नेतन्याहू चिंतेत! कतारमधील हमास नेत्यांवरील हल्ल्याचा डाव असा फसला की…; चारी बाजूंनी अडकला इस्रायल, नेमकं काय घडलं?

नेतन्याहूंचे प्रयत्न अपयशी ठरल्याने इस्रायल मोठ्या संकटात सापडला आहे. आधीच इस्रायल्या गाझातील कायरवायंवर आंतरराष्ट्रीय समुदायाकडून तीव्र विरोध केला जात आहे. यामुळे इस्रायलसाठी अनेक नवी आव्हाने उभी राहत आहेत.

• इस्रायलचा कतारवरील हल्ला फसला
• हमासचे सर्व नेते सुरक्षित
• इस्रायल मोठ्या संकटात

Israel Hamas War : जेरुसेलम : इस्रायलचे पंतप्रधान बेंजामिन नेतन्याहूंनी सध्या हमासविरोधी मोहीम तीव्र केली आहे. सध्या ते परदेशातील हमासच्या ठिकाणांना उद्ध्वस्त करण्याच्या मार्गावर आहेत. नुरतेच त्यांच्या आदेशावरुन इस्रायली सैन्याने कतारची राजधानी दोहामध्ये हल्ला केला होता. यामध्ये हमासच्या वरिष्ठ अधिकाऱ्यांना लक्ष्य करण्यात आले होते. परंतु इस्रायलचा हा डाव उलटा पडला आहे. हमासचे नेते सुरक्षित आहे मात्र यामुळे इस्रायलला मोठे नुकसान सहन करावे लागले आहे. नेमकं काय घडलं जाणून घेऊयात.

कतारच्या पंतप्रधानांनी घेतली डोनाल्ड ट्रम्पची भेट; इस्रायली हल्ल्याच्या ३ दिवसानंतर अमेरिकेचा केला दौरा

काय होता हल्ल्याचा हेतू?

नेतन्याहूंच्या मते, हमासचे वरिष्ठ नेत्यांना ठार केल्यानंतर गाझामधील हमास लोकांना शरणागती पत्कारावी लागले. यामुळे इस्रायली ओलिसांची सुटका होईल. तसेच देशांतर्गत आणि जागतिक पातळीवर त्यांची प्रतिष्ठा मजबूत होईल. यामुळे इस्रायलने ९ सप्टेंबर रोजी कतारची राजधानी दोहावर हल्ला केला होता. यामध्ये हमासच्या कार्यालयावर हल्ला करण्यात आला होता. मात्र इस्रायलच्या अपेक्षे प्रमाणे काहीच घडले नाही. उलट सर्व हमासचे नेते सुरक्षित आहेत. यामुळे इस्रायलला मोठा धक्का बसला आहे.

इस्रायलचे काय नुकसान झाले?

• इस्रायलच्या या हल्ल्यामुळे इस्रायलचे अरब देशांशी संबंध ताणले गेले आहेत. तसेच कतारने यावर नाराजी व्यक्त केली आहे. त्यांनी ही नाराजी डोनाल्ड ट्रम्प यांच्याकडे व्यक्त केली आहे.
• यामुळे अमेरिकेचे राष्ट्राध्यक्ष डोनाल्ड ट्रम्प यांनी देखील नाराजी व्यक्त केली आहे. यामुळे इस्रायल आणि अमेरिके च्यासंबंधात तणाव निर्माण झाला आहे.
• तसेच गाझातील युद्धबंच्या प्रयत्नांना मोठा धक्का बसला आहे.
• कतारशी असलेले संबंध देखील ताणले गेले आहेत.
• तसेच अरब देशांमध्ये कतारवरील हल्ल्यामुळे संतापाची लाट उसळली आहे.
• याशिवाय गाझातील हमासच्या कैदेत असणाऱ्या इस्रायली ओलिसांचे जीवन धोक्यात आहेल आहे.
• हमासचे नेते ठार झाले असते तर नेतन्याहूंनी याला हमासचा अंत जाहीर केला असता, परंतु ते हे उद्दिष्ट साध्य करु न शकल्यामुळे अनेक समस्या निर्माण झाल्या आहेत.
• याच वेळी डोनाल्ड ट्रम्प यांनी देखील कतारवर पुन्हा हल्ला न करण्यास सांगितले आहे.
• इस्रायलने न ऐकल्यास त्यांच्यावर कठोर निर्बंध लादले जातील, असा रोष् अमेरिकेने व्यक्त केला आहे.

FAQs (संबंधित प्रश्न)

इस्रायल आणि हमासमध्ये का सुरु आहे युद्ध (Israel Hamas War )? 

०७ ऑक्टोबर २०२३ रोजी हमासने इस्रायलवर हल्ला केला होता. तसेच अनेक इस्रायली लोकांना कैद केले होते. यामुळे इस्रायलने हमासविरोधी युद्ध पुकारले.

इस्रायलने किती आणि कोणत्या देशांवर केला हल्ला?

इस्रायलने गेल्या ७२ तासांत ६ मुस्लिम देशांवर हल्ला केला आहे. यामध्ये गाझा, सीरिया, लेबनॉन, कतार, येमेन आणि ट्युनिशिया या देशांचा समावेश आहे.

इस्रायलचा तब्बल सहा इस्लामिक देशांवर हल्ला; सुमारे २०० नागरिकांचा मृत्यू, हजारो जखमी