शनिवार, 14 नोव्हेंबर 2026
जयशंकरच्या 'ब्रोकर' कॉलमुळे संतप्त झालेल्या पाकिस्तानने रागाच्या भरात मोठे पाऊल उचलले आणि म्हटले - कमजोर असल्याबद्दल अपमानास्पद शब्द... ( फोटो सौजन्य : सोशल मीडिया )
S Jaishankar Broker State Pakistan : भारत आणि पाकिस्तानमधील (India pakistan Dispute) राजनैतिक संबंध आता एका अशा टोकावर पोहोचले आहेत, जिथे शब्दांचे वार गोळ्यांपेक्षा जास्त बोचत आहेत. भारताचे परराष्ट्र मंत्री एस. जयशंकर यांनी पाकिस्तानबद्दल केलेल्या एका विधानाने संपूर्ण आशिया खंडात चर्चेला उधाण आले आहे. जयशंकर यांनी पाकिस्तानला “दलाल देश” (Broker) संबोधल्याने इस्लामाबादचा तीळपापड झाला असून, त्यांनी भारतावर ‘असभ्यतेचा’ आरोप केला आहे.
बुधवारी दिल्लीत आयोजित एका महत्त्वाच्या सर्वपक्षीय बैठकीत मध्य-पूर्वेतील तणावावर चर्चा सुरू होती. यावेळी काही नेत्यांनी पाकिस्तानच्या मध्यस्थीबाबत प्रश्न विचारला असता, जयशंकर यांनी आपल्या खास शैलीत उत्तर दिले. ते म्हणाले, “पाकिस्तानची भूमिका ही नेहमीच ‘दलाली’ करण्याची राहिली आहे. १९८१ पासून अमेरिकेने पाकिस्तानचा केवळ वापर केला आहे. भारत कधीही अशा प्रकारे मध्यस्थी करणार नाही किंवा कुणाच्या हातातील बाहुले बनणार नाही.” जयशंकर यांच्या या विधानाने स्पष्ट केले की, भारत आपल्या स्वाभिमानाशी कधीही तडजोड करणार नाही.
जागतिक घडामोडी संबंधित बातम्या वाचण्यासाठी येथे क्लिक करा : World War 3 : युद्धविराम म्हणजे आत्महत्या! Saudi Arabia आणि UAE आता थेट मैदानात; अमेरिकेला दिलं विनाशाचं निमंत्रण
जयशंकर यांच्या या विधानामुळे पाकिस्तानी परराष्ट्र मंत्रालयाने तातडीने पत्रकार परिषद घेतली. प्रवक्ते ताहिर अंद्राबी यांनी जयशंकर यांचे शब्द ‘निराधार’ आणि ‘निराशेपोटी’ आलेले असल्याचे म्हटले. “आम्ही संयम पाळतो, पण भारताकडून सातत्याने होत असलेली असभ्यता सहन करण्यापलीकडे आहे,” असे अंद्राबी म्हणाले. पाकिस्तानचा दावा आहे की ते शांततेसाठी प्रयत्न करत आहेत, तर भारताच्या मते पाकिस्तान केवळ स्वतःचा फायदा करून घेण्यासाठी अमेरिकेच्या तालावर नाचत आहे.
India is NOT a Broker Country like Pakistan
𝐍𝐄𝐖𝐒 𝐈𝐍 𝟔𝟎 𝐒𝐄𝐂𝐎𝐍𝐃𝐒! 🕔
Context
•India is not like Pakistan; we are not a broker nation. That’s what External Affairs Minister S. Jaishankar said during the all-party meeting on the West Asia crisis.
About
•As the… pic.twitter.com/bKo6DzwgH8 — NEXT IAS (@NEXTIAS_Delhi) March 26, 2026
credit – social media and Twitter
परराष्ट्र मंत्र्यांच्या या विधानावरून भारतातही राजकारण तापले आहे. काँग्रेसचे सरचिटणीस जयराम रमेश यांनी मोदी सरकारच्या मुत्सद्देगिरीवर कडाडून टीका केली. त्यांनी म्हटले की, भारत आपली जुनी प्रतिमा गमावत असून ‘तडजोड करणारा देश’ बनत चालला आहे. विरोधी पक्षांच्या मते, पाकिस्तानवर इतक्या टोकाची टीका करण्याऐवजी भारताने आपली शांतता प्रस्थापित करण्याची ताकद दाखवायला हवी. मात्र, सत्ताधारी पक्षाने विरोधकांचे हे सर्व आरोप फेटाळून लावले आहेत.
जागतिक घडामोडी संबंधित बातम्या वाचण्यासाठी येथे क्लिक करा : World War 3 : ‘Thank you people of India’ एक संदेश आणि गेम ओव्हर; इराणनच्या इस्रायलवर हल्ल्याचा ‘हा’ VIDEO तुफान VIRAL
सध्या इराण आणि इस्रायल-अमेरिका यांच्यात सुरू असलेल्या युद्धात पाकिस्तान स्वतःला एक महत्त्वाचा दुवा म्हणून सादर करण्याचा प्रयत्न करत आहे. मात्र, भारताने स्पष्ट केले आहे की पाकिस्तानची ही चाल केवळ जागतिक स्तरावर महत्त्व मिळवण्यासाठी आहे. ट्रम्प आणि मोदी यांच्यातील चर्चेने जगाचे लक्ष वेधले असताना, जयशंकर यांनी पाकिस्तानला दिलेली ही ‘दलाल’ ही उपमा आगामी काळात भारत-पाक संबंधांना कोणत्या वळणावर नेते, हे पाहणे महत्त्वाचे ठरेल.
Ans: पाकिस्तान नेहमीच अमेरिकेच्या फायद्यासाठी मध्यस्थीचा आव आणून स्वतःचा स्वार्थ साधतो, या ऐतिहासिक संदर्भावरून जयशंकर यांनी ही टिप्पणी केली.
Ans: पाकिस्तानने हे विधान 'असभ्य' आणि 'निराधार' असल्याचे सांगून त्याचा तीव्र निषेध केला आहे.
Ans: काँग्रेसने याला मोदी सरकारचे राजनैतिक अपयश म्हटले असून भारत आपली जागतिक प्रतिष्ठा गमावत असल्याचा दावा केला आहे.
