तुर्कस्तानच्या राजधानीत दहशतवादी हल्ला, 10 जणांचा मृत्यू, 14 जखमी
Turkey Terror Attack News in Marathi : तुर्कस्तानची राजधानी अंकारा येथे बुधवारी (24 ऑक्टोबर) झालेल्या भीषण दहशतवादी हल्ल्याला प्रत्युत्तर म्हणून तुर्कीने शेजारील दोन इस्लामिक देशांना लक्ष्य केले आहे. तुर्कस्तानने शेजारील सीरिया आणि इराकमध्ये हवाई हल्ले करण्यात आले. तुर्कस्तानने केलेल्या हवाई हल्ल्यात दोन दहशतवादी ठार झाले असून तुर्कीच्या संरक्षण मंत्रालयाने जारी केलेल्या निवेदनात म्हटले आहे की, हवाई हल्ल्यात एकूण 30 दहशतवाद्यांचे अड्डे उद्ध्वस्त करण्यात आले आहेत.
तुर्कस्तानचे राष्ट्राध्यक्ष रेसेप तय्यप एर्दोगान यांनी एरोस्पेस आणि डिफेन्स कंपनी ‘तुसास’वरील हल्ल्याबाबत सांगितले की, दोषींना सोडले जाणार नाही. राष्ट्राध्यक्षांच्या वक्तव्यानंतर काही वेळातच तुर्कीने सीरिया आणि इराकवर हवाई हल्ले करण्यात आले. तुर्कस्तानमध्ये झालेल्या दहशतवादी हल्ल्याची जबाबदारी अद्याप कोणत्याही संघटनेने स्वीकारलेली नाही, मात्र हा हल्ला इराक आणि सीरियामध्ये सक्रिय कुर्दिश दहशतवाद्यांनी घडवून आणल्याचा संशय आहे.
दरम्यान, एका महिलेसह तीन हल्लेखोर टॅक्सीतून एरोस्पेस आणि डिफेन्स कंपनी ‘तुसास’ कॅम्पसच्या प्रवेशद्वारावर पोहोचले होते, असे तुर्कस्तानच्या माध्यमांनी सांगितले. हल्लेखोरांकडे हल्ला करण्यासाठी शस्त्रे होती. त्यांनी टॅक्सीजवळ स्फोटक यंत्राचा स्फोट केला. ज्यामुळे नागरिकांमध्ये गोंधळ उडाला आणि आवारात प्रवेश केला. यानंतर तुर्कीचे सुरक्षा दल घटनास्थळी पोहोचले त्यानंतर गोळीबाराचे आवाज ऐकू आले. राजधानी अंकाराच्या बाहेरील भागात असलेल्या कंपनीवर तुर्कीच्या सुरक्षा दलांनी हल्ला केल्यानंतर सध्या परिस्थिती नियंत्रणात आली आहे.
मिळालेल्या माहितीनुसार, तुर्कीने उत्तर इराक आणि सीरियामध्ये सुमारे 30 पीकेके लक्ष्यांवर हवाई हल्ले केले आहेत. ही माहिती तुर्कीच्या संरक्षण मंत्रालयाकडून देण्यात आली आहे. या हल्ल्यात नागरिकांची कोणतीही हानी झाली नाही, सर्व खबरदारी घेण्यात आल्याचे संरक्षण मंत्रालयाकडून स्पष्ट करण्यात आले आहे. हल्ल्यानंतर तुर्की किंवा पीकेकेकडून कोणतीही अधिकृत प्रतिक्रिया आलेली नाही.
.png "Videos"){kind=small}
