Mojtaba Khamenei : तो समलैंगिक आहे! ट्रम्प यांनी इराणच्या सर्वोच्च नेत्याचं गुपित केली उघड; CIAच्या हवाल्याने खळबळ

US-Iran War : डोनाल्ड ट्रम्प यांनी असा दावा केला आहे की, सीआयएने हे निश्चित केले आहे की इराणचे सर्वोच्च नेते मोजतबा खामेनी हे समलैंगिक आहेत. त्यांनी इराणविरुद्ध संपूर्ण लष्करी विजयाची घोषणाही केली आहे.

• ट्रम्प यांचा खळबळजनक दावा
• इराणच्या विनाशाची घोषणा
• विजयाचा शंखनाद

Trump Mojtaba Khamenei Gay Claim : मध्य-पूर्वेतील युद्धाने (US-Israel Iran War) आता केवळ रणांगणच नाही तर वैयक्तिक आरोपांची पातळीही गाठली आहे. अमेरिकेचे राष्ट्राध्यक्ष डोनाल्ड ट्रम्प (Donald Trump) यांनी फॉक्स न्यूजला दिलेल्या एका विशेष मुलाखतीत इराणचे नवे सर्वोच्च नेते मोजतबा खामेनी यांच्याबद्दल असा काही दावा केला आहे, ज्याने संपूर्ण जगाचे लक्ष वेधून घेतले आहे. ट्रम्प यांनी केवळ खामेनी यांच्या वैयक्तिक आयुष्यावरच बोट ठेवले नाही, तर इराणचा लष्करी कणा पूर्णपणे मोडल्याची घोषणाही केली आहे.

सीआयएचा तो ‘गुप्त’ अहवाल आणि ट्रम्प यांचा दावा

राष्ट्राध्यक्ष ट्रम्प यांनी मुलाखतीत स्पष्टपणे सांगितले की, अमेरिकेची गुप्तचर संस्था ‘सीआयए’ने (CIA) त्यांना मोजतबा खामेनी यांच्याबद्दल एक अत्यंत संवेदनशील माहिती दिली आहे. ट्रम्प यांच्या मते, मोजतबा खामेनी हे समलैंगिक आहेत. इराणसारख्या देशात, जिथे समलैंगिकता हा इस्लामिक कायद्यानुसार (शरिया) फाशीच्या शिक्षेचा गुन्हा मानला जातो, तिथे सर्वोच्च नेत्याबद्दल असा दावा करणे हा इराणच्या धार्मिक आणि राजकीय व्यवस्थेवर केलेला सर्वात मोठा हल्ला मानला जात आहे. ट्रम्प म्हणाले की, या माहितीमुळे इराणमध्ये खामेनी यांची कारकीर्द सुरू होण्यापूर्वीच संकटात सापडली आहे.

जागतिक घडामोडी संबंधित बातम्या वाचण्यासाठी येथे क्लिक करा : Diplomatic War: ‘दलाल’ म्हणून जयशंकर यांनी काढली पाकिस्तानची इज्जत; इस्लामाबादचा झाला तीळपापड, म्हटले-‘कमजोर असल्याबद्दल…’

लष्करी विजयाचा ‘ट्रम्प स्टाईल’ दावा

केवळ वैयक्तिक आरोपच नाही, तर ट्रम्प यांनी इराणविरुद्धच्या लष्करी मोहिमेच्या यशाचा पाढाही वाचला. त्यांच्या दाव्यानुसार, अमेरिका आणि इस्रायलच्या एकत्रित हल्ल्यांमुळे इराणचे नौदल आता इतिहासजमा झाले आहे. ट्रम्प यांनी सांगितले की, अमेरिकेने इराणची तब्बल १५४ जहाजे समुद्रात बुडवली आहेत. याशिवाय, इराणच्या क्षेपणास्त्र क्षमतेचाही मोठा नाश झाला असून, आता केवळ ९% क्षेपणास्त्रे त्यांच्याकडे शिल्लक आहेत. ट्रम्प यांच्या मते, क्षेपणास्त्र प्रक्षेपक (Launchers) नष्ट झाल्यामुळे आता इराणकडे असलेली उरली-सुरली क्षेपणास्त्रे केवळ शोभेची वस्तू उरली आहेत.

See more

🚨 BREAKING: President Trump CONFIRMS he was advised that Ayatollah Mojtaba Khamenei is gay Omg 😭 “They did say that…a LOT of people are saying that, which puts them off to a bad start in that particular country!” 😂 pic.twitter.com/LfrH4THuPF — Eric Daugherty (@EricLDaugh) March 26, 2026

credit – social media and Twitter

ऊर्जा केंद्रांवरील हल्ले आणि १० दिवसांची मुदत

इराणच्या आर्थिक नाड्या आवळण्यासाठी त्यांच्या ऊर्जा केंद्रांवर (Energy Hubs) हल्ले करण्याची धमकी ट्रम्प यांनी दिली होती. मात्र, आता ही अंतिम मुदत १० दिवसांनी वाढवून ६ एप्रिल २०२६ करण्यात आली आहे. ट्रम्प यांनी सांगितले की, इराण सरकारच्या विनंतीवरून हा निर्णय घेण्यात आला असून सध्या पडद्यामागे वाटाघाटी अत्यंत चांगल्या प्रकारे सुरू आहेत. या मुदतवाढीमुळे इराणला शरणागती पत्करण्यासाठी एक शेवटची संधी दिली गेल्याचे बोलले जात आहे.

जागतिक घडामोडी संबंधित बातम्या वाचण्यासाठी येथे क्लिक करा : World War 3 : ‘Thank you people of India’ एक संदेश आणि गेम ओव्हर; इराणनच्या इस्रायलवर हल्ल्याचा ‘हा’ VIDEO तुफान VIRAL

 इराणमध्ये अंतर्गत बंडाळीची शक्यता?

ट्रम्प यांच्या या विधानांचा मुख्य उद्देश इराणच्या जनतेमध्ये आपल्या नेत्याबद्दल अविश्वास निर्माण करणे हा असू शकतो. जर इराणमधील कट्टरपंथीयांमध्ये त्यांच्या सर्वोच्च नेत्याबद्दल अशा अफवा पसरल्या, तर तिथे अंतर्गत यादवी माजण्याची दाट शक्यता आहे. लष्करी विजय मिळवल्यानंतर आता ट्रम्प ‘मानसोपचार युद्ध’ (Psychological Warfare) खेळत असून इराणला आतून पोखरण्याचा प्रयत्न करत आहेत.