2027 Kawasaki Versys 1100 भारतात लाँच, किंमत ₹13.89 लाख; जाणून घ्या खास फीचर्स

कावासाकीने 2027 व्हर्सिस 1100 भारतात ₹13.89 लाखांत लाँच केली आहे. विशेष म्हणजे नवीन मॉडेलमध्ये मोठे बदल नसतानाही 133 bhp ताकद, 21 लिटर टाकी आणि भरपूर इलेक्ट्रॉनिक फीचर्समुळे ही प्रीमियम टूरिंग बाईक चर्चेत आली आहे.

• 2027 कावासाकी व्हर्सिस 1100 भारतात ₹13.89 लाख एक्स-शोरूम किंमतीत एकाच व्हेरिएंटमध्ये लाँच झाली आहे.
• या अ‍ॅडव्हेंचर टूरिंग बाईकमध्ये 1,099cc 4-सिलेंडर इंजिन 133 bhp पॉवर आणि 112 Nm टॉर्क देते.
• 21 लिटरची इंधन टाकी, क्रूझ कंट्रोल, कॉर्नरिंग ABS आणि ट्रॅक्शन कंट्रोल यांसारखी फीचर्स मिळतात.

कावासाकी इंडियाने आपली लोकप्रिय अ‍ॅडव्हेंचर टूरिंग मोटरसायकल 2027 कावासाकी व्हर्सिस 1100 भारतात लाँच केली आहे. या बाईकची एक्स-शोरूम किंमत ₹13.89 लाख ठेवण्यात आली आहे. विशेष म्हणजे, नवीन मॉडेलमध्ये मागील वर्षाच्या तुलनेत किंमत, डिझाइन, फीचर्स आणि इंजिनमध्ये कोणताही मोठा बदल करण्यात आलेला नाही. ही मोटरसायकल एकाच फुली-लोडेड ‘स्टँडर्ड’ व्हेरिएंटमध्ये उपलब्ध असून, मेटॅलिक मॅट ग्राफीन स्टील ग्रे/मेटॅलिक डायब्लो ब्लॅक रंगात मिळते.

टूरिंगसाठी दमदार डिझाइन

व्हर्सिस 1100 ला लांब पल्ल्याच्या प्रवासासाठी उपयुक्त अशी अ‍ॅडव्हेंचर-टूरिंग रचना मिळते. यात ट्विन LED हेडलॅम्प, कॉम्पॅक्ट LED इंडिकेटर्स, अ‍ॅडजस्टेबल विंडस्क्रीन, रुंद शाउड्स आणि स्प्लिट सीट देण्यात आली आहे. 21 लिटरची मोठी फ्युल टाकी लांब प्रवासात वारंवार पेट्रोल भरण्याची गरज कमी करते. 17-इंचाच्या अलॉय व्हील्सवर ट्युबलेस टायर्स देण्यात आले आहेत.

भारतीय कंपन्यांचा इलेक्ट्रिक स्कूटर मार्केटमध्ये दबदबा!  होंडा, सुझुकी, यामाहा अजूनही स्पर्धेत मागे

फीचर्सच्या बाबतीतही ही बाईक चांगलीच भरगच्च आहे. ऑल-LED लाइटिंगसोबत इलेक्ट्रॉनिक क्रूझ कंट्रोल, USB Type-C चार्जिंग पोर्ट, कॉर्नरिंग ABS, ट्रॅक्शन कंट्रोल, मल्टिपल पॉवर मोड्स आणि इंजिन ब्रेकिंग कंट्रोल मिळते. असिस्ट आणि स्लिपर क्लच तसेच इकॉनॉमिकल रायडिंग इंडिकेटरही देण्यात आला आहे. त्यामुळे शहरातील वापरासोबत हायवे टूरिंगसाठीही ही मोटरसायकल अधिक सोयीची ठरू शकते.

1,099cc इंजिनची ताकद

कावासाकी व्हर्सिस 1100 मध्ये 1,099cc, 4-सिलेंडर, लिक्विड-कूल्ड इंजिन देण्यात आले आहे. हे इंजिन 133 bhp पॉवर आणि 112 Nm टॉर्क तयार करते आणि 6-स्पीड गिअरबॉक्सशी जोडलेले आहे. बाईकचे ड्राय वजन 235 kg, ग्राउंड क्लीयरन्स 150 mm आणि सीट हाइट 820 mm आहे. पुढे 43mm टेलिस्कोपिक फोर्क्स, तर मागे गॅस-चार्ज्ड मोनोशॉक सस्पेन्शन मिळते.

नवी BMW 7 Series आणि i7 भारतात लाँच! किंमत ₹1.95 कोटींपासून सुरु; पाहा या लक्झरी गाडीचे फीचर्स आणि इंटेरियर

भारतीय मार्केटमध्ये व्हर्सिस 1100 ची थेट स्पर्धा ट्रायम्फ टायगर 900 GT आणि बीएमडब्ल्यू F900 GS सारख्या प्रीमियम अ‍ॅडव्हेंचर मोटरसायकलींशी होते. दरम्यान, कावासाकीच्या काही नॉन-E20 मॉडेल्सवर 30 सप्टेंबर 2026 पर्यंत डिस्काउंट आणि इतर फायदे उपलब्ध आहेत.