2026 TVS Radeon  लाँच! किंमत फक्त ₹67,100 पासून! मिळणार नवी LED लाइटिंग

TVS मोटरने 2026 रेडियनमध्ये नवीन LED लाइटिंग, अपडेटेड ग्राफिक्स आणि रंगांचे नवीन ऑप्शन दिले आहेत. 109.7cc इंजिन, 8.08bhp पॉवर, 4-स्पीड गिअरबॉक्स आणि GTT टेक्नोलॉजी कायम आहे. DIGI Disc व्हेरिएंटमध्ये फ्रंट डिस्क ब्रेक मिळतो. बाईकच्या तिन्ही व्हेरिएंटच्या किंमती आणि फीचर्सची सविस्तर माहिती वाचा.

• 2026 टीव्हीएस रेडियनची सुरुवातीची एक्स-शोरूम किंमत 67,100 रुपये असून, टॉप व्हेरिएंटची किंमत 73,100 रुपये आहे.
• नवीन LED हेडलॅम्प, DRL, LED टेललॅम्प आणि अपडेटेड ग्राफिक्समुळे बाईकच्या लूकमध्ये आकर्षक बदल करण्यात आले आहेत.
• 109.7cc इंजिन आणि 4-स्पीड गिअरबॉक्स कायम असून, DIGI Disc व्हेरिएंटमध्ये फ्रंट डिस्क ब्रेक मिळतो.

दुचाकी खरेदी करण्याचा विचार करणाऱ्या कस्टमर्ससाठी TVS मोटरने एक महत्त्वाची अपडेट आणली आहे. कंपनीने 2026 टीव्हीएस रेडियन भारतात लाँच केली असून, या कम्युटर बाईकची सुरुवातीची एक्स-शोरूम किंमत 67,100 रुपये ठेवण्यात आली आहे. सणासुदीच्या काळात बाईक खरेदी करणाऱ्यांना आकर्षित करण्यासाठी कंपनीने या मॉडेलमध्ये नवीन लाइटिंग, आकर्षक रंग आणि अपडेटेड ग्राफिक्स दिले आहेत. विशेष म्हणजे, या अपडेटनंतरही बाईकची ओळखीची रचना कायम ठेवण्यात आली आहे.

2026 टीव्हीएस रेडियनच्या व्हेरिएंटनुसार किंमती

टीव्हीएस रेडियन 2026 ही 3 व्हेरिएंटमध्ये अव्हेलेबल आहे. बेस व्हेरिएंटची किंमत 67,100 रुपये आहे. DIGI Drum व्हेरिएंटसाठी 70,100 रुपये, तर DIGI Disc व्हेरिएंटसाठी 73,100 रुपये मोजावे लागतील. या सर्व किंमती एक्स-शोरूम आहेत. त्यामुळे ऑन-रोड किंमत शहर, RTO चार्जेस आणि इन्शुरन्सनुसार बदलू शकते.

फुल चार्जमध्ये 212km! पेट्रोलचा खर्च विसरा! फक्त 18 पैसे/km खर्च! जाणून घ्या 10 लाख कस्टमर्सनी का निवडला TVS iQube?

LED लाइटिंगमुळे लूकमध्ये बदल

या बाईकमधील सर्वात महत्त्वाचे अपडेट म्हणजे नवीन LED हेडलॅम्प आणि त्यामध्ये दिलेला डे-टाइम रनिंग लाइट (DRL). यासोबत LED टेललॅम्प आणि पुढील व मागील बाजूस LED टर्न इंडिकेटर्स देण्यात आले आहेत. टेललॅम्पमध्ये 6 उभे लाइटिंग एलिमेंट्स असल्यामुळे बाईकच्या मागच्या बाजूचा लूकही वेगळा दिसतो.

रंगांच्या बाबतीतही कंपनीने काही बदल केले आहेत. बेस व्हेरिएंटमध्ये ब्लॅक-रेड आणि ब्लॅक-ब्लू रंग मिळतात. DIGI Drum व्हेरिएंटमध्ये ब्लॅक-रेड आणि ब्लॅक-ऑरेंज रंगांचे ऑप्शन आहेत. DIGI Disc व्हेरिएंट ब्लॅक-ऑरेंज रंगात अव्हेलेबल आहे. याशिवाय DIGI Drum आणि DIGI Disc मध्ये आधीचा रेड-ब्लॅक ड्युअल-टोन रंगही कायम ठेवण्यात आला आहे.

TVS Ntorq 150 चा 4,000 किमी लॉंग टर्म रिव्ह्यू! परफॉर्मन्सपासून मायलेजपर्यंत जाणून घ्या अनुभव?

इंजिन आणि फीचर्समध्ये काय मिळणार?

2026 tvs रेडियनमध्ये 109.7cc सिंगल-सिलेंडर, एअर-कूल्ड इंजिन कायम ठेवण्यात आले आहे. हे इंजिन 8.08bhp पॉवर आणि 8.7Nm टॉर्क निर्माण करते. इंजिनसोबत 4-स्पीड गिअरबॉक्स देण्यात आला आहे. कमी वेगात थ्रॉटलचा कमी वापर करून बाईक पुढे नेण्यास मदत करणारे टीव्हीएसचे ग्लाइड थ्रू टेक्नोलॉजी देखील यात मिळते.

बाईकमध्ये सिंगल-पीस सीट, मागच्या बाजूला सामान ठेवण्यासाठी रॅक, 18-इंच अलॉय व्हील्स आणि क्रॅश गार्ड्स देण्यात आले आहेत. DIGI व्हेरिएंटमध्ये डिजिटल इन्स्ट्रुमेंट क्लस्टर मिळते. विशेष म्हणजे, संपूर्ण अपडेटेड रेंजमध्ये फ्रंट डिस्क ब्रेक फक्त DIGI Disc व्हेरिएंटमध्ये देण्यात आला आहे.

एकूणच, नवीन LED लाइटिंग आणि बदललेल्या रंगांमुळे टीव्हीएस रेडियनला फ्रेश लूक मिळाला आहे. पण इंजिन आणि मेकॅनिकल सेटअपमध्ये मोठे बदल झालेले नाहीत. त्यामुळे रोजच्या प्रवासासाठी साधी, उपयोगी आणि तुलनेने परवडणारी कम्युटर बाईक शोधणाऱ्यांसाठी ही अपडेट महत्त्वाची ठरू शकते.