PM Narendra Modi ASEAN Summit: नरेंद्र मोदी ASEAN शिखर परिषदेला उपस्थित राहणार नाहीत; काय आहे परिषदेचा मुख्य अजेंडा?

मलेशियामध्ये आसियान शिखर परिषद होत आहे, ज्यामध्ये पंतप्रधान मोदी व्हर्च्युअल पद्धतीने सहभागी होणार आहेत. अमेरिकेचे राष्ट्राध्यक्ष ट्रम्प देखील शिखर परिषदेत सहभागी होण्यासाठी मलेशियात पोहोचले आहेत.

• मलेशियात दक्षिणपूर्व आशियाई राष्ट्रांची संघटना (आसियान) शिखर परिषद
• नरेंद्र मोदी व्हर्च्युअल पद्धतीने सहभागी होणार
• एस. जयशंकर २७ ऑक्टोबरला परिषदेसह महत्त्वाच्या बैठकांमध्ये भारताचे प्रतिनिधित्व करतील

PM Narendra Modi ASEAN Summit:  दक्षिणपूर्व आशियाई राष्ट्रांची संघटना (आसियान) शिखर परिषद मलेशियामध्ये आयोजित करण्यात आली आहे. अमेरिकेचे राष्ट्राध्यक्ष डोनाल्ड ट्रम्प आज (२६ ऑक्टोबर) या शिखर परिषदेत सहभागी होण्यासाठी मलेशियात दाखल झाले आहेत. या परिषदेदम्यान, ट्रम्प त्यांचे समकक्ष शी जिनपिंग यांच्याशी व्यापार चर्चा करणार असल्याची माहिती समोर आली आहे. पण त्याचवेळी पंतप्रधान नरेंद्र मोदी मात्र या परिषदेला प्रत्यक्ष उपस्थित राहणार नाहीत.

आजच्या आसियान शिखर परिषदेमध्ये पंतप्रधान नरेंद्र मोदी व्हर्च्युअल पद्धतीने सहभागी होणार आहेत. त्यामुळे त्यांची आणि ट्रम्प यांची भेट होणार नाही. केंद्र सरकारनेही यासंदर्भात माहिती जारी केली आहे. नरेंद्र मोदी आसियान शिखर परिषदेसाठी क्वालालंपूरला जाणार नाहीत. ते व्हर्च्युअल पद्धतीने शिखर परिषदेत सहभागी होतील. काही दिवसांपासून पंतप्रधान मोदी शिखर परिषदेदरम्यान अमेरिकेचे राष्ट्राध्यक्ष डोनाल्ड ट्रम्प यांची भेट घेतील, अशी चर्चा सुरू होती. पण मोदी व्हर्च्युअल पद्धतीने परिषदेला उपस्थित राहणार असल्याने आता या चर्चांनाही पूर्णविराम मिळाला आहे.

Bigg Boss 19 Eviction : बिग बाॅस चाहत्यांचा राग मस्तकात! हा खेळाडू घराबाहेर झाल्यामुळे सोशल मिडियावर

पंतप्रधान मोदी का उपस्थित राहणार नाहीत?

वेळापत्रक आणि इतर समस्यांमुळे भारतीय पंतप्रधान नरेंद्र मोदी यांनी आसियान शिखर परिषदेत प्रत्यक्ष उपस्थित न राहण्याचा निर्णय घेतला. मलेशियाचे पंतप्रधान अन्वर इब्राहिम म्हणाले की, मोदींनी आम्हाला सांगितले की, दिवाळीचा सण अजूनही साजरा होत असल्याने, ते ऑनलाइन सहभागी होतील. परराष्ट्र मंत्री एस. जयशंकर २७ ऑक्टोबर रोजी पूर्व आशिया शिखर परिषदेसह अनेक महत्त्वाच्या बैठकांमध्ये भारताचे प्रतिनिधित्व करतील.

Satara Doctor Suicide Case: सातारा महिला डॉक्टर आत्महत्या प्रकरण: फरार आरोपी PSI गोपाळ बदनेलाही

आसियान शिखर परिषदेचा अजेंडा

अमेरिकेचे राष्ट्राध्यक्ष ट्रम्प आसियान शिखर परिषदेत सहभागी होण्यासाठी मलेशियात आले आहेत, ट्रम्प त्यांच्या कार्यकाळात अनेक वेळा ही बैठक चुकवतात. अमेरिकेच्या राष्ट्राध्यक्षांच्या अजेंड्यात व्यापार चर्चा आणि शांतता करारासह अनेक विषयांचा समावेश आहे. बैठकीत सहभागी होण्याव्यतिरिक्त, ट्रम्प मलेशियासोबत व्यापार करारावरही स्वाक्षरी करतील.

आसियान शिखर परिषदेत सहभागी होण्यापूर्वी ट्रम्प म्हणाले की, दोन्ही देशांमधील महिन्यांतील तीव्र संघर्षानंतर थायलंड आणि कंबोडियामध्ये शांतता करारावरही स्वाक्षरी केली जाईल. डाव्या विचारसरणीच्या नेत्याशी संबंध सुधारण्यासाठी ते शिखर परिषदेदरम्यान ब्राझीलचे राष्ट्राध्यक्ष लुईझ इनासियो लुला दा सिल्वा यांची भेट घेऊ शकतात.