बुलेटला टक्कर द्यायला BSA मैदानात! BSA च्या 2 नवीन बाइक्स Scrambler 350 आणि Bobber 350 ची धमाकेदार एन्ट्री

BSA Bantam Scrambler 350 आणि Bantam Bobber 350 या नवीन 334cc बाइक्स EICMA 2026 मध्ये सादर झाल्या आहेत. 29 hp पॉवर, वेगवेगळे इंजिन सेटअप आणि खास Bobber SP व्हेरिएंटमुळे या बाइक्स चर्चेत आहेत. भारतात त्यांची एन्ट्री कधी होणार?

• BSA Bantam Scrambler 350 मध्ये नवीन 334cc इंजिन असून ते 29 hp पॉवर आणि 30 Nm टॉर्क देते.
• BSA Bantam Bobber 350 मध्ये 28.2 hp पॉवर, 6-स्पीड गिअरबॉक्स आणि ड्युअल-चॅनल ABS मिळते.
• BSA Scrambler 350 आणि Bobber 350 ची युरोपमध्ये 2027 मध्ये विक्री सुरू होणार असून किंमती जाहीर नाहीत.

ब्रिटिश मोटरसायकल ब्रँड बीएसए (BSA) ने EICMA 2026 मध्ये आपल्या नवीन BSA Bantam Scrambler 350 आणि BSA Bantam Bobber 350 या 2 बाइक्सचे अनावरण केले आहे. या दोन्ही मोटरसायकल 334cc सिंगल-सिलिंडर इंजिनसह सादर करण्यात आल्या आहेत. कंपनीने आपल्या जुन्या 4 मोटरसायकल मॉडेल्ससाठी 2027 मध्ये नवीन कलर ऑप्शन्सही जाहीर केले आहेत. या नवीन बाइक्सची युरोपमध्ये 2027 मध्ये विक्री सुरू होणार आहे. भारतात त्यांची एन्ट्री कधी होणार, याबाबत कंपनीने माहिती दिलेली नाही.

BSA Bantam Scrambler 350 मध्ये नवीन इंजिन

BSA Bantam Scrambler 350 ही 1966 मधील Bushman मोटरसायकलपासून प्रेरित आहे. या बाइकमध्ये नवीन 334cc इंजिन देण्यात आले असून ते 29 hp पॉवर आणि 30 Nm टॉर्क जनरेट करते. वजन कमी करत पॉवर वाढवण्याच्या उद्देशाने हे इंजिन विकसित करण्यात आले आहे. कमी आणि मध्यम वेगात चांगला टॉर्क तसेच वेगवान थ्रॉटल रिस्पॉन्स मिळण्याचा कंपनीचा दावा आहे.

या Scrambler मध्ये 19-इंच फ्रंट आणि 17-इंच रिअर व्हील्स आहेत. ब्रेकिंगसाठी 320mm फ्रंट आणि 240mm रिअर डिस्क मिळते. बाइकचे वजन 184 kg असून सीटची उंची 812mm आहे. ब्लॅक, ग्रीन आणि ग्रे अशा 3 रंगांमध्ये ही बाइक सादर झाली आहे.

Harley-Davidson X350T EICMA 2026 मध्ये सादर! 350 cc इंजिन, Riding Modes आणि Traction Control; अजून काय मिळणार खास

BSA Bantam Bobber 350 ची खासियत

BSA Bantam Bobber 350 मध्ये लिक्विड-कूल्ड 334cc इंजिन असून ते 28.2 hp पॉवर आणि 26.4 Nm टॉर्क देते. यासोबत 6-स्पीड गिअरबॉक्स मिळतो. बाइकला 41mm टेलिस्कोपिक फोर्क आणि प्रीलोड अ‍ॅडजस्टेबल मोनोशॉक देण्यात आला आहे. 18-इंच फ्रंट आणि 17-इंच रिअर अलॉय व्हील्ससह ड्युअल-चॅनल ABS मिळते. तिचे वजन 189 kg आणि सीटची उंची 742mm आहे. Bobber 350 SP व्हेरिएंटमध्ये गोल्ड USD फोर्क्स, 16-इंच वायर-स्पोक व्हील्स, जाड फ्रंट टायर आणि TFT डिस्प्ले मिळतो. हा व्हेरिएंट Dark Chrome रंगात सादर झाला आहे.

बाईक छोटी, स्वप्नं मोठी! Hero Xpulse 150 ची धमाकेदार एंट्री! 150 cc इंजिनसह कमी किमतीत मिळणार Adventure Bike?

जुन्या BSA बाइक्सना नवीन रंग

Thunderbolt 350 ला Black/Yellow, Green/Ivory आणि Grey रंग मिळाले आहेत. Bantam 350 साठी Mist Green रंग सादर करण्यात आला आहे. Gold Star 650 ला Birmingham Blue आणि Brooklands Black, तर Scrambler 650 ला Deep Green, Black Chrome, Gloss Black आणि Victory Yellow रंग मिळतात. या नवीन 350cc बाइक्सच्या किंमती कंपनीने जाहीर केलेल्या नाहीत.