Viral Rap: नेपाळमध्ये रॅपर राज! PM बालेन शहांचा माईक ड्रॉप; शपथविधीपूर्वी ‘जय महाकाली’ गाण्याला 2 तासांत लाखो Views

Balen Shah: बालेन शाह आज नेपाळचे पंतप्रधान म्हणून शपथ घेतील. 35 वर्षीय रॅपर-राजकारणी असलेल्या बालेन शाह यांच्या राष्ट्रीय स्वतंत्र पक्षाला (RSP) या निवडणुकीत मोठा मतांचा वाटा मिळाला आहे.

• रॅपर ते पंतप्रधान
• ‘जय महाकाली’चा धुमाकूळ
• प्रचंड बहुमत

Jay Mahakali Balen Shah rap song views : नेपाळच्या (Nepal Politics) राजकारणात आज एक सुवर्ण अक्षरांनी लिहिला जाणारा दिवस आहे. हिमालयीन राष्ट्राच्या इतिहासात पहिल्यांदाच एक रॅपर देशाची धुरा सांभाळणार आहे. राष्ट्रीय स्वतंत्र पक्षाचे (RSP) धडाडीचे नेते बालेन शाह आज २७ मार्च २०२६ रोजी नेपाळचे पंतप्रधान म्हणून शपथ घेत आहेत. पण त्यांच्या या ऐतिहासिक शपथविधीपेक्षा सध्या चर्चा आहे ती त्यांच्या एका जुन्या गाण्याची. ‘जय महाकाली’ या गाण्याने इंटरनेटवर अक्षरशः आग लावली असून, नेपाळच्या तरुणाईमध्ये बालेन शाह यांची क्रेझ शिगेला पोहोचली आहे.

गाणं जुनं, पण जोश नवा! ‘जय महाकाली’ का होतंय व्हायरल?

बालेन शाह यांनी राजकारणात येण्यापूर्वी नेपाळमध्ये एक प्रसिद्ध रॅपर म्हणून ओळख मिळवली होती. पदग्रहण करण्यापूर्वी त्यांनी नेपाळच्या जनतेला एकतेचा संदेश देण्यासाठी ‘जय महाकाली’ हे गाणे पुन्हा एकदा सार्वजनिक केले. हे गाणे तसे दहा वर्षांपूर्वीचे आहे, पण त्यात त्यांच्या निवडणूक प्रचारातील थरारक दृश्ये जोडून गुरुवारी रात्री ते प्रदर्शित करण्यात आले. अवघ्या दोन तासांत या गाण्याला १,५०,००० लोकांनी पाहिले आणि शुक्रवारी सकाळपर्यंत हा आकडा २ दशलक्षांच्या (२० लाख) पार गेला आहे. “एकतेची शक्ती हीच माझी राष्ट्रीय ताकद आहे,” हा संदेश या गाण्यातून घराघरात पोहोचला आहे.

See more

MP Balen Shah has released a new song titled “Jay Mahakali” shortly after taking the oath of office as a lawmaker. 🔥 He is scheduled to take the oath as Prime Minister tomorrow, Chaitra 13. Video: BalenShah/ YouTube https://t.co/RfkyB3o6UC#balenshah #NNQMusic pic.twitter.com/pou5GVWZcy — No Next Question (@NoNext_Question) March 26, 2026

credit – social media and Twitter

जागतिक घडामोडी संबंधित बातम्या वाचण्यासाठी येथे क्लिक करा : World War 3 : युद्धविराम म्हणजे आत्महत्या! Saudi Arabia आणि UAE आता थेट मैदानात; अमेरिकेला दिलं विनाशाचं निमंत्रण

ऐतिहासिक सत्तांतर: १८२ जागांवर विजय

नेपाळमध्ये सप्टेंबर २०२५ मध्ये झालेल्या भीषण जनआंदोलनानंतर जुने सरकार कोसळले होते. त्यानंतर ५ मार्च २०२६ रोजी झालेल्या निवडणुकीत तरुणांच्या नेतृत्वाखालील ‘राष्ट्रीय स्वतंत्र पक्षाने’ (RSP) प्रस्थापित नेत्यांना धूळ चारली. बालेन शाह यांच्या नेतृत्वाखाली पक्षाने २७५ पैकी १८२ जागा जिंकून पूर्ण बहुमत मिळवले. बालेन शाह यांची संसदीय पक्षनेते म्हणून निवड झाली असून, मधेश प्रदेशातील पंतप्रधान होणारे ते पहिले नेते ठरले आहेत. त्यांच्या विजयाकडे नेपाळमधील नवीन युगाची सुरुवात म्हणून पाहिले जात आहे.

See more

EDITORIAL: Balen era begins The expectation is that Shah will be the architect of a revitalised and prosperous Nepal.https://t.co/yUpShtnRK8 — The Kathmandu Post (@kathmandupost) March 27, 2026

credit – social media and Twitter

रॅपर पंतप्रधान: तरुणाईचा बुलंद आवाज

बालेन शाह यांनी आपल्या प्रचारात संगीताचा अत्यंत प्रभावी वापर केला. एका रॅप गाण्यात ते म्हणतात, “माझे हृदय धैर्याने भरलेले आहे, माझे रक्त सळसळत आहे… मी बिबट्यासारखा धावेन.” हे शब्द केवळ गाण्याचे भाग नसून ते नेपाळमधील संतापलेल्या तरुणाईची भावना व्यक्त करतात. ३५ व्या वर्षी पंतप्रधान होऊन बालेन शाह यांनी हे सिद्ध केले की, जर हेतू स्पष्ट असेल तर सामान्य पार्श्वभूमीचा तरुणही देशाचे सर्वोच्च पद भूषवू शकतो.

जागतिक घडामोडी संबंधित बातम्या वाचण्यासाठी येथे क्लिक करा : Slavery Reparations : ‘आम्ही पैसे देणार नाही!’ ब्रिटनचा आरडाओरडा; पण भारताच्या एका मताने ‘असं’ बदललं जगाचं चित्र

नेपाळच्या राजकारणाचे नवीन वळण

बालेन शाह यांच्या शपथविधीने केवळ नेपाळच नाही तर दक्षिण आशियातील राजकारणात एक नवा पायंडा पडला आहे. एका बाजूला पारंपारिक राजकारण आणि दुसरीकडे रॅपच्या तालावर तरुणांना एकत्र आणणारा नेता, अशा लढाईत बालेन शाह यांनी बाजी मारली आहे. ‘जय महाकाली’चा जयघोष करत ते नेपाळला कोणत्या दिशेला नेतात, याकडे संपूर्ण जगाचे लक्ष लागले आहे.