फोटो सौजन्य सोशल मीडिया
सध्या जगात दोन युद्ध सुरु आहेत एक मध्य पूर्वेत ज्याच्यात अमेरिका सहभागी आहे . आणि दुसरे रशिया आणि युक्रेन मध्ये , जगात जो तो देश कधी साम्राज्यवादाच्या लालसेपोटी किंवा नैसर्गिक साधन संपत्ती साठी एकमेकांवर कुरघोड्या करत आहेत . कुठे AI ची लढाई सुरु आहे तर कुठे सेमीकंडक्टरची . आणि यातच आता रशियाचे दीर्घकालीन राहिलेले राष्ट्रपती पुतीन हे पहिल्यांदाच कुर्लीन या बेटावर गेले आहेत . त्यामुळे जपानी लोकांच्या भावना दुखावल्या आहेत .
पुतिन यांनी रशियाच्या सुदूर पूर्वेकडील इटुरुप बेटाला भेट देताना स्थानिक रुग्णालय, शाळा आणि मत्स्यप्रक्रिया केंद्राची पाहणी केली. या दौऱ्यात त्यांनी स्थानिक नागरिक आणि प्रादेशिक अधिकाऱ्यांशी संवाद साधला. रशियाच्या नियंत्रणाखाली असलेल्या या बेटाला जपान एतोरोफू या नावाने ओळखतो आणि त्यावर आपला सार्वभौम हक्क असल्याचा दावा करतो.
पुतिन यांच्या दौऱ्यानंतर जपानच्या पंतप्रधान सानाए ताकाइची यांनी या भेटीला “अस्वीकार्य” म्हटले. जपानचे परराष्ट्रमंत्री तोशिमित्सु मोतेगी यांनी टोकियोतील रशियन राजदूतांना बोलावून तीव्र निषेध नोंदवला. जपानच्या मते इटुरुपसह चार दक्षिणेकडील कुरिल बेटे ही ऐतिहासिक आणि आंतरराष्ट्रीय कायद्याच्या दृष्टीने जपानचीच भूमी आहेत.
दुसऱ्या महायुद्धाच्या अखेरीस १९४५ मध्ये सोव्हिएत संघाने या बेटांवर ताबा मिळवला. त्यानंतर रशिया आणि जपानमध्ये या चार बेटांच्या सार्वभौमत्वावरून वाद सुरू आहे. जपान या बेटांना Northern Territories, तर रशिया त्यांना Southern Kurils म्हणतो. या वादामुळे दोन्ही देशांमध्ये दुसऱ्या महायुद्धानंतरचा औपचारिक शांतता करारही अद्याप झालेला नाही.
रशिया-युक्रेन युद्धानंतर जपानने मॉस्कोवर निर्बंध लादल्यामुळे दोन्ही देशांमधील संबंध आणखी तणावपूर्ण झाले आहेत. अशा परिस्थितीत पुतिन यांचा वादग्रस्त बेटाला प्रत्यक्ष दौरा हा रशियाकडून आपल्या नियंत्रणाचा ठाम संदेश म्हणून पाहिला जात आहे. दुसरीकडे जपानसाठी हा दौरा आपल्या प्रादेशिक दाव्याला थेट आव्हान देणारा प्रकार आहे.
.png "Videos"){kind=small}
