Viral Video : न्यूझीलंडमध्ये रंगांची बरसात! पंतप्रधान लक्सन यांचा हटके अंदाज, गळ्यात टॉवेल अन् पाण्याचा वर्षाव

भारताचा रंगांचा सण होळी आता आंतरराष्ट्रीय स्तरावरही मोठ्या थाटामाटात साजरा केला जात आहे. जगभरातील अनेक देशांमध्ये भारतीय संस्कृतीशी निगडित उत्सव साजरे केले जात असून, यामध्ये होळी हा महत्त्वाचा सण आहे.

वेलिंग्टन : भारताचा रंगांचा सण होळी आता आंतरराष्ट्रीय स्तरावरही मोठ्या थाटामाटात साजरा केला जात आहे. जगभरातील अनेक देशांमध्ये भारतीय संस्कृतीशी निगडित उत्सव साजरे केले जात असून, यामध्ये होळी हा महत्त्वाचा सण आहे. याच अनुषंगाने, न्यूझीलंडच्या पंतप्रधान क्रिस्टोफर लक्सन यांनी देखील यंदा होळी साजरी केली असून त्यांचा हा रंगीत व्हिडिओ सोशल मीडियावर मोठ्या प्रमाणात व्हायरल झाला आहे.

न्यूझीलंडच्या इस्कॉन मंदिरात १३ मार्च रोजी मोठ्या उत्साहात होळी साजरी करण्यात आली. या उत्सवात सहभागी होण्यासाठी स्वतः न्यूझीलंडचे पंतप्रधान क्रिस्टोफर लक्सन उपस्थित होते. त्यांनी पूर्ण देसी शैलीत होळी खेळण्याचा आनंद घेतला. त्यांच्या गळ्यात फुलांचा हार होता आणि खांद्यावर पारंपरिक गमछा होता, ज्यावर “हॅप्पी होळी” असे लिहिले होते. विशेष म्हणजे, त्यांनी स्वतः लोकांवर रंग टाकत या रंगोत्सवात सहभाग घेतला.

जागतिक घडामोडी संबंधित बातम्या वाचण्यासाठी येथे क्लिक करा : Holi 2025 : रंग, उत्साह आणि बांधिलकी; भारत-पाक सीमेवर जवानांनी उत्साहात साजरे केले धूलिवंदन

पंतप्रधानांचा जल्लोष आणि भक्तांची गर्दी

न्यूझीलंडच्या इस्कॉन मंदिरात झालेल्या होळीच्या उत्सवात मोठ्या संख्येने लोक उपस्थित होते. पंतप्रधान लक्सन यांनी लोकांमध्ये मिसळून त्यांच्यावर रंग उधळले आणि पाण्याची तोफ डागून होळीचा आनंद घेतला. यावेळी संपूर्ण वातावरण आनंदाने भरून गेले होते. होळीच्या पार्श्वभूमीवर शंखनाद होत होता, त्यामुळे सणाचा उत्साह द्विगुणित झाला.

See more

Prime Minister of New Zealand Christopher Luxon celebrating #Holi. pic.twitter.com/xjPbxPLeyT

— The Gorilla (News & Updates) (@iGorilla19) March 12, 2025

होळीचा आंतरराष्ट्रीय स्तरावरील उत्सव

भारतात होळी हा अत्यंत लोकप्रिय आणि उत्साहाने साजरा केला जाणारा सण आहे. मात्र, आता हा सण केवळ भारतापुरता मर्यादित न राहता तो आंतरराष्ट्रीय पातळीवर देखील मोठ्या उत्साहात साजरा केला जात आहे. अमेरिका, कॅनडा, मॉरिशस, फिजी, गयाना, नेपाळ आणि न्यूझीलंड यासारख्या अनेक देशांमध्ये होळीचा उत्सव आयोजित केला जातो. विशेषतः इस्कॉन संस्थेच्या पुढाकारामुळे जगभरातील अनेक मंदिरांमध्ये होळीच्या कार्यक्रमांचे आयोजन केले जाते आणि भारतीय संस्कृतीला अधिक महत्त्व दिले जाते.

भारतीय संस्कृतीशी जुळलेले परदेशी नेते

भारतीय सणांना आता जागतिक मान्यता मिळत आहे. दिवाळी आणि होळी हे दोन प्रमुख भारतीय सण आज जगभरात साजरे केले जात आहेत. यामध्ये परदेशी नेत्यांचाही सहभाग वाढताना दिसत आहे. न्यूझीलंडचे पंतप्रधान क्रिस्टोफर लक्सन यांचे होळी खेळणे हे भारतीय संस्कृतीच्या जागतिक प्रभावाचे उत्तम उदाहरण आहे.

न्यूझीलंडमध्ये होळीचा वाढता प्रभाव

न्यूझीलंडमध्ये भारतीय समुदाय मोठ्या प्रमाणावर स्थायिक आहे. त्यामुळे तिथे भारतीय सण मोठ्या प्रमाणावर साजरे केले जातात. विशेषतः होळी हा उत्सव आता केवळ भारतीयांपुरता मर्यादित राहिला नसून, स्थानिक नागरिक आणि राजकीय नेतेही त्यात मोठ्या उत्साहाने सहभागी होत आहेत. यामुळे भारतीय संस्कृतीचा प्रभाव अधिक दृढ होत आहे.

जागतिक घडामोडी संबंधित बातम्या वाचण्यासाठी येथे क्लिक करा : फक्त भारत-पाकिस्तानच नव्हे तर, तर जगातील सर्वाधिक मुस्लिम लोकसंख्या असलेला देशही साजरी करतो होळी

भारताच्या संस्कृतीशी आत्मीयता 

न्यूझीलंडचे पंतप्रधान क्रिस्टोफर लक्सन यांनी इस्कॉन मंदिरात होळी खेळून भारताच्या संस्कृतीशी जुळलेली आत्मीयता दाखवली आहे. हा व्हिडिओ सोशल मीडियावर मोठ्या प्रमाणात व्हायरल होत असून, जागतिक स्तरावर भारतीय सणांची ओळख वाढत असल्याचे यावरून दिसून येते. जगभरातील भारतीय समुदाय आणि इतर देशांतील नागरिक एकत्र येऊन होळी साजरी करत आहेत, हे भारतीय संस्कृतीच्या वाढत्या प्रभावाचे स्पष्ट उदाहरण आहे.