रविवार, 15 नोव्हेंबर 2026
Artemis 2 Mission : नासाची आर्टेमिस 2 मिशन यशस्वी; पृथ्वीवर सुखरूप पोहोचले अंतराळवीर
NASA Artemis 2 Mission launch 2026 : मानवाच्या अंतराळ संशोधनातील सर्वात सुवर्णक्षण आज ओढवला आहे. १९७२ मध्ये ‘अपोलो’ मोहीम संपल्यानंतर तब्बल ५४ वर्षांनी पुन्हा एकदा मानवी पाऊल पृथ्वीच्या कक्षेबाहेर पडणार आहे. अमेरिकेची अंतराळ संस्था ‘नासा’ (NASA) आज आपल्या महाकाय ‘SLS’ रॉकेटद्वारे ‘आर्टेमिस-२’ या ऐतिहासिक मोहिमेचे प्रक्षेपण करत आहे. फ्लोरिडा येथील केनेडी स्पेस सेंटरवरून होणारे हे उड्डाण केवळ चंद्राचा प्रवास नसून मानवाच्या अनंत इच्छाशक्तीचे प्रतीक आहे.
आर्टेमिस-२ मोहिमेचे वैशिष्ट्य म्हणजे यात समाविष्ट असलेली विविधता. या संघात अमेरिकन अंतराळवीर रीड वाईजमन (कमांडर), व्हिक्टर ग्लोव्हर (पायलट), क्रिस्टीना कोच (मिशन स्पेशालिस्ट) आणि कॅनेडियन अंतराळवीर जेरेमी हॅन्सन यांचा समावेश आहे. क्रिस्टीना कोच या चंद्रावर जाणाऱ्या पहिल्या महिला ठरतील, तर व्हिक्टर ग्लोव्हर हे पहिले कृष्णवर्णीय अंतराळवीर असतील. जेरेमी हॅन्सन यांच्या रूपाने प्रथमच एखादा गैर-अमेरिकन नागरिक चंद्राच्या कक्षेचा प्रवास करेल. हा संघ केवळ अंतराळवीर नसून संपूर्ण जगाचे प्रतिनिधित्व करत आहे.
जागतिक घडामोडी संबंधित बातम्या वाचण्यासाठी येथे क्लिक करा : War Update: इराण युद्धाचा शेवट! ट्रम्प यांनी जाहीर केली तारीख; ‘सत्तापालट’ झाला, आता अमेरिकन सैन्य मायदेशी परतणार
ही मोहीम चंद्रावर उतरण्यासाठी नसून, ती एक ‘चाचणी उड्डाण’ (Test Flight) आहे. १० दिवसांच्या या मोहिमेत अंतराळवीर पृथ्वीपासून तब्बल ४५०,००० किलोमीटर लांब जातील. चंद्राच्या दुसऱ्या बाजूला (Far Side of the Moon) पोहोचल्यावर ते मानवी इतिहासातील सर्वात लांबचा प्रवास करणारे मानव ठरतील. ५० वर्षांपूर्वी प्रस्थापित झालेला अंतराचा विक्रम या मोहिमेमुळे मोडीत निघणार आहे. हे अंतराळवीर ‘ओरियन’ (Orion) अंतराळयानातून चंद्राभोवती प्रदक्षिणा घालून पुन्हा पृथ्वीवर सुरक्षित परततील.
The weather’s looking good for tomorrow’s Artemis II launch, and our teams are getting the rocket ready for liftoff! Read the latest updates on our mission around the Moon: https://t.co/doIjUqa1cx pic.twitter.com/TtoI6FIkvl — NASA (@NASA) March 31, 2026
credit – social media and Twitter
नासाच्या मते, चंद्र हा केवळ एक उपग्रह नसून मंगळावर पोहोचण्यासाठीचा एक महत्त्वाचा टप्पा (Gateway) आहे. अंतराळवीर क्रिस्टीना कोच यांच्या मते, चंद्र हा आपल्या सूर्यमालेच्या निर्मितीचा साक्षीदार आहे. तिथल्या खडकांचा आणि पर्यावरणाचा अभ्यास केल्याने आपल्याला इतर सूर्यमाला कशा तयार झाल्या, हे समजण्यास मदत होईल. आर्टेमिस मोहिमेचे अंतिम ध्येय २०२८ पर्यंत चंद्रावर मानवी तळ (Base Camp) उभारणे हे आहे, जेणेकरून तिथून मंगळावर जाणे सोपे होईल.
जागतिक घडामोडी संबंधित बातम्या वाचण्यासाठी येथे क्लिक करा : India Iran Oil: संकट टळले! इराण-भारत तेल व्यापार पुन्हा सुरू; खारग बेटावरून 6,00,000 बॅरल कच्चे तेल घेऊन येणारा टँकर तयार
ही मोहीम फेब्रुवारीमध्येच पार पडणार होती, मात्र तांत्रिक कारणांमुळे आणि रॉकेटच्या तपासणीसाठी तिला वारंवार विलंब झाला. नासाचे नवे प्रमुख जेरेड आयझॅकमन यांनी सांगितले की, हा एक बहुआयामी प्रयत्न आहे जो केवळ विज्ञानच नाही, तर आर्थिक संधी आणि राष्ट्रीय सुरक्षा यांनाही जोडतो. आजचे प्रक्षेपण काही कारणास्तव लांबणीवर पडले, तरी ६ एप्रिलपर्यंत उड्डाणाच्या अनेक संधी उपलब्ध आहेत. जेव्हा हे अंतराळवीर परत येतील, तेव्हा पुढच्या पिढीला विज्ञानाकडे पाहण्याची एक नवी दृष्टी मिळेल.
Ans: आर्टेमिस-२ मोहीम आज, १ एप्रिल २०२६ रोजी अमेरिकेतील फ्लोरिडा येथून प्रक्षेपित होणार आहे.
Ans: या मोहिमेत ४ अंतराळवीर आहेत: रीड वाईजमन, व्हिक्टर ग्लोव्हर, क्रिस्टीना कोच आणि जेरेमी हॅन्सन.
Ans: नाही, ही मोहीम चंद्रावर उतरणार नाही. हे अंतराळवीर चंद्राभोवती प्रदक्षिणा घालून १० दिवसांनी पृथ्वीवर परत येतील.
