World Politics :नेतन्याहू यांना अटक? बंद करतो तुम्हाला मिळणारा पैसा फुकट

World Politics : बेंजामिन नेतान्याहू यांच्याविरोधातील ICC अटक वॉरंटच्या पार्श्वभूमीवर अमेरिकेकडून आंतरराष्ट्रीय फौजदारी न्यायालयावर व्यापक निर्बंध लावण्याची तयारी सुरू असल्याचे वृत्त आहे. प्रस्तावित निर्बंधांमुळे ICCशी संबंधित आर्थिक व्यवहार, सेवा आणि संस्थेच्या कामकाजावर परिणाम होण्याची शक्यता आहे.

• ICC वर थेट आर्थिक हल्ला
• नेतन्याहूनच्या अटकवॊरंट नंतर वाद चिघळला
• याच आठवड्यात निर्णय होण्याची शक्यता

World Politics : इस्रायलचे पंतप्रधान बेंजामिन नेतन्याहू यांच्याविरोधात आंतरराष्ट्रीय फौजदारी न्यायालयाने ( ICC ) जारी केलेल्या अटक वॊरंटच्या पार्श्वभूमीवर अमेरिकेचे राष्ट्राध्यक्ष डोनाल्ड ट्रम्प प्रशासन आता ICC वर व्यापक निर्बंध लावण्याच्या तयारीत असल्याचे आपल्याला दिसत आहे . हे निर्बंध न्यायालयातील काही व्यक्तींवर न्हवे तर थेट संपूर्ण संस्थेवर लागू करण्याची तयारी असल्याचे समोर आले आहे .

ICC वर थेट आर्थिक हल्ला

प्रस्तावित निर्बंधानुसार अमेरिकन नागरिक आणि कंपन्यांना खास परवानगीशिवाय ICC ला निधी , वस्तू किंवा इतर सेवा पुरवण्यावर निर्बंध किंवा बंदी येऊ शकते . सहा ते सात महिन्याच्या कालावधीनंतर न्यायालयाशी संबंधित बहुतांश व्यवहारांवरही मर्यादा येण्याची शक्यता आहे . त्यामुळे ICC ला डॉलरमधील व्यवहार , बँकिंग , विमा , तंत्रज्ञान सेवा आणि इतर आर्थिक सुविधांमध्ये अडचणी निर्माण होऊ शकतात . त्यामुळे ICC एक मोठ्या संकटात सापडू शकते .

world news : अमेरिकेला स्वर्ग नकोच आहे का ? पलाऊवर संकट

नेतन्याहूनच्या अटकवॊरंट नंतर वाद चिघळला

नोव्हेंबर २०२४ मध्ये ICC ने नेतन्याहू आणि तत्कालीन इस्रायली संरक्षणमंत्री योआव गॅलंट यांच्याविरोधात अटक वॊरंट जारी केले होते . गाझामधील युद्धादरम्यान कथित युद्धगुन्हे आणि मानवतेविरुद्धच्या गुन्हयांच्या आरोपांशी हे प्रकरण संबंधित आहे . यानंतर नेतन्याहू आणि इस्रायलने हे आरोप फेटाळून लावले आहेत . युद्धादरम्यान आमच्याकडून कोणत्याही मानवी मूल्यांचे उल्लंघन झाले नसून .

जशी वेळ निर्माण झाली होती तसे आम्ही निर्णय घेतले आहेत . असे स्पष्टीकरण आले . आणि मुळात अमेरिका आणि इस्रायल हे दोन्ही देश ICC चे सदस्य नाहीत . पण तरी देखील जगभरात बऱ्याच देशांत नेतान्याहू याना प्रवेश करण्यास बंदी आहे किंवा नेतान्याहू यांच्या विरोधात अटक वॊरंट काढले आहे . यामुळे नेतन्याहू यांची आंतरराष्ट्रीय स्तरावर नाचक्की झाली यामुळे हे प्रकरण आणखीच चिघळले आहे .

Trump vs Media : ‘दरवाजा बंद केला? मग कोर्टात भेटू!’ CNN-MSNOW-Politicoचा ट्रम्प प्रशासनाला झटका

याच आठवड्यात निर्णय होण्याची शक्यता

अमेरिकेने यापूर्वी ICC च्या न्यायाधीश आणि अधिकाऱ्यांवर वैयक्तिक निर्बंध लावले आहेत . आता मात्र संपूर्ण संस्थेला लक्ष करण्याची तयारी सुरु असल्याचे समजते आहे . संयुक्त राष्ट्रांच्या महासभेच्या बैठकीदरम्यान किंवा त्यानंतर याबाबत निर्णय जाहीर होण्याची शक्यता व्यक्त करण्यात आली आहे . प्रस्तावातील निर्बंध लागू झाल्यास ICC च्या दैनंदिन कामकाजावर आणि युद्धगुन्ह्यांच्या तापसांवर त्याचा मोठा परिणाम होऊ शकतो .