इराण युद्ध अर्धवट सोडण्याची चूक करू नका! सौदी अरेबिया आणि यूएईने अमेरिकेला दिला इशारा; वाचा सविस्तर विश्लेषण ( फोटो सौजन्य : सोशल मीडिया )
Saudi Arabia UAE stance on Iran war 2026 : मध्य-पूर्वेतील युद्धाची धग (US-Israel Iran War) आता अशा वळणावर पोहोचली आहे, जिथे अमेरिकेचे सर्वात जवळचे मित्रराष्ट्र असलेले आखाती देशच आता युद्धाचा आग्र धरत आहेत. अमेरिकेतील संयुक्त अरब अमिरातीचे (UAE) राजदूत युसेफ अल ओतैबा यांनी वॉल स्ट्रीट जर्नलमध्ये एक लेख लिहून राष्ट्राध्यक्ष डोनाल्ड ट्रम्प यांना स्पष्ट शब्दांत बजावले आहे की, इराणसोबतचे हे युद्ध अशा प्रकारे संपले पाहिजे की तेहरानचा धोका कायमचा संपुष्टात येईल. हा केवळ एका देशाचा इशारा नसून संपूर्ण आखाती प्रदेशातील बदललेल्या रणनीतीचे संकेत आहेत.
डोनाल्ड ट्रम्प सध्या इराणसोबत युद्धविराम (Ceasefire) घडवून आणण्यासाठी हालचाली करत आहेत. मात्र, या प्रयत्नांना इस्रायलसह सौदी अरेबिया आणि यूएईचा तीव्र विरोध आहे. या देशांनी ट्रम्प प्रशासनामध्ये जोरदार लॉबिंग सुरू केले आहे. आश्चर्याची बाब म्हणजे, सौदीचे युवराज मोहम्मद बिन सलमान (MBS) स्वतः ट्रम्प यांना त्यांच्या वैयक्तिक मोबाईलवर वारंवार कॉल करत आहेत. युवराज सलमान यांचे म्हणणे आहे की, “जर यावेळी इराणला रोखले नाही, तर ते आधीपेक्षा अधिक शक्तिशाली होऊन उदयास येईल, जे संपूर्ण जगासाठी घातक ठरेल.”
जागतिक घडामोडी संबंधित बातम्या वाचण्यासाठी येथे क्लिक करा : World Politics: मला दुसरं काम आहे, युद्ध लवकर संपवा! ट्रम्पच्या एका फोनने सर्वांच्याच मनात उठले भीतीचे काहूर; नेमकी कशाची चाहूल?
सीएनएनच्या वृत्तानुसार, अमेरिकेच्या मित्र राष्ट्रांना भीती आहे की, जर आता युद्धविराम झाला, तर परिस्थिती युद्ध सुरू होण्यापूर्वीच्या काळापेक्षाही अधिक भयावह होईल. सौदी अरेबियाला कोणत्याही परिस्थितीत तेहरानची क्रूझ आणि बॅलिस्टिक क्षेपणास्त्र क्षमता “शक्य तितकी” कमकुवत करायची आहे. दुसरीकडे, यूएईला वाटते की इराणच्या प्रगत ड्रोन आणि क्षेपणास्त्र कार्यक्रमांसोबत सुरक्षित जगणे या प्रदेशासाठी अशक्य आहे. म्हणूनच, इराणचा लष्करी पायाभूत आराखडा उद्ध्वस्त झाल्याशिवाय हे युद्ध थांबवू नये, असा या देशांचा हट्ट आहे.
Joint Statement by UAE, Kuwait, Bahrain, Saudi Arabia, Qatar and Jordan on Iran’s Blatant Attackshttps://t.co/EHAkaeAnD0 pic.twitter.com/RPYxEQLkA2 — MoFA وزارة الخارجية (@mofauae) March 26, 2026
credit – social media and Twitter
यूएईच्या राष्ट्रपतींचे सल्लागार अन्वर गर्गाश यांनी स्पष्ट केले आहे की, त्यांचा विचार केवळ तात्पुरत्या युद्धविरामापुरता मर्यादित नाही. आखाती प्रदेशात चिरस्थायी शांतता हवी असेल, तर इराणचे अणुधैर्य, त्याची क्षेपणास्त्रे आणि होर्मुझच्या सामुद्रधुनीतील दादागिरी कायमची संपवावी लागेल. इराणने आपल्या बहुतेक क्षेपणास्त्रांचा वापर या अरब देशांविरुद्धच केला आहे, ज्यामुळे या नेत्यांच्या मनात भीती आणि संताप आहे. रॉयटर्सच्या वृत्तानुसार, आखाती देशांनी संयुक्त राष्ट्र मानवाधिकार परिषदेतही इराणवर दहशतवाद आणि विस्तारवादाचा आरोप करत त्याला “अस्तित्वाचा धोका” म्हटले आहे.
जागतिक घडामोडी संबंधित बातम्या वाचण्यासाठी येथे क्लिक करा : Alireza Tangsiri : समुद्रात ‘अदृश्य युद्ध’! इस्रायलचा थेट इराणच्या ‘नौदल प्रमुखा’वर अचूक नेम; अलीरेझा तंगसिरी खल्लास
अमेरिकेचे संरक्षण सचिव पीट हेगसेथ यांनीही इराणच्या नौदल आणि सुरक्षा पायाभूत सुविधा उद्ध्वस्त करण्याचे संकेत दिले आहेत. मात्र, ट्रम्प यांचे ‘युद्ध थांबवण्याचे’ आश्वासन आणि अरब मित्रांची ‘युद्ध सुरू ठेवण्याची’ मागणी, यामध्ये अमेरिका अडकली आहे. इराणने अरब देशांवर केलेल्या हल्ल्यांमुळे हे देश आता थेट इराणविरुद्ध उभे ठाकले आहेत. जर ट्रम्प यांनी आपल्या मित्र राष्ट्रांचा सल्ला डावलून युद्धविराम केला, तर अमेरिकेचे या प्रदेशातील संबंध कायमचे बिघडू शकतात.
Ans: इराणची क्षेपणास्त्र आणि ड्रोन क्षमता पूर्णपणे नष्ट झाल्याशिवाय युद्ध थांबवणे म्हणजे भविष्यातील मोठ्या संकटाला निमंत्रण देणे होय, असे या देशांना वाटते.
Ans: इराणला आताच पूर्णपणे कमकुवत केले नाही, तर तो भविष्यात अधिक शक्तिशाली आणि आक्रमक होऊन परतेल, असा इशारा युवराज सलमान देत आहेत.
Ans: इराणचा असा आरोप आहे की, आखाती अरब देशांनी अमेरिकेला त्यांच्या भूभागावरून इराणवर हल्ला करण्याची परवानगी दिली आहे, जरी या देशांनी त्याचा इन्कार केला आहे.
