5 Affordable Hatchback Cars: दिवाळीत नवीन कार घ्यायचीये? 6 एअरबॅग्ससह ‘या’ 5 कार बजेटमध्ये बसतील

5 Affordable Hatchback Cars: दिवाळीत नवीन गाडी घेण्याचा विचार करत असाल आणि कमी बजेटमध्ये जास्त सुरक्षितता हवी असेल, तर 6 एअरबॅग्स असलेल्या पाच गाड्यांची माहिती या वृत्तात देण्यात आली आहे. मारुती अल्टो K10, मारुती सेलेरिओ, टाटा टियागो, मारुती वॅगनआर आणि ह्युंदाई ग्रँड i10 निओस या गाड्यांचा यात समावेश आहे.

• अल्टो K10 आणि सेलेरिओमध्ये बेस मॉडेलपासून 6 एअरबॅग्स
• टाटा टियागो आणि वॅगनआरमध्येही 6 एअरबॅग्स स्टँडर्ड
• ग्रँड i10 निओसमध्ये 6 एअरबॅग्ससोबत फीचर्स आणि स्टायलिश लूक

दिवाळी जवळ आली की नवीन वस्तू घेण्याचा विचार सगळ्यात घरात सुरु असतो. त्यामध्ये नवी गाडी प्लॅन केला जातो. परंतू गाडी घेताना फक्त मायलेज किंवा लूक बघून चालत नाही, सुरक्षितता सगळ्यात महत्त्वाचं आहे. आधी 6 एअरबॅग म्हणजे मोठ्या आणि महागड्या गाड्यांमध्येच मिळायच्या. पण आता कंपन्यांनी विचार बदलला आहे. आता अगदी बेस मॉडेलमध्ये पण 6 एअरबॅग मिळत आहेत. कमी बजेटमध्ये जास्त सेफ्टी हवी असेल तर या 5 गाड्या तुमच्यासाठी बेस्ट आहेत. 5 Affordable Hatchback Cars:

1. मारुती अल्टो K10 – सगळ्यांची आवडती

किंमत – 3.70 लाख ते 5.45 लाख
अल्टो म्हणजे भारताची सगळ्यात जास्त विकली जाणारी गाडी असून यामध्ये फक्त 2 एअरबॅग मिळत होत्या. पण 2025 मध्ये मारुतीने मोठा बदल केला आणि आता बेस मॉडेलपासूनच 6 एअरबॅग स्टॅण्डर्ड दिल्या आहेत. कमी खर्चात फॅमिलीसाठी सुरक्षित गाडी हवी असेल तर अल्टोला पर्याय नाही. जुन्या मॉडेलला GNCAP मध्ये 2 स्टार मिळाले होते, पण आता 6 एअरबॅगमुळे सेफ्टी वाढली आहे.

2. मारुती सेलेरिओ – छोटी पण सुरक्षित

किंमत – 4.70 लाख ते 6.75 लाख
सेलेरिओ पण अल्टो सारखीच गोष्ट आहे. 2021 ला लॉन्च झाली तेव्हा 2 एअरबॅग होत्या. परंतू आता 2025 च्या नवीन अपडेटमध्ये सगळ्या व्हेरिएंटमध्ये 6 एअरबॅग मिळत आहेत. याचा थेट फायदा क्रॅश टेस्टमध्ये दिसला आहे. आधी 2 एअरबॅग असताना फक्त 1 स्टार मिळायचा, आता 6 एअरबॅग आल्यावर 3 स्टार रेटिंग मिळालं आहे. म्हणजे पैशाच्या मानाने सेफ्टी डबल झाली.

3. टाटा टियागो – मजबुतीचा दुसरा नाम

किंमत – 4.77 लाख ते 8.62 लाख
टाटा म्हटलं की सेफ्टीचा काय विषय उरत नाही. टियागो ही टाटाची सगळ्यात छोटी गाडी असली तरी सेफ्टीमध्ये ती मोठ्या गाड्यांना टक्कर देते. कंपनीने या गाडीत पण 6 एअरबॅग स्टॅण्डर्ड केल्या आहेत. टाटाने तर बॉडी पण जास्त मजबूत केली. जुन्या मॉडेलला 2020 मध्ये 4 स्टार मिळाले होते. नवीन मॉडेलची अजून टेस्ट झाली नाही पण त्याला अजून चांगले स्टार मिळतील असं कंपनी सांगते. मजबूत गाडी हवी असेल तर टियागो डोळे झाकून घेऊ शकता.

4. मारुती वॅगनआर – उंच आणि सुरक्षित

किंमत – 4.99 लाख ते 7.24 लाख

वॅगनआर म्हणजे उंची आणि स्पेससाठी प्रसिद्ध फॅमिली कार म्हणून तिला खूप पसंती आहे. आता 2025 पासून वॅगनआरमध्ये पण 6 एअरबॅग स्टॅण्डर्ड येऊ लागल्या आहेत. 2023 मध्ये 2 एअरबॅग असलेल्या मॉडेलला फक्त 1 स्टार मिळाला होता, पण आता 6 एअरबॅगमुळे ती जास्त सुरक्षित झाली आहे. रोजच्या वापरासाठी आणि लांबच्या प्रवासासाठी हा एक चांगला आणि सुरक्षित पर्याय आहे.

5. ह्युंदाई ग्रँड i10 निओस – फीचर्सचा बादशाह

किंमत – 5.60 लाख ते 8.09 लाख
ह्युंदाईची ही गाडी 2019 ला आली तेव्हा 2 एअरबॅग होत्या. नंतर टॉप मॉडेलमध्ये 6 केल्या. पण 2023 च्या अपडेटनंतर आता सगळ्या मॉडेलमध्ये 6 एअरबॅग मिळतात. या गाडीमध्ये सेफ्टी बरोबरच भरपूर फीचर्स पण मिळतात. स्टायलिश लूक आणि सुरक्षितता दोन्ही हवं असेल तर निओस एक चांगला ऑप्शन आहे. 2020 मध्ये या गाडीला 2 स्टार मिळाले होते.