Artemis 2 Mission : नासाचे आर्टेमिस 2 मिशन यशस्वी; पृथ्वीवर सुखरूप पोहोचले अंतराळवीर

अंतराळवीरांना घेऊन जाणारे ओरियन अंतराळयान ११ एप्रिल रोजी स्थानिक वेळेनुसार रात्री ८:०७ वाजता आणि भारतीय प्रमाण वेळेनुसार पहाटे ५:३७ वाजता पॅसिफिक महासागरात सुखरूप उतरले.

वॉशिंग्टन : नासाकडून आर्टेमिस 2 ही चंद्र मोहीम सुरु करण्यात आली होती. या मोहिमेत अंतराळवीर चंद्रावर न उतरता प्रदक्षिणा घालणार होते. त्यानुसार, ही मोहिम पूर्ण करून चारही अंतराळवीर पृथ्वीवर सुखरूप परतले आहेत. या मोहिमेचे अंतराळयान, ओरियन, 10 दिवसांच्या यशस्वी मोहिमेनंतर आज पॅसिफिक महासागरात सुखरूप उतरले.

अंतराळवीरांना घेऊन जाणारे ओरियन अंतराळयान ११ एप्रिल रोजी स्थानिक वेळेनुसार रात्री ८:०७ वाजता आणि भारतीय प्रमाण वेळेनुसार पहाटे ५:३७ वाजता पॅसिफिक महासागरात सुखरूप उतरले. कॅलिफोर्नियातील सॅन दिएगोच्या किनाऱ्याजवळ पॅसिफिक महासागरात आर्टेमिस २ च्या उतरण्याचे थेट प्रक्षेपण नेटफ्लिक्स आणि नासाच्या अधिकृत यूट्यूब चॅनलवर करण्यात आले. तब्बल 54 वर्षांनंतर पुन्हा एकदा चंद्राच्या दिशेने मानवाचा प्रवास झाला. नासाची पहिली मानवी मोहीम आर्टेमिस-II गुरुवारी (दि.२) भारतीय वेळेनुसार पहाटे ४:०५ वाजता फ्लोरिडामधून यशस्वीरित्या प्रक्षेपित झाली.

एसएलएस (SLS) रॉकेटमध्ये क्रिस्टीना कोच, व्हिक्टर ग्लोव्हर, रीड वाईजमन आणि जेरेमी हॅन्सन हे अंतराळवीर होते. हा 10 दिवसांचा प्रवास अंतराळवीरांना पृथ्वीपासून अंदाजे ४०६००० किलोमीटर दूर घेऊन गेला. ही मोहीम आतापर्यंतची सर्वात लांब मानवी अंतराळ प्रवास करणारी ठरली.

कशी होती मोहीम?

आर्टेमिस-II मोहीम अंतराळवीरांना चंद्राच्या जवळ घेऊन गेली. मात्र, ते चंद्रावर उतरले नाहीत. ही एक चाचणी मोहीम होती. ज्याचा उद्देश भविष्यातील चंद्र मोहिमांसाठी आवश्यक असलेले तंत्रज्ञान आणि क्षमता तपासणे असे होते. संपूर्ण मोहीम अंदाजे १० दिवसांत पूर्ण झाले आणि अंतराळवीर चंद्राभोवती प्रदक्षिणा घालून पृथ्वीवर सुरक्षितपणे परत आले आहेत. नासाने सोशल मीडियावर पोस्ट करून लोकांना या ऐतिहासिक क्षणाचे साक्षीदार होण्यासाठी आमंत्रित केले होते. संस्थेने म्हटले आहे की, ही मोहीम चंद्रावर आणि त्यानंतर मंगळावर मानवी वस्तीच्या दिशेने एक मोठे पाऊल आहे.

सर्वाधिक अंतर आता पार करणार

नासाच्या मते, आर्टेमिस-II मोहीम चार अंतराळवीरांना सुमारे १० दिवसांच्या प्रवासात चंद्राभोवती घेऊन गेली. १९७२ नंतर प्रथमच मानव पृथ्वीच्या चुंबकीय क्षेत्राच्या पलीकडे गेला आणि हे अंतर आजपर्यंतच्या कोणत्याही मानवी अंतराळ प्रवासापेक्षा जास्त असू शकते. ही मोहीम आर्टेमिस कार्यक्रमाचा एक भाग आहे, ज्याचा उद्देश चंद्रावर मानवाची कायमस्वरूपी वस्ती स्थापन करणे आहे. हे अत्यंत महत्त्वाचे ठरेल.

हेदेखील वाचा : Artemis II : 54 वर्षांनंतर नासा रचणार इतिहास! पृथ्वीपासून 4.5 लाख किमी दूर; नासाचे ‘ते’ 4 वीर जाणार चंद्राच्या काळोख्या बाजूला