अचानक भीषण आग लागली. काही क्षणांतच काळा धूर उठू लागला आणि संपूर्ण परिसरात घबराट पसरली. ही घटना स्थानिक वेळेनुसार दुपारी २ वाजता घडली. उच्चस्तरीय बैठकांचे आयोजन, देशांचे पॅव्हेलियन आणि मीडिया सेंटर असलेल्या या भागात सुरक्षा व्यवस्था अत्यंत कडक असते. तरीही, आग लागल्याने झालेली गडबड काही काळ संपूर्ण परिषदक्षेत्रात जाणवत होती.

घबराटीत हजारो प्रतिनिधी बाहेर; मोठी दुर्घटना टळली

आगीचे पहिले ज्वालाशिखर दिसताच काही सेकंदांतच याची माहिती वाऱ्यासारखी पसरली. धुराचे मोठमोठे ढग तंबूंवरून वर उठताना पाहून डेलेगेट्स बाहेरच्या गेटकडे पळू लागले. काहींनी आपले साहित्यही मागे सोडून जीव वाचवणे प्राधान्य दिले. UNFCCC ने तातडीने एक अधिकृत सूचना जारी करून संपूर्ण परिसर रिकामा करण्याचे आदेश दिले. तंबूंमधून निघणारा काळा धूर इतका दाट होता की किलोमीटरभर दूरूनही तो स्पष्ट दिसत होता. काही उपस्थितांनी सांगितले की काही क्षणांसाठी वातावरण पूर्णपणे अराजक झाल्यासारखे वाटत होते.

See more

COP30 climate conference BURNS DOWN A fire broke out at the summit’s East Africa pavilion, triggering an evacuation Will they blame it on climate change? pic.twitter.com/ySdFDDmWHu — RT (@RT_com) November 20, 2025

credit : social media

१३ जण जखमी; सर्व वरिष्ठ नेते सुरक्षित

या घटनेत १३ जणांना धुरामुळे श्वास घेण्यास त्रास झाला. त्यांना घटनास्थळीच उपचार देण्यात आले आणि त्यांची प्रकृती स्थिर असल्याचे दौरेदरम्यानच्या संयुक्त निवेदनात सांगण्यात आले. सर्वात मोठा दिलासा म्हणजे,

• UN सरचिटणीस अँटोनियो गुटेरेस
• भारताचे पर्यावरण मंत्री भूपेंद्र यादव
• भारतीय शिष्टमंडळातील सर्व प्रतिनिधी

हे सर्वजण सुरक्षितपणे बाहेर काढण्यात आले आहेत. संयुक्त राष्ट्र सुरक्षा विभाग (UNDSS) यांनी काही सेकंदांतच प्रमुखांना सुरक्षित क्षेत्रात हलवून उत्कृष्ट संकट व्यवस्थापन दाखवले.

जागतिक घडामोडी संबंधित बातम्या वाचण्यासाठी येथे क्लिक करा : Defense Deal : फिलीपिन्सनंतर जगातील सर्वात मोठा मुस्लिम देश विकत घेणार ‘BrahMos’; ‘या’ देशाचे संरक्षण मंत्री स्वतः करणार करार

बचाव पथकाची अविश्वसनीय तत्परता

UNFCCC आणि COP30 प्रेसिडेन्सीने जारी केलेल्या निवेदनानुसार, अग्निशमन दलाने फक्त ६ मिनिटांत आग नियंत्रणात आणली, जे अत्यंत प्रशंसनीय मानले जात आहे. ग्रीन झोनवर कोणताही परिणाम झाला नाही. आग आटोक्यात आल्यानंतर काही मिनिटांतच बेलेममध्ये मुसळधार पाऊस सुरू झाला, आणि बाहेर उभ्या असलेल्या हजारो प्रतिनिधींना पावसाचा सामना करावा लागला. अनेकांनी सोशल मीडियावर याबाबत पोस्ट देखील केल्या.

पूरा संकुल रिकामा करण्याचे आदेश

यजमान देशाच्या अग्निशमन प्रमुखांनी संपूर्ण परिसर रिकामा करून सुरक्षा तपासणी करण्याचे आदेश दिले.
UNFCCC ने एका नवीन बुलेटिनमध्ये सांगितले की:

• घटनेदरम्यान सर्व कर्मचारी व प्रतिनिधींची संख्या मोजण्यात आली
• सर्व संघटनांनी त्यांच्या कर्मचार्‍यांच्या सुरक्षिततेची पुष्टी केली
• संकुल रात्री ८ वाजेपूर्वी पुन्हा सुरु होणार नाही

जागतिक घडामोडी संबंधित बातम्या वाचण्यासाठी येथे क्लिक करा : US Tariffs: ‘अमेरिका भारतावर लादणार होती 350% कर…’, अघटित घडण्यापासून थांबवले; Donald Trumpचा खुलासा

ही घटना COP30 च्या वेळापत्रकावर परिणाम करणार का?

तात्पुरती विस्कळीतता असूनही, संयुक्त राष्ट्रांनी परिषद वेळेत पूर्ण करण्यासाठी आवश्यक ते अतिरिक्त प्रयत्न करण्याची तयारी दर्शवली आहे. तथापि, यामुळे होणारा विलंब आणि लॉजिस्टिकचा ताण पुढील काही दिवसांवर नक्कीच परिणाम करू शकतो.