Diwali 2025 मध्ये Electric Car खरेदी करण्याचा विचार करताय? ‘या’ 5 गाड्यांचा नक्की विचार करा

दिवाळी 2025 मध्ये जर तुम्ही सुद्धा इलेक्ट्रिक कार खरेदी करण्याचा विचार करत असाल तर मग ५० लाखांपेक्षा कमी किमतीच्या प्रीमियम इलेक्ट्रिक कार्सबद्दल आपण जाणून घेऊयात.

दिवाळी सुरु झाली आहे आणि या वेळी फक्त ‘ग्रीन फटाके’च नाही तर ‘ग्रीन कार्स’ म्हणजेच इलेक्ट्रिक वाहनांची सुद्धा जोरदार चर्चा सुरू आहे. मागील काही वर्षांत इलेक्ट्रिक कारच्या विक्रीत लक्षणीय वाढ झाली असून आता बाजारात 50 लाख रुपयांपेक्षा कमी किंमतीत अनेक प्रीमियम इलेक्ट्रिक कार्स उपलब्ध आहेत. चला, काही उत्कृष्ट इलेक्ट्रिक कारबद्दल जाणून घेऊयात.

MG विंडसर प्रो (MG Windsor Pro)

MG विंडसर प्रो ही एक स्टायलिश आणि परवडणारी इलेक्ट्रिक SUV आहे. ही स्टँडर्ड विंडसरपेक्षा अधिक फिचर्स आणि सुधारित रेंजसह येते. कंपनीच्या दाव्यानुसार ही कार एकदा पूर्ण चार्ज केल्यानंतर सुमारे 449 किलोमीटर पर्यंत धावू शकते. यात मागील सीटसाठी उत्तम लेगरूम असून इंटीरियर प्रीमियम फिनिशसह येतो. टचस्क्रीन कंट्रोल्स थोडे जास्त आहेत, मात्र आरामदायक ड्रायव्हिंग आणि उत्कृष्ट रेंज यामुळे ही SUV एक आकर्षक पर्याय ठरते.

Kia Carens Clavis चे दोन नवीन मॉडेल्स मार्केटमध्ये लाँच, जाणून घ्या किंमत

ह्युंदाई क्रेटा इलेक्ट्रिक (Hyundai Creta Electric)

Hyundai क्रेटा इलेक्ट्रिक ही आपल्या पेट्रोल व्हर्जनप्रमाणेच दिसते, पण याचा ड्रायव्हिंग अनुभव अत्यंत स्मूद आणि शांत आहे. यात अधिक फिचर्स, दमदार परफॉर्मन्स आणि उत्तम रायडिंग कम्फर्ट मिळतो. ही कार चालवायला सोपी, आरामदायी आणि दैनंदिन गरजांनुसार परफेक्ट आहे. किंमत किंचित जास्त असली तरी तिची क्वालिटी आणि ड्रायव्हिंग कम्फर्ट यामुळे ती एक उत्कृष्ट इलेक्ट्रिक SUV ठरते.

विनफास्ट व्हीएफ7 (VinFast VF7)

VinFast VF7 ही एक नवीन आणि आकर्षक इलेक्ट्रिक SUV आहे. तिचा डिझाईन मॉडर्न असून मागील सीटसाठी भरपूर जागा उपलब्ध आहे. ही कार आपल्या सेगमेंटमधील इतर काही गाड्यांपेक्षा आकाराने मोठी असून ड्युअल-मोटर पर्यायामुळे अधिक पॉवर देते. ब्रँड भारतात नवीन असल्याने सध्या डिलरशिप मर्यादित आहेत, तरीसुद्धा फीचर्स आणि डिझाईनमुळे VF7 एक आकर्षक आणि वेगळा पर्याय ठरतो.

स्टॅन्ड अप कॉमेडियन Samay Raina ने खरेदी केली Toyota ची अफलातून कार, फीचर्स दमदार अन् किंमत कोटींच्या पार

महिंद्रा XEV 9e (Mahindra XEV 9e)

Mahindra XEV 9e ही एक मजबूत, आरामदायक आणि प्रॅक्टिकल इलेक्ट्रिक SUV आहे. तिचा लुक स्टायलिश असून रायड क्वालिटी उत्कृष्ट आहे. यात अनेक मॉडर्न फीचर्स आहेत, ज्यामुळे ती एक परिपूर्ण फॅमिली SUV ठरते. तिचे इंटीरियर प्रीमियम अनुभव देते आणि तंत्रज्ञानाच्या बाबतीत ती अनेक लक्झरी कार्सना टक्कर देते.

Tata Harrier EV (टाटा हॅरियर ईव्ही)

Tata Harrier EV ही टाटा मोटर्सची सर्वात दमदार इलेक्ट्रिक SUV मानली जाते. यात ड्युअल मोटर सेटअप आहे, जो जास्त पॉवर आणि ऑफ-रोड क्षमता प्रदान करतो. तिचा दमदार लुक आणि रोडवरील उपस्थिती प्रभावी आहे. ही कार वेगवान, सुरक्षित आणि हाय ग्राउंड क्लीयरन्ससह येते. फिचर्स आणि परफॉर्मन्सच्या बाबतीत Harrier EV आपल्या सेगमेंटमधील सर्वात विश्वासार्ह SUV म्हणून ओळखली जाते.