Maharashtra Today’s Live Breaking News in Marathi: मुंबईतील हवा गुणवत्ता निर्देशांक (AQI) १४६ वर

कोकणातील तीन समुद्र किनाऱ्यांना प्रथमच आंतरराष्ट्रीय ‘ब्लू फ्लॅग’ (Blue Flag) दर्जा प्राप्त झाला आहे.  कोल्हापूरच्या गोकुळ दूध संघाच्या चेअरमनपदी महायुतीचे राजेश पाटील यांची निवड झाल्यानंतर राजकीय वातावरण तापले आहे.  तर राष्ट्रवादी काँग्रेसच्या विलीनीकरणाच्या चर्चांवर सुनेत्रा पवार व शरद पवार गटात खलबते सुरू असल्याचीही चर्चा राजकीय वर्तुळात सुरू झाली आहे. 

राज्यात सायबर गुन्हेगारीचा विळखा घट्ट  गेल्या ८ महिन्यांत ऑनलाइन फसवणुकीतून नागरिकांचा तब्बल २,११९ कोटी रुपयांचा गंडा घातल्याचे उघड झाले आहे. मुंबईत भरदिवसा झालेल्या गोळीबाराच्या घटनेत एकाचा मृत्यू झाला असून फरार आरोपींचा पोलिसांकडून कसून शोध सुरू आहे.  मदर डेअरीने आजपासून दुधाच्या दरात प्रति लिटर २ ते ४ रुपयांची वाढ केली असून आंतरराष्ट्रीय बाजारात ब्रेंट क्रूड तेलाचे दर पुन्हा ९३ डॉलर प्रति बॅरलवर पोहोचले आहेत. ओमानमध्ये सुरू असलेल्या १९ वर्षांखालील (U19) आशिया कप स्पर्धेत आज भारत आणि अफगाणिस्तान यांच्यात उपांत्य फेरीचा (Semi-Final) थरार रंगणार आहे.