क्रूझ कंट्रोलसह BGauss C12 MaxR इलेक्ट्रिक स्कूटर लाँच, चार आकर्षक रंगांमध्ये उपलब्ध

बीगॉसने सी12 मॅक्सर इलेक्ट्रिक स्कूटर भारतात लाँच केला असून त्यात 3.8 kWh LFP बॅटरी, 178 किमीपर्यंत दावा केलेली रेंज आणि क्रूज कंट्रोल मिळतो.

• बीगॉस सी12 मॅक्सरमध्ये 3.8 kWh LFP बॅटरी असून एका चार्जमध्ये 178 किमीपर्यंत रेंजचा दावा आहे.
• नवीन इलेक्ट्रिक स्कूटरमध्ये क्रूज कंट्रोल, रिव्हर्स मोड आणि Eco, Ride, Sport असे 3 राइडिंग मोड मिळतात.
• 5-इंच TFT डिस्प्ले, वायरलेस चार्जिंग, मोठी स्टोरेज आणि HyperZen इन-व्हील मोटर ही प्रमुख वैशिष्ट्ये आहेत.

इलेक्ट्रिक टू व्हीलर प्रोडक्शन कंपनी बीगॉसने आपला नवीन बीगॉस सी12 मॅक्सर इलेक्ट्रिक स्कूटर भारतीय बाजारात लाँच केली आहे. दैनंदिन वापरासोबतच लांब पल्ल्याच्या प्रवासासाठी उपयुक्त ठरेल, अशा पद्धतीने या स्कूटरची रचना करण्यात आली आहे. विशेष म्हणजे, यात क्रूज कंट्रोलसारखे फीचर देण्यात आले असून कंपनीने एका चार्जमध्ये तब्बल 178 किमी पर्यंत रेंज मिळण्याचा दावा केला आहे.

बीगॉस सी12 मॅक्सरमध्ये 3.8 kWh क्षमतेची LFP बॅटरी देण्यात आली आहे. या स्कूटरची मोटर 4.2 kW पर्यंत पीक पॉवर निर्माण करते आणि तिचा टॉप स्पीड 75 किमी/ता पेक्षा जास्त असल्याचे सांगितले जाते. रायडरला परिस्थितीनुसार Eco, Ride आणि Sport असे 3 राइडिंग मोड निवडता येतात. पार्किंग किंवा अरुंद जागेत स्कूटर हाताळणे सोपे व्हावे यासाठी रिव्हर्स मोडही उपलब्ध आहे.

Simple Wave इलेक्ट्रिक स्कूटर १.०९ लाख रुपयांना भारतात लाँच! २४३ किमी पर्यंतची तगडी रेंज आणि बरच काही

या स्कूटरचे खास आकर्षण म्हणजे कंपनीची HyperZen इन-व्हील मोटर टेक्नॉलॉजी. मोटर, गिअर, ब्रेक आणि मोटर कंट्रोल युनिटची रचना चाकाच्या हबमध्ये करण्यात आल्याने बाहेरील बेल्ट किंवा चेनची गरज कमी होते. त्यामुळे देखभालीच्या दृष्टीनेही हे स्ट्रक्चर फायदेशीर ठरू शकते.

फीचर्सच्या बाबतीतही बीगॉसने कुटुंबाच्या गरजा लक्षात घेतल्या आहेत. सीटखाली 2 हेल्मेट ठेवता येईल इतकी स्टोरेज स्पेस, छत्रीसाठी पॉप-आउट होल्डर, फोन आणि बाटलीसाठी जागा तसेच वायरलेस स्मार्टफोन चार्जिंगची सुविधा देण्यात आली आहे. सर्व आवश्यक माहिती दाखवण्यासाठी 5-इंच TFT डिस्प्ले मिळतो.

Honda UC3 Electric Scooter: होंडाची नवी इलेक्ट्रिक स्कूटर भारतात येणार! ‘UC3’ चे डिझाईन पेटंट बुक! मिळतील जबरदस्त फीचर्स

राइड क्वालिटीसाठी 12-इंच अलॉय व्हील्स, ट्यूबलेस टायर्स, पुढील बाजूस हायड्रॉलिक टेलिस्कोपिक फोर्क आणि मागे 5-स्टेप अॅडजस्टेबल नायट्रॉक्स गॅस-चार्ज्ड सस्पेन्शन दिले आहे. सुरक्षिततेसाठी 220 mm फ्रंट डिस्क ब्रेक आणि रीजेनेरेटिव्ह ब्रेकिंग सिस्टम उपलब्ध आहे. 160 mm ग्राउंड क्लिअरन्स आणि 150 किलो पर्यंत वजन वाहून नेण्याची क्षमता असलेला ही स्कूटर स्पार्कलिंग वाइन विथ शॅम्पेन गोल्ड, टेरा ग्रीन विथ शॅम्पेन गोल्ड, पर्ल व्हाइट आणि सॅटिन ब्लॅक अशा 4 प्रीमियम रंगांमध्ये अवेलेबल आहे.