India-Mauritius व्यापारी संबंध होणार आणखी दृढ; मॉरिशसचे पंतप्रधान नवीनचंद्र रामगुलाम करणार 6 दिवसीय भारत दौरा

मॉरिशसचे पंतप्रधान नवीनचंद्र रामगुलाम भारत दौऱ्यावर येत आहेत. ते 11 सप्टेंबर रोजी वाराणसीला येतील. वाराणसीमध्ये, मॉरिशसचे पंतप्रधान अनेक सांस्कृतिक स्थळांना भेट देतील.

Navinchandra Ramgoolam Varanasi visit : भारत आणि मॉरिशस या दोन देशांमध्ये ऐतिहासिक, सांस्कृतिक आणि आध्यात्मिक नाते नेहमीच घट्ट राहिले आहे. हिंद महासागरातील या सुंदर द्वीपदेशाशी भारताचे संबंध केवळ राजकीय किंवा आर्थिक मर्यादेत न राहता भावनिक पातळीवरही जोडलेले आहेत. याच नात्याला अधिक बळकट करण्यासाठी मॉरिशसचे विद्यमान पंतप्रधान नवीन रामचंद्र गुलाम ९ ते १५ सप्टेंबरदरम्यान भारताच्या सहा दिवसांच्या दौऱ्यावर येत आहेत.

या दौऱ्यातील सर्वात महत्त्वाचा क्षण म्हणजे त्यांची ११ सप्टेंबर रोजी वाराणसीला होणारी भेट. पंतप्रधान नरेंद्र मोदींच्या संसदीय मतदारसंघ असलेल्या काशीमध्येच दोन्ही पंतप्रधानांची द्विपक्षीय बैठक होणार आहे. हे विशेष आहे कारण परदेशी समकक्षांशी सहसा चर्चा दिल्ली किंवा इतर मोठ्या महानगरांमध्ये होते, मात्र मोदींनी वाराणसीची निवड करून या शहराचे सांस्कृतिक आणि आध्यात्मिक महत्त्व अधोरेखित केले आहे.

व्यापार, तंत्रज्ञान व पर्यटन यांवर होणार भर

या द्विपक्षीय चर्चेत व्यापार वाढवणे, तांत्रिक सहकार्य वाढवणे, तसेच पर्यटनाच्या क्षेत्रात नवे मार्ग शोधणे यावर मुख्य भर दिला जाणार आहे. अलीकडील काळात वाढलेल्या टॅरिफ वॉरच्या पार्श्वभूमीवर हा दौरा विशेष महत्त्वाचा मानला जात आहे. भारत आणि मॉरिशस यांच्यातील आर्थिक सहकार्याला नव्या दिशा देण्यासाठी हा संवाद महत्त्वाचा ठरेल. विशेष म्हणजे, आफ्रिकेतील देशांमध्ये मॉरिशस हा असा देश आहे जिथे हिंदू धर्म ही सर्वात मोठी धर्मसंख्या आहे. २०२२ च्या जनगणनेनुसार, मॉरिशसमध्ये जवळपास ४८ टक्के लोकसंख्या हिंदू आहे. त्यामुळे भारताशी या देशाचे आध्यात्मिक नाते अधिक गहिरे आहे.

जागतिक घडामोडी संबंधित बातम्या वाचण्यासाठी येथे क्लिक करा : SCO Tianjin Summit 2025 : PM मोदींचे चीनमध्ये ग्रँड वेलकम; जिनपिंग-पुतिन यांच्याशी होणार महत्त्वपूर्ण चर्चा

काशीच्या सांस्कृतिक दर्शनाचा कार्यक्रम

नवीन रामगुलाम यांच्या या दौऱ्याचा मुख्य केंद्रबिंदू वाराणसी आहे. येथे ते श्री काशी विश्वनाथ मंदिर, बाबा कालभैरव मंदिराला दर्शन देणार आहेत. त्यानंतर ते सारनाथ, बीएचयू, भारत कला भवन यांसारख्या महत्त्वाच्या सांस्कृतिक आणि ऐतिहासिक स्थळांनाही भेट देतील. संध्याकाळी ते दशाश्वमेध घाटावरील गंगा आरती अनुभवणार आहेत, जी भारताची सांस्कृतिक ओळख ठरली आहे. मॉरिशसचे पंतप्रधान याआधी २०२३ मध्ये काशीला आले होते. त्या वेळी तत्कालीन पंतप्रधान प्रविंद जगन्नाथ यांनी दशाश्वमेध घाटावर आपल्या नातेवाईकाच्या अस्थींचे विसर्जन केले होते. त्यामुळे काशीशी मॉरिशसच्या राजकीय नेतृत्वाचा हा आध्यात्मिक धागा आणखी घट्ट होत आहे.

उत्तर प्रदेश सरकारकडून विशेष स्वागत

मॉरिशसच्या पंतप्रधानांचे बाबतपूर विमानतळावर गार्ड ऑफ ऑनर देऊन स्वागत केले जाईल. उत्तर प्रदेशच्या राज्यपाल आनंदीबेन पटेल आणि मुख्यमंत्री योगी आदित्यनाथ त्यांच्या सन्मानार्थ विशेष भोजनाचे आयोजन करणार आहेत. प्रशासनाने या कार्यक्रमासाठी मोठ्या प्रमाणावर तयारी सुरू केली आहे. विभागीय आयुक्त एस. राज लिंगम यांना नोडल अधिकारी म्हणून नियुक्त केले असून, मिनिट-टू-मिनिट कार्यक्रमाची आखणी सुरू आहे.

नवीन रामगुलाम : मॉरिशसचे नवे नेतृत्व

१२ नोव्हेंबर २०२४ रोजी प्रविंद जगन्नाथ यांच्या राजीनाम्यानंतर राष्ट्रपती पृथ्वीराज सिंह रूपुन यांनी नवीन रामचंद्र गुलाम यांना पंतप्रधानपदाची शपथ दिली. कामगार पक्षाचे हे नेते मॉरिशसला नव्या राजकीय दिशेने नेत आहेत. त्यांचा भारत दौरा केवळ राजकीय दृष्ट्या नाही तर सांस्कृतिक, धार्मिक आणि आर्थिक दृष्ट्याही महत्त्वपूर्ण ठरणार आहे.

जागतिक घडामोडी संबंधित बातम्या वाचण्यासाठी येथे क्लिक करा : Saffron Shawl : मोदी इफेक्ट! आता असीम मुनीरला कोणी ओढवली भगवी शाल? पाकिस्तानच्या फील्ड मार्शलचा VIDEO VIRAL

भारत-मॉरिशस नात्याला नवा आयाम

वाराणसीतील ही भेट केवळ औपचारिकता नसून भारत-मॉरिशस नात्यातील भावनिक धाग्यांचे पुनरुज्जीवन आहे. गंगा-हिंद महासागराचे हे नाते, सांस्कृतिक आदानप्रदानातून आणि धार्मिक पायाभरणीतून, भविष्यातील सहकार्य अधिक गहिरे करेल याची खात्री आहे. ११ सप्टेंबर रोजी संपूर्ण जगाचे लक्ष वाराणसीकडे लागलेले असेल. कारण या ऐतिहासिक शहरात दोन राष्ट्रांचे नेतृत्व नव्या सहकार्याचा मार्ग आखणार आहे.