प्रीमियम इलेक्ट्रिक बाइक घ्यायचीय तेही 2 ते 3 लाखांच्या बजेटमध्ये? Ola ते Royal Enfieldच्या या बाइक्सची किंमत आहे परवडणारी

2 ते 3 लाखांच्या बजेटमध्ये आता प्रीमियम इलेक्ट्रिक मोटरसायकलींचे अनेक पर्याय उपलब्ध झाले आहेत. जास्त रेंज, दमदार स्पीड आणि आधुनिक फीचर्समुळे अल्ट्रावॉयलेट, रॅप्टी.एचव्ही, रॉयल एनफिल्ड आणि ओलाच्या बाइक्स ग्राहकांचे लक्ष वेधत आहेत.

भारतात इलेक्ट्रिक मोटरसायकलींची बाजारपेठ वेगाने विस्तारत आहे. त्यामुळे आता चांगली रेंज, दमदार परफॉर्मन्स आणि प्रीमियम फीचर्स असलेली इलेक्ट्रिक बाइक घेण्यासाठी फार मोठे बजेट ठेवण्याची गरज नाही. 2 ते 3 लाख रुपयांच्या आसपासच्या किमतीत काही आकर्षक पर्याय उपलब्ध आहेत. यामध्ये अल्ट्रावॉयलेट, रॅप्टी.एचव्ही, रॉयल एनफिल्ड आणि ओला यांसारख्या कंपन्यांच्या बाइक्सचा समावेश आहे.

अल्ट्रावॉयलेट X-47 क्रॉसओव्हर

अल्ट्रावॉयलेट X-47 क्रॉसओव्हर ही डेली कम्यूटसोबत लांब पल्ल्याच्या प्रवासासाठीही तयार करण्यात आली आहे. यात इंटिग्रेटेड डॅशकॅम, विविध राइडिंग मोड्स आणि आधुनिक कनेक्टेड फीचर्स मिळतात. बाइकची IDC रेंज 323 किमीपर्यंत असून टॉप स्पीड 145 kmph आहे. तिची एक्स-शोरूम किंमत 2,59,000 रुपयांपासून सुरू होते.

रॉयल एनफील्डची नवीन 750cc बाइक टेस्टिंगमध्ये; फेअरिंग आणि ड्युअल डिस्क ब्रेकने वेधले लक्ष

रॅप्टी.एचव्ही T30

रॅप्टी.एचव्ही T30 मध्ये हाय-व्होल्टेज इलेक्ट्रिक आर्किटेक्चर वापरण्यात आले आहे. त्यामुळे ही बाइक इलेक्ट्रिक कारसाठी उपलब्ध असलेल्या पब्लिक DC फास्ट चार्जरवरही चार्ज करता येते. कंपनीनुसार, तिची IDC रेंज 200 किमी आणि टॉप स्पीड 135 kmph आहे. या बाइकची सुरुवातीची एक्स-शोरूम किंमत 2,39,000 रुपये आहे.

रॉयल एनफिल्ड Flying Flea C6

रॉयल एनफिल्डची पहिली इलेक्ट्रिक मोटरसायकल Flying Flea C6 आपल्या निओ-रेट्रो डिझाइनमुळे वेगळी दिसते. हलक्या अॅल्युमिनियम फ्रेमसह यात 154 किमी रेंज आणि 115 kmph टॉप स्पीड मिळतो. BaaS पर्यायासह तिची किंमत 1.99 लाख रुपयांपासून आहे. ड्युअल-चॅनल ABS हेही महत्त्वाचे सेफ्टी फीचर आहे.

लडाखच्या खडतर वाटांवर रॉयल एनफिल्ड हिमालयन 450! ऑफ-रोड राइडचा भन्नाट अनुभव

ओला Roadster Pro आणि अल्ट्रावॉयलेट F77 Mach 2

ओला Roadster Pro मध्ये 10-इंच TFT टचस्क्रीन, ADAS, राइडिंग मोड्स आणि व्हॉइस कंट्रोलसारखी फीचर्स मिळतात. टॉप व्हेरिएंटची IDC रेंज 579 किमी असून किंमत 1,99,999 ते 2,49,999 रुपये आहे. तर अल्ट्रावॉयलेट F77 Mach 2 ची रेंज 323 किमी, टॉप स्पीड 155 kmph आणि किंमत 3.09 लाख ते 4.24 लाख रुपये आहे. स्पोर्टी डिझाइन आणि वेगाला प्राधान्य देणाऱ्यांसाठी हा पर्याय आकर्षक ठरतो.