‘परदेशी शक्तींशी कट रचून बांगलादेश नष्ट करण्याचा प्रयत्न’; शेख हसीनांचा मोहम्मद युनूसवर गंभीर आरोप

स्वातंत्र्याच्या इतिहासावर घाला, स्मारकांवर हल्ला

हसीना यांच्या म्हणण्यानुसार, युनूस यांच्या नेतृत्वाखालील तात्पुरत्या सरकारच्या काळात मुक्ती संग्रामाशी संबंधित स्मारके पद्धतशीरपणे जाळली गेली, आणि स्वातंत्र्यवीरांचा अपमान करण्यात आला. “प्रत्येक जिल्ह्यात आम्ही उभारलेली स्मारके उद्ध्वस्त करण्यात आली आहेत. हे बांगलादेशच्या इतिहासाचे खच्चीकरण करण्याचा प्रयत्न आहे,” असे त्या म्हणाल्या.

जागतिक घडामोडी संबंधित बातम्या वाचण्यासाठी येथे क्लिक करा : Saudi Arabia 16-year Hajj ban : दरवर्षी ‘या’ कारणामुळे हज मध्ये जातात लोकांचे प्राण; सौदी अरेबियाने घातली 16 वर्षांची बंदी

अबू सईदच्या मृत्यूवरून संताप

अबू सईद, कोटा आंदोलनाचा एक प्रमुख चेहरा, यांच्या मृत्यूच्या संदर्भात शेख हसीना यांनी मोठा गौप्यस्फोट करत युनूस यांच्यावर संशय व्यक्त केला. संयुक्त राष्ट्रांच्या अहवालानुसार पोलिसांनी सईदची जाणूनबुजून हत्या केली, असा दावा केला गेला होता. मात्र, हसीना यांनी या आरोपांचा पूर्णपणे इन्कार केला. त्याऐवजी त्यांनी विचारले, “जेव्हा निदर्शकांनी पोलिसांवर दगडफेक केली, तेव्हा पोलिसांनी केवळ रबरच्या गोळ्यांचा वापर केला. मग 7.62 मिमी गोळी कुठून आली? ती गोळी कोणी झाडली?”

चौकशी थांबवण्याचा कट?

हसीना यांचा दावा आहे की, या घटनेच्या तपासासाठी नियुक्त करण्यात आलेल्या अधिकाऱ्याला मोहम्मद युनूस यांनी हटवून तपास थांबवण्याचा प्रयत्न केला. यावर त्यांनी संतप्त प्रतिक्रिया देताना म्हटले, “जर सईदचा मृतदेह पुन्हा उघडण्यात आला आणि योग्य तपास करण्यात आला, तर हे स्पष्ट होईल की हा एक सुनियोजित कट होता.”

जागतिक घडामोडी संबंधित बातम्या वाचण्यासाठी येथे क्लिक करा : UAE चे इमाम भारतातील मुस्लिमांना नक्की काय म्हणाले? वक्फ बोर्डाबद्दल केले ‘हे’ विधान

राजकीय विरोधकांवर संगनमताचे आरोप

या आरोपांमध्ये युनूस यांच्यासोबतच बीएनपी आणि जमात-ए-इस्लामी या पक्षांनाही ओढण्यात आले आहे. हसीना यांच्या म्हणण्यानुसार, हे तिन्ही घटक अवामी लीगच्या नेत्यांवर हल्ले करण्यासाठी एकत्र आले होते. “ते आमच्या नेत्यांची हत्या करत आहेत, कट रचत आहेत,” असा आरोप त्यांनी केला. शेवटी, शेख हसीना यांनी थेट इशारा दिला, “युनूस, जर तू आगीशी खेळलास तर ती आग तुलाच जाळून टाकेल.”

 बांगलादेशच्या राजकारणात वादळ

या घटनांमुळे बांगलादेशमध्ये राजकीय अस्थैर्य आणि संघर्ष अधिक तीव्र होण्याची चिन्हे दिसत आहेत. मोहम्मद युनूस हे देशाचे मान्यवर अर्थतज्ज्ञ आणि नोबेल पारितोषिक विजेते असले तरी, त्यांच्या राजकीय भूमिकेवर वारंवार प्रश्नचिन्ह उपस्थित झाले आहेत. शेख हसीनांच्या आरोपांमुळे राजकीय द्वेषाचा कलम अधिक गडद झाला आहे. पुढील काळात या आरोपांची न्यायिक चौकशी होते की राजकीय आरोप म्हणूनच ते हरवतात, हे पाहणे महत्त्वाचे ठरेल.

संबंधित बातम्या