फोटो सौजन्य: Freepik
फक्त आपणच नाही तर कित्येक जण आपल्या गाडीची चावी कुठेतरी ठेऊन नांतर विसरून जातात. एखादा जण जर घाईत असेल तर हमखास त्याच्याकडून काही गोष्टी हरवून जातात. अनेक वेळा बाहेर गेल्यावर, आपण आपली कारची चावी कधी हॉटेलमध्ये किंवा रेस्टोरंटमध्ये विसरून येतो. काही वेळेस तर चावी कारच्या दरवाज्यालाच लागलेली दिसत असते.
काही प्रसंगामध्ये आपली चावी दुसऱ्या व्यक्तीस मिळते. अशावेळी ही चावी कोणती आहे हे शोधणे त्यांना कठीण होऊन बसते. आता यासाठी तुम्ही तुमच्या एक असा उपाय लावू शकता, ज्यामुळे तुमची चावी हरवली जाणार नाही आणि तुम्ही कोणत्याही नुकसानीपासून वाचवले जाऊ शकता.
हे देखील वाचा: बाईक मेंटेनन्ससाठी फॉलो करा ‘या’ 5 टिप्स, होईल पैश्याची बचत आणि मायलेजही वाढेल
गाडीची चावी कायमच्या हरवण्यापासून रोखण्यासाठी, स्कॅनर असणारी की रिंग कार किंवा बाइकच्या की रिंगमध्ये लावली जाऊ शकते. जेव्हा एखाद्याला तुमच्या कारच्या हरवलेली चावी सापडेल तेव्हा तो QR कोड स्कॅन करेल. हा क्यूआर कोड स्कॅन झाल्यानंतर त्या व्यक्तीच्या मोबाईलवर कार मालकाचा नंबर येईल, ज्यावर ती व्यक्ती गाडीच्या मालकासोबत फोन करून त्याच्या गाडीची चावी कुठून मिळाली आहे. तसेच ती चावी तो कुठून मिळवू शकतो, याबद्दल माहिती देईल.
याशिवाय तुम्ही हा क्यूआर कोड तुमच्या कार किंवा बाईकवरही लावू शकता, जेणेकरून तुमची कार सार्वजनिक ठिकाणी उभी असेल आणि एखाद्याला तुमची कार पुढे किंवा मागे हलवायची असेल तर तो क्यूआर कोड स्कॅन करून तुमच्या नंबरवर कॉल करू शकतो. असे अनेक स्कॅनर टॅग बाजारात उपलब्ध आहेत.
QR कोड फक्त कार किंवा बाईकच्या चाव्यांमध्येच नाही तर खूप मौल्यवान असलेल्या आणि ज्या वस्तू अनेक वेळा हरवल्या जाऊ शकतात त्यामध्ये वापरल्या जाऊ शकता. या क्यूआर कोडच्या वापरामुळे, कोणतीही व्यक्ती तुम्हाला कॉल करू शकते आणि जेव्हा त्याला ती गोष्ट सापडते तेव्हा त्या गोष्टीची माहिती देऊ शकते.
तुम्ही तुमच्या हेल्मेटवर ही QR कोड असणारी की रिंग चिकटवू शकता, जेणेकरून हेल्मेट एखाद्या दुकानात राहिल्यास त्या दुकानाचा मालक स्कॅनरला स्कॅन करून तुमच्या नंबरवर कॉल करून तुम्हाला माहिती देऊ शकतो.
