नेपाळमध्ये नवा राजकीय अध्याय सुरु! PM मोदींनी पहिल्या महिला पंतप्रधान सुशीला कार्कींना दिल्या शुभेच्छा

PM Modi Congratulate Nepal's New Interim PM : नेपाळमध्ये एक नवा अध्याय सुरु झाला आहे. नेपाळच्या अंतरिम सरकारची सूत्रे सुशीला कार्की यांनी हाती घेतली आहे. यावर पंतप्रधान मोदींनी त्यांचे अभिनंदन केले आहे.

•  सुशीला कार्की बनल्या नेपाळच्या अंतरिम सरकारच्या पंतप्रधान
• पंतप्रधान मोदींनी  कार्की यांचे केले अभिनंदन
• भारताच्या परराष्ट्र मंत्रालयानेही नेपाळच्या नव्या महिला पंतप्रधानांचे केले स्वागत

PM Modi Congratualte Susila Karki : काठमांडू : नेपाळच्या राजकराणात एक नवा अध्याय सुरु झाला आहे. देशाच्या माजी महिला सर न्यायाधीश सुशीला कार्की यांनी देशाच्या पहिल्या महिला पंतप्रधान म्हणून शपथ घेतली आहे. शुक्रवारी (१२ सप्टेंबर) त्यांनी नेपाळच्या अंतरिम सरकारची सूत्रे हाती घेतली. जनरेशन-झेडच्या हिंसक आंदोलनानंतर एक आठवड्यानंतर नेपाळमध्ये स्थिरता आली आहे. दरम्यान या नव्या राजकीय बदलावर भारतीय पंतप्रधान नरेंद्र मोदी यांनी आपली प्रतिक्रिया दिली आहे. त्यांनी अंतरिम सरकारच्या पंतप्रधान सुशीला कार्की यांना नव्या पर्वासाठी शुभेच्छा दिल्या आहे.

पंतप्रधान मोदींनी केले सुशीला कार्की यांचे अभिनंदन

तसेच पंतप्रधान मोदींनी नेपाळच्या शांततेसाठी भारताचा पाठिंबा दर्शवला आहे. त्यांनी सोशल मीडियावर यांसर्भात पोस्ट केली आहे. पंतप्रधान मोदींनी एक्सवर लिहिले की, “नेपाळच्या अंतरिम सरकारच्या पंतप्रधान पदाची शपथ ग्रहण केल्याबद्दल माननीय सुशीला कार्की यांचे हार्दिक अभिनंदन. भारत नेपाळच्या बंधूभगिनींच्या शांतता, प्रगती आणि समृद्धीसाठी पूर्णपणे वचनबद्ध आहे.”

भारताच्या परराष्ट्र मंत्रालयाची प्रतिक्रिया 

या संदर्भात भारतीय परराष्ट्र मंत्रालयानेही एक निवेदन जारी केले आहे. यामध्ये म्हटले आहे की, शेजारी देश नेपाळच्या नागरिकांच्या भल्यासाठी भारत सहकार्य सुरु ठेवण्याची हमी देतो. तसेच आम्ही माननीय श्रीमती सुशीला कार्की यांच्या नेतृत्वाखाली नेपाळमध्ये नव्या अंतिरम सरकारच्या स्थापनेचेही स्वागत करतो. भारताला आशा आहे की, या नव्या बदलामुळे नेपाळमध्ये शांतता आणि स्थिरता वाढेल. हे भारताच्या संतुलित आणि सकारात्मक धोरणाचे प्रतिबिंब आहे.

नेपाळच्या पंतप्रधानपदी Sushila Karki; राजकीय गोंधळाच्या पार्श्वभूमीवर तातडीने घेतली शपथ

See more

नेपाल की अंतरिम सरकार की प्रधानमंत्री के रूप में पद ग्रहण करने पर माननीय सुशीला कार्की जी को हार्दिक शुभकामनाएं। नेपाल के भाई-बहनों की शांति, प्रगति और समृद्धि के लिए भारत पूरी तरह से प्रतिबद्ध है।

— Narendra Modi (@narendramodi) September 13, 2025

नेपाळमध्ये राजकीय बदल कसा घडला? 

• नेपाळमध्ये माजी पंतप्रधान केपी ओली शर्मा यांच्या सरकारने ४ सप्टेंबर रोजी सोशल मीडियावर बंदी लागू करण्याचा निर्णय घेतला होता. या निर्णयामुळे ८ आणि ९ सप्टेंबर रोजी सरकारच्या या निर्णयाविरोधात जनरेशन-झेडच्या तरुणांनी आंदोलन सुरु केले.
• सुरुवातील हे आंदोलन शांततेने सुरु होते, पण हळहळू  आंदोलनाने तीव्र रुप धारण केले. संतप्त झालेल्यांनी आणि ओली सरकारच्या भ्रष्टाचार, देशातील बेरोजगारी आणि नेपोटिझ विरोधात बंड पुकारला.
• आंदोलन तीव्र पेटले आणि ओली शर्मा यांच्या आणि सरकारमधील इतर मंत्र्यांच्या राजीनाम्याची मागणी होऊ लागली. मंत्र्यांना मारहाण करण्यात आली. अनेक लोकांवर हल्ले झाले, २० हून अधिक लोकांचा मृत्यू झाला. तसेच ३०० हून अधिक जखमी झाले.
• बिघडती परिस्थिती पाहता ओली शर्मा यांनी राजीनामा दिला. त्यानंतरही परिस्थिती सुधारलेली नव्हती, देशात मोठ्या प्रमाणात अस्थिरता होतीच. अंतरिम सरकारच्या स्थापनेसाठी प्रयत्न सुरु होते.
• दरम्यान अंतरिम सरकारच्या पंतप्रधान पदासाठी सुशीला कार्की, बालेंद्र शाह आणि कुलमन घिसिंग यांची नावे समोर आली होती.
• अखेर १२ सप्टेंबर रोजी लष्कर आणि जनरेशन-झेडच्या तरुणांनी सहमतीने सुशीला कार्की यांना पंतप्रधान पदसाठी निवडले आणि संध्याकाळी कार्की यांनी अंतरिम सरकारच्या पंतप्रधान पदाची शपथ घेतली.

FAQs(संबंधित प्रश्न) 

नेपाळमध्ये का सुरु होते आंदोलन? 

नेपाळमध्ये ओली सरकारच्या सोशल मीडियावरील बंदी, भ्रष्टाचार, नेपोटिझम आणि देशातील बेरोजगारी या सर्व कारणांमुळे तरुणांनी आंदोलन छेडले होते.

नेपाळच्या अंतरिम सरकारची सूत्रे कोणी हाती घेतली? 

नेपाळच्या अंतरिम सरकारची सूत्रे माजी पहिल्या महिला सर न्यायाधीश सुशीला कार्की यांनी घेतली आहेत. १२ सप्टेंबर २०२५ रोजी संध्याकाळी त्यांनी पंतप्रधान पदाची शपथ ग्रहण केली.

पंतप्रधान मोदींनी कोणाचे केले अभिनंदन? 

भारतीय पंतप्रधान मोदींनी नेपाळच्या पहिला महिला पंतप्रधान म्हणून शपथ घेणाऱ्या सुशाली कार्की यांचे अभिनंदन केले.

शिवपुरीच का ठरले माजी पंतप्रधान ओलींचे ‘Safe House’ ; संकटकाळी नेपाळच्या कोणत्या नेत्यांनी घेतला येथे आसरा?