पोप फ्रान्सिस यांची तब्येत खालावली; जगभरातून अनुयायांची चांगल्या प्रकृतीसाठी प्रार्थना

Pope Fransis Health Update: कॅथोलिक ख्रिश्चन धर्मगुरू पोप फ्रान्सिस यांची प्रकृती दम्याच्या अटॅकनंतर पुन्हा गंभीर झाली आहे. यामुळे त्यांना उच्च प्रमाणात ऑक्सिजनचा पुरवठा करावा लागला.

कॅथोलिक ख्रिश्चन धर्मगुरू पोप फ्रान्सिस यांची प्रकृती दम्याच्या अटॅकनंतर पुन्हा गंभीर झाली आहे. यामुळे त्यांना उच्च प्रमाणात ऑक्सिजनचा पुरवठा करावा लागला. वेटिकन प्रेस ऑफिसनुसार, त्यांना रक्तही चढवण्यात आले. डॉक्टरांनी 21 फेब्रुवारी रोजी त्यांना धोक्याबाहेर असल्याचे सांगितले होते, मात्र नंतर त्यांच्या वेदना वाढल्या. आता पुन्हा एकदा आणखी एक माहिती समोर आली आहे.

रक्त तपासणीनंतर मूत्रपिंड निकामी झाल्याची लक्षणेही दिसून आली आहेत. याव्यतिरिक्त, प्लेटलेट्सची कमतरताही आली आहे. डॉक्टरांच्या मते, त्यांचे वय, कमजोरी आणि आधीपासून असलेल्या आजारांमुळे त्यांची स्थिती अधिकच चिंताजनक आहे. दमाच्या झटक्यानंतर त्यांची प्रकृती गंभीर झाली, श्वसनासंबंधींच्या अडचणींमुळे त्यांना अधिक प्रमाणात ऑक्सिजन पुरवठा देखील करण्यात आला होता.

जागतिक घडामोडी संबंधित बातम्या- कसे नियुक्त केले जातात पोप, काय असतात त्यांची कर्तव्ये? ख्रिश्चन धर्माच्या सर्वोच्च पदाबद्दल जाणून घ्या

पोप यांनी मानले आभार

दरम्यान रुग्णालयात दाख झाल्यानंतर पोप यांनी सोशल मीडियावर एक पोस्ट केली होती. यामध्ये त्यांनी त्यांच्यासाठी प्रार्थना करणाऱ्यांचे आभार मानले. त्यांनी म्हटले की, “मला अनेक प्रेमळ संदेश मिळाले आहेत आणि विशे, करुन लहान मुलांनी पाठवलेले पत्रे आणि चित्रांनी प्रभावित झालो आहे. तुमच्या सहानुभूतीसाठी आणि जगभरातील लोकांनी केलेल्या प्रार्थनांसाठी मी तुमचे मनःपूर्वक आभार मानतो.”

See more

I have recently received many messages of affection, and I have been particularly struck by the letters and drawings from children. Thank you for your closeness, and for the consoling prayers I have received from all over the world!

— Pope Francis (@Pontifex) February 23, 2025

याशिवाय, आणकी एका पोस्टमध्ये त्यांनी प्रेम आणि विश्वावर एक संदेश दिला. त्यांनी म्हटले की, “मी तुम्हा सर्वांना आनंदाने धर्मप्रचार करण्याचे आवाहन करतो आणि प्रत्येकाला सामावून घेता येईल अशा प्रेमाचे प्रतीक व्हा”,#GospelOfTheDay नुसार, आपण वाईटाचे रुपांतर चांगुलफणात करा आणि बंधुभावाने युक्त अशी दुनिया बनवा. प्रेमासाठी जोखमी उचलण्यास घाबरु नका”

See more

I urge you to continue your apostolate with joy and to be a sign of a love that embraces everyone, as the #GospelOfTheDay suggests. May we transform evil into goodness and build a fraternal world. Do not be afraid to take risks for love!

— Pope Francis (@Pontifex) February 23, 2025

सध्या व्हेटिकनने दिलेल्या माहितीनुसार, पोप फ्रान्सिस यांची प्रकृती चिंताजनक आहे. दम्याच्या झटक्यानंतर त्यांना उच्च प्रवाहात ऑक्सिजन पुरवठा केला जात आहे. त्यांच्या श्वसन स्थितीमध्ये विशेष सुधारणा दिसून आली नसल्याने त्यांच्या प्रकृतीबाबत चिंता व्यक्त केली जात आहे. जगभरातून त्यांच्यासाठी लाखो लोक प्रार्थना करत आहेत.

जागतिक घडामोडी संबंधित बातम्या- Pope Fransis Health Update: पोप फ्रान्सिस यांची प्रकृती पुन्हा बिघडली; दम्याच्या झटक्यानंतर…