US Iran War : ‘मी बलिदान देण्यास सज्ज…’ , ट्रम्प यांच्या धमकीवर इराणी राष्ट्राध्यक्षांची ठाम भूमिका; जनताही आहुती देण्यास तयार?

US Iran War : मध्यपूर्वेतील युद्ध आता टोकोला पोहोचले आहे. ट्रम्प यांनी दिलेल्या मिडनाई अल्टीमेटमवर इराणचे राष्ट्राध्यक्ष पेझेश्कियान यांनी आक्रमक भूमिका घेतली आहे. इराणची जनता आणि ते प्राणांची आहुती देण्यास तयार आहेत.

• ट्रम्प यांच्या धमकीवर इराणच्या राष्ट्राध्यक्षांचे उत्तर
• बलिदान देण्यास सज्ज असल्याचे विधान
• इराणी जनताही देणार बलिदान?

Trump Iran Deadline Masoud Pezeshkian Statement : तेहरान : मध्यपूर्वेतील अमेरिका इराण युद्ध (US Iran War) आता एका धोकादायक टप्प्यावर येऊन पोहोचले आहे. अमेरिकेचे राष्ट्राध्यक्ष डोनाल्ड ट्रम्प (Donald Trump) यांनी दिलेल्या अल्टीमेटला इराणचे राष्ट्राध्यक्ष मसूद पेझेश्कियान यांनी कडक शब्दात उत्तर दिले आहे. त्यांनी म्हटले आहे की, आम्ही आणि आमची जनता देशाच्या रक्षणासाठी प्राणांची आहुती देण्यास तयार आहोत. त्यांच्या या विधानाला अमेरिकेला थेट आव्हान मानले जात आहे.

US Iran War : अमेरिका-इराण युद्ध थांबणार? पाकिस्तानची मध्यस्थी अन् ‘तो’ १० कलमी प्रस्ताव जगाला वाचवणार?

नेमकं काय आहे प्रकरण?

सोमवारी (०६ एप्रिल २०२६) ट्रम्प यांनी इराणला मंगळवारी (०७ एप्रिल २०२६) रात्री ८ वाजेपर्यंतचा ४८ तासांचा अल्टीमेटम दिला होता. त्यांनी इराणला स्ट्रेट ऑफ होर्मुझ उघडण्यास आणि वाटाघाटी करु शांतता करार करण्यास सांगितले. तडजोड मन केल्यास ट्रम्प यांनी इराणच्या वीज प्रकल्पांना, पूल आणि रेल्वे यांसारख्या पायाभूत सुविधांना नष्ट करण्याची धमकी दिली.

त्यांनी म्हटले की, इराणला दिलेली वेळ आता संपत चाली आहे. जर करार झाला नाही, तर एका रात्रीत संपूर्ण इराण उद्ध्वस्त होईल, नरकात ढकलला जाईल. ट्रम्प यांच्या या विधानाने जगभरात खळबळ उडाली होती.

इराणची ह्यूमन शिल्ड रणनीती

दरम्यान ट्रम्प यांच्या हल्ल्यांना खांबण्यासाठी इराणने एक वेगळीच रणनीती अवलंबवली आहे. इराणने देखील तरुणांना, खेळाडू, आणि कलाकांरांना महत्त्वाच्या वीज केंद्राभोवती मानवी साखळीचे आवाहन केले आहे. याचा उद्देश अमेरिकेला हल्ल्यापासून रोखणे आहे. यावर इराणचे अध्यक्ष पेझेश्कियान यांनी देखील मी स्वत: सुद्ध इराणसाठी बलिदान देण्यास सज्ज आहे आणि सदैव राहीन असे म्हटले आहे.

See more

بیش از ۱۴ میلیون ایرانی غیور تا این لحظه اعلام آمادگی کرده‌اند جان خود را برای دفاع از ایران فدا کنند. من نیز جان‌فدای ایران بوده‌ام، هستم و خواهم بود.#جان_فدا — Masoud Pezeshkian (@drpezeshkian) April 7, 2026

इस्रायलचा थेट इशारा

या दरम्यानच इस्रायलने इराणी नागरिकांना थेट इशारा दिला आहे. इस्रायलने इराणी नागरिकांना रेल्वेप्रवास टाळण्याचा आणि त्या मार्गावरुन दूर राहण्याचा सल्ला दिला आहे. हा संदेश इराणच्या रेल्वे नेटवर्कवर हल्ल्याचा संकेत मानला जात आहे. यामुळे परिस्थिती अधिक बिटक झाली आहे. जागतिक स्तरावर गंभीर चिंतेचे वातावरण निर्माण झाले आहे. यामुळे मोठ्या युद्धाचा भडका उडण्याची शक्यता आहे. ज्याचा केवळ मध्यपूर्वच नाही तर संपूर्ण जगावर परिणाम होईल.

US-Israel Iran War : ‘जीव वाचवायचा असेल तर…’ , इस्रायलचा इराणी नागरिकांना थेट अन् अंतिम इशारा, इराणचा विनाश निश्चित?