‘महिलांना शिकू द्या…’ अफगाणिस्तानमध्ये तालिबानांविरुद्ध बोलणं पडलं भारी, धर्मगुरूलादेखील जेलमध्ये डांबले

तालिबानांवरील टीका पडली महागात 

मुलींचे शिक्षणच नाही तर, गझनवी यांनी तालिबान प्रमुखाच्या आवाहनावरही टीका केली ज्यामध्ये लढवय्यांना अफगाणिस्तानाबाहेर म्हणजेच पाकिस्तानमध्ये कोणत्याही प्रकारचा जिहाद करू नका असे सांगण्यात आले होते. कारण ते जिहादच्या श्रेणीत येत नाही. त्यांच्या साप्ताहिक व्याख्यानात, गझनवी यांनी स्पष्टपणे सांगितले की जिहाद ही एका प्रामाणिक कमांडरची जबाबदारी आहे आणि ती केवळ शब्दांपुरती मर्यादित असू शकत नाही. ऐतिहासिक घटनांचा उल्लेख करून त्यांनी सांगितले की, पैगंबर मोहम्मद यांनी स्वतः अनेक लष्करी मोहिमांचे नेतृत्व केले होते.

Philippines Storm: फिलिपाईन्समध्ये ‘को-मे’चा कहर, 25 जणांचा मृत्यू; 2.78 लाख लोक बेघर

तालिबानची विनाकारण सक्ती 

तालिबान प्रशासनाला गझनवीचे हे विधान आवडले नाही. सूत्रांनी दिलेल्या माहितीनुसार, तालिबान लष्करी न्यायालयाने त्यांना कोणत्याही सार्वजनिक सुनावणीशिवाय कोठडीत पाठवण्याचे आदेश दिले आणि पुढील आदेशापर्यंत तुरुंगात ठेवण्याचे निर्देश दिले. तथापि, तालिबानने अद्याप या अटकेबाबत कोणतेही अधिकृत विधान दिलेले नाही.

नागरिकांमध्ये भीती 

शेख गझनवीचे अफगाणिस्तानात हजारो अनुयायी आहेत. त्यांच्या अटकेमुळे देशात अशी चर्चा सुरू झाली आहे की धार्मिक नेत्यांना आता प्रश्न उपस्थित करण्याचा अधिकार नाही का? अनेक लोकांचा असा विश्वास आहे की तालिबानने गझनवीला लवकरच सोडून त्यांच्या धोरणावर पुनर्विचार करावा. यापूर्वी, गझनवीला काबूलमधील एका मदरशातील शिक्षक पदावरून काढून टाकण्यात आले होते. यामुळे अफगाणिस्तानात आता अधिक हे प्रकरण पेट घेणार की या प्रकरणाला अधिक वेगळे वळण लागणार याकडे सर्वांचे लक्ष लागून राहिले आहे. 

‘आम्हाला इंग्रजी बोलता…’ अनुवादकाच्या चुकीवर टीका करत हिंदी बोलताना PM मोदींनी बदलला ट्रॅक, खालिस्तान्यांवर केली खोचक टीका

शेख अब्दुल सामी गझनवी कोण आहे?

शेख अब्दुल समी गझनवी हे अफगाणिस्तानातील एक प्रसिद्ध इस्लामिक विद्वान आणि धर्मगुरू होते. ते अहले-ए-हदीस तत्त्वांचे पालन आणि प्रचार करण्यासाठी ओळखले जात होते. त्यांना त्यांच्या मूळ गावी गझनी येथून हद्दपार करण्यात आले आणि नंतर ते पंजाबमधील अमृतसर येथे स्थायिक झाले, जिथे त्यांनी त्यांच्या शिष्यांचा एक गट तयार केला. त्यांना अफ़गानिस्तान आणि भारतात एक महत्वपूर्ण इस्लामी विद्वान मानण्यात येते.

संबंधित बातम्या