दमदार इंजिन आणि हायब्रिड तंत्रज्ञान! ऑल-न्यू Renault Duster चे पुनरागमन, ADAS सह मिळणार ‘हे’ प्रीमियम फीचर्स

रेनॉल्ट डस्टरचे नवीन व्हर्जन भारतात लाँच झाले असून या कारमध्ये आपल्याला कोणते फीचर्स पाहायला मिळतील त्याबद्दल आपण जाणून घेऊयात.

• नवीन Renault Duster लाँच
• किंमत 10.49 लाख रुपयांपासून सुरु
• जाणून घ्या फीचर्स

फ्रान्सची वाहन निर्माता कंपनी Renault India ने भारतात ऑल-न्यू Renault Duster SUV अधिकृतपणे लॉन्च केली आहे. या SUV ची सुरुवातीची एक्स-शोरूम किंमत 10.49 लाख रुपये ठेवण्यात आली असून देशभरात डिलिव्हरीलाही सुरुवात झाली आहे. विशेष म्हणजे 31 मार्च 2026 पर्यंत R-Pass प्री-बुकिंगद्वारे ही SUV ₹10.29 लाखांच्या इंट्रोडक्टरी किमतीत उपलब्ध आहे.

नवीन Duster ही Renault Group Modular Platform (RGMP) वर आधारित असून मजबूत बांधणी, उत्तम परफॉर्मन्स आणि भारतीय रस्त्यांसाठी खास तयार करण्यात आली आहे. SUV मध्ये उच्च ग्राउंड क्लीयरन्स, उत्तम अप्रोच आणि डिपार्चर अँगल्स देण्यात आले असून ऑफ-रोडिंगसाठीही ही कार सक्षम आहे.

पेट्रोल-डिझेलच्या महागाईतून हवी असेल सुटका, तर ‘CNG’ ठरेल सर्वोत्तम पर्याय; जाणून घ्या 5 मोठे फायदे

दमदार इंजिन आणि परफॉर्मन्स

या SUV मध्ये Turbo TCe 160 इंजिन देण्यात आले असून ते 163 PS पॉवर आणि 280 Nm टॉर्क निर्माण करते. यामध्ये 6-स्पीड मॅन्युअल आणि 6-स्पीड DCT गिअरबॉक्सचा पर्याय उपलब्ध आहे. वाहनाची राइड आणि हँडलिंग आंतरराष्ट्रीय स्तरावर टेस्ट करण्यात आली आहे.

फीचर्सने परिपूर्ण SUV

नवीन Duster मध्ये 10.1-इंच OpenR Link इन्फोटेनमेंट सिस्टमसह Google Maps, Google Assistant आणि Google Play सपोर्ट दिला आहे. याशिवाय 360-डिग्री कॅमेरा, पॅनोरमिक सनरूफ, व्हेंटिलेटेड सीट्स, ड्युअल-झोन क्लायमेट कंट्रोल आणि 17 ADAS फीचर्स यांचा समावेश आहे.

हायब्रिड व्हर्जनला जबरदस्त प्रतिसाद

E-Tech Strong Hybrid व्हर्जनमध्ये 1.8-लिटर इंजिन आणि 1.4 kWh बॅटरी देण्यात आली आहे. शहरात 80% पर्यंत EV मोडमध्ये ड्रायव्हिंग शक्य असून या व्हर्जनला ग्राहकांकडून मोठा प्रतिसाद मिळाला आहे. 2026 साठीची हायब्रिड युनिट्स आधीच पूर्णपणे बुक झाल्या आहेत.

काय मॉडेल काय फीचर्स सगळं एकदम झकास; BYD Sealion 7 चं स्पेशल एडिशन लॉन्च

5 व्हेरिएंट्समध्ये उपलब्ध

नवीन Renault Duster Authentic, Evolution, Techno, Techno+ आणि Iconic अशा पाच व्हेरिएंट्समध्ये उपलब्ध आहे. याशिवाय खास डिझाइनसह Launch Edition देखील सादर करण्यात आली आहे.

ग्राहकांसाठी विशेष ऑफर्स

कंपनीकडून 7 वर्षांची Renault Forever वॉरंटी आणि सबस्क्रिप्शन मॉडेलचा पर्यायही देण्यात आला आहे, ज्यामुळे ग्राहकांना अधिक लवचिक मालकी अनुभव मिळणार आहे.