मंगळवार, 10 नोव्हेंबर 2026
(फोटो सौजन्य-सोशल मीडिया)
वाढत्या ट्रॅफिकमुळे सध्या अनेकजण ऑटोमॅटिक कारला पसंती देत आहेत. मात्र, ऑटोमॅटिक गिअरबॉक्स सहसा महागड्या किंवा टॉप मॉडेलमध्येच मिळतो. Kiaने हा अडथळा दूर करत प्रथमच डिझेल आणि टर्बो पेट्रोल इंजिनमध्ये स्वस्त ऑटोमॅटिक पर्याय दिले आहेत:
डिझेल ऑटोमॅटिक म्हणजेच 6AT: १.५-लिटर इंजिन आणि ६-स्पीड टॉर्क कन्व्हर्टरसह याची सुरुवातीची किंमत केवळ ९.७७ लाख रुपये (एक्स-शोरूम) इतकी आहे.
टर्बो पेट्रोल म्हणजेच 7DCT: १.०-लिटर टर्बो इंजिन आणि प्रगत ७-स्पीड DCT गिअरबॉक्ससह याची किंमत ९.८९ लाख रुपयांपासून सुरू होते.
कंपनीने हे पर्याय आता HTE(O), HTK(O) आणि HTK+ यांसारख्या बजेटमधील व्हेरिएंट्समध्येही उपलब्ध करून दिले आहेत.
सोनेटच्या २०२६ मॉडेलमध्ये कंपनीने एक नवीन ‘मॅग्मा रेड’ (Magma Red) कलर त्यात अॅड केला आहे, ज्यामुळे ही कार अधिक बोल्ड आणि आकर्षक दिसते. याशिवाय इम्पीरियल ब्लू, प्युटर ऑलिव्ह आणि मॅट ग्रेफाइट यांसारख्या १० रंगांचे पर्याय ग्राहकांसाठी उपलब्ध करुन दिले आहेत.
इतक्या कमी किमतीत प्रगत ऑटोमॅटिक तंत्रज्ञान मार्केटमध्ये उपलब्ध करुन दिल्यामुळे आता स्पर्धकांचं टेन्शन वाढणार आहे. किआने टाटा नेक्सॉन, मारुती ब्रेझा, ह्युंदाई व्हेन्यू आणि महिंद्रा XUV 3XO यांसारख्या गाड्यांसमोर मोठं चॅलेंज उभं केलं आहे. १० लाखांच्या आत टॉर्क कन्व्हर्टर आणि DCT सारखे गिअरबॉक्स देणारी Kia ही या सेगमेंटमधील पहिली कंपनी ठरली आहे.
किआ इंडियाचे वरिष्ठ उपाध्यक्ष अतुल सूद यांनी सांगितले की, “आजचा ग्राहक ड्रायव्हिंगमध्ये सुलभता शोधत आहे. म्हणूनच आम्ही स्वस्त दरात ऑटोमॅटिक पर्याय दिले आहेत, जेणेकरून जास्तीत जास्त लोकांना विना-क्लच आणि विना-गिअर ड्रायव्हिंगचा आनंद घेता येईल.” असं स्पष्ट केलं आहे.
जर तुम्ही बजेटमध्ये एखादी दमदार फीचर्स आणि ऑटोमॅटिक गिअरबॉक्स असलेली SUV शोधत असाल, तर नवीन Kia सोनेट हा तुमच्यासाठी सर्वोत्तम पर्याय ठरू शकतो.
